2 KIUTHSÜYUKHEAN 7:17 - AMÜSÜH HÜM CL Bible (BSI)

¹⁷ Nü thsungkheak a, nünü nü buh Davidnü atsahkhi nangde inü nü ki thiyukhüm jihkhi alala rhimode tüsho I yakzan thsükhibo tüsho I yuzüngbo anide I miki tsahsho,

2 KIUTHSÜYUKHEAN 7:17 Iomraidhean Croise

1 KIULONG THSÜRÜ 11:38

Nünü I yukhüm alala anide, I limrobo ching tsahsho, tüsho I yamlarü Davidnü arhimokhi nangde, I yakzanbo tüsho I yukhümbo anide I miki alungki rhimosho, I nü lung labah, tüsho inü David khilim thsüjihkhi nangde nü khilim atsüpbe yam thsüjihbah, tüsho inü nü kilim Israel jihbah.

1 KIULONG THSÜRÜ 2:3

tüsho Mosa yakzan ching thrüta lakhi nangde api limrobo ching tsahde, api yakzanbo, api yukhümbo, api yuzüngbo tüsho api thiyumütsanbo anide Atungpuh nü Thrünpuhnü thiyukhüm jihkhibo zoang, junangde nünü arhimokhi alala ching tüsho nü yüpungbo ching akuk ngübah.

1 KIULONG THSÜRÜ 3:14

Nü buh Davidnü atsahkhi nangde I yakzanbo tüsho I yukhümbo anide nünü I limrobo ching tsahsho, inü nü kutsüp ashang kamshihbah.”

1 KIULONG THSÜRÜ 8:25

Jumonü, O Atungpuh Israel Thrünpuh, nü yamlarü I buh David ki alokhide ha thakhi zoang, ‘Nünü I miki tsahkhi nangde nü tsührübonü I miki tsahpü arü limro kümkangsho, nü müthri khülang Israel kiulongthsü-binkiu kheak binpü küyimkishe mülakphah.’

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

2 KIUTHSÜYUKHEAN 6:16

Jumonü, O Atungpuh , Israel Thrünpuh, nü yamlarü I buh David ki alokhikhi zoang, küpü nünü api ki alokhide tha, ‘Nü tsührübonü lang nünü I miki tsahkhi ruk I yakzan ching tsahde arünü kümkangde anisho I miki Israel kiulongthsü-binkiu kheak binpü nü müthri küyimkishe mülade müthsü.’

2 KIUTHSÜYUKHEAN 7:16

Tümüde kheakü ha yam inü mokhitdo tüsho müsühkhitdo, junangde ju ching I mung lünnü alabah; I mükbo tüsho I mulong ju ching kim alala thsungkheak labah.

2 KIUTHSÜYUKHEAN 7:18

inü nü buh David ki tangzüngkhi, ‘Israel kurungkheak yakzan shuhpü nü müthrirü mülade müthsü,’ dükhi nangde inü nü kiulongthsü-binkiu thsakhamjihbah.

MUNGSHIKHÜN 105:45

junangde arünü api yakzan thsükhibo tüsho api yakzan anipü lakheah. Atungpuh shiang!

MUNGSHIKHÜN 119:5

O, I limrobo ju nü yakzan thsükhibo yanpü lakhülaa!

EZEKIEL 36:27

Inü I me nü kheak yukjihbah, tüsho I yakzan thsükhibo ching tsahbah tüsho I yuzüngbo rhimopü kümkangshihbah.

ZEKARIA 3:7

“ Wuto Atungpuhnü ha thachoh: Nünü I limro ching tsahsho tüsho inü alunekhibo zosho, nünü I yam kurungkheak yakzan shuhbah tüsho ju khiungshakbo neakbah, tüsho ha ching zhiprü bolung inü nü kilim dangpung ngüpü alim jihbah.

JOHAN 14:21

Shepü I yuzüngbo la tüsho jurübo zochonü apinü I muzhochoh. Shepünü I muzhochonü I Buhnü amuzhobah, tüsho inü api muzhobah tüsho api ki I akhiuka huhbah.”

JOHAN 15:10

Nüsanü I yuzüng zosho, inü I Buh yuzüng zobah api amuzho ching lakhi nangde nüsanü I muzho ching labah.

YUZÜNGTHALO 4:40

Jumonü nüsanü api yakzanbo tüsho yuzüngbo inü khihni jihkhi aniang, junangde nüsa dunglim tsührübo kheak tsüde alabah, tüsho Atungpuh nüsa Thrünpuhnü lün thsungkheak jihkhi lo ching nüsa kutsüpde alabah.”