2 KIUTHSÜYUKHEAN 7:16 - AMÜSÜH HÜM CL Bible (BSI)

¹⁶ Tümüde kheakü ha yam inü mokhitdo tüsho müsühkhitdo, junangde ju ching I mung lünnü alabah; I mükbo tüsho I mulong ju ching kim alala thsungkheak labah.

2 KIUTHSÜYUKHEAN 7:16 Iomraidhean Croise

1 KIULONG THSÜRÜ 8:16

‘Inü I mihtsürübo Ijip chingnü abekhitkhi nimungnü, thüyam khülang thsüpü thsüde inü Israel trük püpü bolungnü kiuto mumokhit; tüshe I mihtsürü Israel kurungkheak lashihpü inü David mokhit.’

1 KIULONG THSÜRÜ 8:35

“Küyimki yinmi rihdoba tüsho arünü nü azhihde neak yihbeakmonü tsüng marübanü, tüsho arünü nü mung ching alokhide ha yam lim tamkhüntamnüba, tüsho nünü arü thsümüchikhi hode arü neak chingnü arholoba,

1 KIULONG THSÜRÜ 8:44

“Nü mihtsürübo arü riri bede keochihpü yüsho, kürü ching nünü arü yüshihba, tüsho nünü amokhitkhi kiuto le nü mung thsungkheak inü athsükhi yam lim arünü Atungpuh ki tamkhüntamnüba,

1 KIULONG THSÜRÜ 8:48

arünü arü mulong tüsho me athrünkhinü arü rama lubah ayükhi arü riri lomi chingnü müthrisho, tüsho nünü mokhitkhi kiuto tüsho nü mung thsungkheak thüyam thsükhi tüsho nünü arü jipürü kilim jihkhi lo lim nü ki tamkhüntamnüsho;

1 KIULONG THSÜRÜ 9:3

Atungpuhnü api ki tha, “Nünü I miki tamkhüntamnükhi tüsho zhoshekhi inü sodo; nünü athsükhi yam ha inü müsühkhitdo, tüsho ju ching lün thsungkheak I mung yuka zolah; I mük tüsho I mulong lünnü ju ching labah.

2 KIULONG THSÜRÜ 21:4

Apinü Atungpuh yam ching kingaün sadambo thsü, küpü Atungpuhnü tha, “Jirusalem ching inü I mung zobah.”

2 KIUTHSÜYUKHEAN 30:8

Nüsa jipürü nangde yihkhro düla, tüsho Atungpuh ki mihyuaniang tüsho apinü lün thsungkheak tsangkhitkhi api amüsüh dangpung ching arang, tüsho Atungpuh nüsa Thrünpuh tankihang, junangde api bukakhiukkhi amüshak nüsa kheaknü rholode atsobah.

2 KIUTHSÜYUKHEAN 6:20

Nünü nü mung zopü alokhikhi dangpung ching, animung tüsho are ha yam lim nü mükbo rhakang, tüsho nünü nü yamlarünü ha yam lim tamkhüntamnükhi sojang.

2 KIUTHSÜYUKHEAN 7:12

Judüki azhing ching Atungpuhnü Solomon ki akhiuka huh tüsho api ki tha: “Inü nü tamkhüntamnü sodo, tüsho ha dangpung ha I thsungkheak shuhmülanga jihpung yam de mokhitdo.

2 KIUTHSÜYUKHEAN 7:15

Kheakü ha dangpung ching tamkhüntamnükhi lim I mükbo khimshuhbah tüsho I nükhünbo anguhbah.

2 KIUTHSÜYUKHEAN 7:17

Nü thsungkheak a, nünü nü buh Davidnü atsahkhi nangde inü nü ki thiyukhüm jihkhi alala rhimode tüsho I yakzan thsükhibo tüsho I yuzüngbo anide I miki tsahsho,

MUNGSHIKHÜN 132:13

Tümüde Atungpuhnü Zion mokhitdo; apinü anihbuh lapü ha mulongdo:

MUNGSHIKHÜN 132:14

“Ha lünnü I sühakhimpung ah; ha ching I labah tümüde inü ha mulongdo.

ZEKARIA 3:2

Tüsho Atungpuhnü Arimri ki tha, “Atungpuhnü nü thürühchoh, O Arimri! Jirusalem mokhitbuh Atungpuhnü nü thürühchoh! Ha buh mihtsürü ha mo chingnü adukkhitkhi mozhuh yung de?”

MATHI 3:17

Tüsho zukleangnü yinmi chingnü düsheak khülangnü tha, “Ha inü tsüde mulong keamkhi, amuzhokhi I tsührü ah.”

YUZÜNGTHALO 12:21

Atungpuh nü Thrünpuhnü api mung zopü mokhitkhi dangpung ju nü kheaknü khide limshusho, inü nü ki thiyukhüm jihkhi yande, Atungpuhnü nü kilim jihkhi moshi yungsho mihnu khürü laksahang; tüsho thüyam chingnü nü künthülün tsühpü kuklah.

YUZÜNGTHALO 16:11

Nü tüsho nü tsührü le tsührübe, nü yamlabuhrü le yamlaberü, nüsa chipimurung khüp lakhi Levirü, hanrü tüsho mürerü tüsho nüsa lung lakhi khimoberü alalanü Atungpuh nüsa Thrünpuhnü api mung zopü mokhitkhi dangpung chingnü Atungpuh Thrünpuh miki asühachihang.

KOLOSI 2:9

Tümüde api kheak abanathsangkhi Thrünpuh pangnü lachoh,