2 KIUTHSÜYUKHEAN 7:19 - AMÜSÜH HÜM CL Bible (BSI)

¹⁹ “Tüshe nünü anguhde I yakzanbo tüsho inü nü miki zojihkhi thiyukhümbo bahyuksho, tüsho tsobah püpürü thrünpuhbo tankihde arü kingaünsho,

2 KIUTHSÜYUKHEAN 7:19 Iomraidhean Croise

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

2 KIUTHSÜYUKHEAN 33:8

nüsanü lang inü nüsa kilim thiyukhüm, yakzan, yakzan thsükhi, tüsho thiyuzüngbo Mosa hode ajihkhi kümkangde rhimosho, inü nüsa jipürü thsungkheak jihkhi lo chingnü küyimkishe Israel jing matrütloshih.”

ABEKHIT 20:5

nünü arü ki dükhukning yungsho dükingaün. Tümüde I Atungpuh nüsa Thrünpuh, mükthsü Thrünpuhnü bebuhrü mülimkhi tsührübo kheak lün mahsam tüsho lün phüyi khiungde I thraneanrü rhua kheahchoh,

JEREMIA 9:13

Tüsho Atungpuhnü thachoh: Tümütüsho arünü arü miki zojihkhi I yakzan bahyukdo, tüsho I yu mani, yungsho ju yande mütsah,

LEVI 26:14

Tüshe nüsanü I ki manisho, tüsho thiyukhümbo alala müleangkhisho,

WÜHKHE 32:15

Tümüde nüsanü api dunglim müyande rholosho, kheaküshe apinü sunglo ching arü bahjihbah, tüsho nüsanü harü mihtsürü thsümünimjihbah.”

YUZÜNGTHALO 28:15

“Tüshe nüsanü Atungpuh nüsa Thrünpuh düsheak manide, inü khihni nüsa ki thiyukhüm jihkhi api yukhüm tüsho yakzanbo müyansho, harü muthrumünean alala nüsa kheak akihde arheakbah:

JIHUSUA 23:7

junangde nüsa lung larü mihtsürü bolung mütsah yungsho arü Thrünpuh mung jide thiyuchihchim müthsü yungsho arü mütankih yungsho arü miki mümükhüm,

1 SAMUEL 12:25

Tüshe nüsanü judü lang amütsü rhimosho, nüsa le nüsa kiulongthsüpuh chido phüta bahbah.”