2 KIUTHSÜYUKHEAN 7:14 - AMÜSÜH HÜM CL Bible (BSI)

¹⁴ I mung chingnü ajikhi I mihtsürübonü azhihayihsho, tamkhüntamnüsho, I miro yimsho, tüsho arü limrobo amütsü chingnü rholosho, inü yinmi chingnü sojihbah arü neak bahjihbah tüsho arü lomi thsüngujihbah.

2 KIUTHSÜYUKHEAN 7:14 Iomraidhean Croise

2 KIUTHSÜYUKHEAN 20:3

Jehoshaphatnü trede alakheah; apinü Atungpuh yimpü thsakham, tüsho Juda alala ching, khümkeak thsüpü zhiyuk.

2 KIUTHSÜYUKHEAN 20:4

Judanü Atungpuh kilimnü arung yimpü mukhung; Juda kiuto alala chingnü arünü Atungpuh yimpü arü.”

2 KIUTHSÜYUKHEAN 6:27

nünü yinmi chingnü sojang, nünü arü ki arünü atsahpung limro atsü thsangyuchoki nü yamlarübo, nü mihtsürü Israel neak bahjang, tüsho nünü nü mihtsürübo ki yamrüplurüp jihkhi lo ching tsüng akishang.

2 KIUTHSÜYUKHEAN 6:30

nünü nü lapung yinmi chingnü sojang, neak bahjang, tüsho nünü mükheahde alakhi mulong arü limro ayannü alala ki jihang, tümüde nünü lang mihtsürü mulong mükheahlah.

2 KIUTHSÜYUKHEAN 6:33

nünü nü lapung yinmi chingnü sojang, tüsho khiungkerübonü tümüpürü nü ki keokhichonü rhimojang, junangde lomi ching mihtsürü alalanü nü mihtsürü Israelnü arhimokhi nangde nü mung ato mükheahbah tüsho nü trebah, tüsho inü athsükhi ha yam kheak nü mung jia lah de arünü amükheahbah.

MUNGSHIKHÜN 27:8

Nünü tha, “Nünü I miro yimang.” I mulongnü nü ki thachoh, “Atungpuh , inü nü miro yimchoh.”

MUNGSHIKHÜN 60:2

Nünü alo züngshihdo, nünü züngrüpshihdo; athsümünimkhi thsülojang, tümüde ha niukchoh.

MÜCHITMUDU 28:13

Shepünü nihbuh neakbo ramchonü akuk müngüchoh, tüshe shepünü jurü alokhiabahcho tüsho bahyukchonü mihmüthsüm labah.

ISAIA 45:19

Inü amiting lomi ching ramde masuk, inü Jakob tsührü ki mütha, “Akeangkeang ching I yimang.” I Atungpuhnü thiyuro asukchoh, inü alungki thachoh.

ISAIA 59:20

Rhokhitrü Zion ching, tüsho Jakob ching arü neak chingnü rholorü kilim api arübah, Atungpuhnü thachoh.

ISAIA 63:19

Isa ashangkhüh nünü yakzan mushuhkhi nangde, nü mungnü müjirü nangde lado.

JEREMIA 14:9

Tümüde nü a mihtsürü nangde müyinnima, akhümkhitkhukpü wumülakhi thirithsürü nangde alaba? Tütüshe, O Atungpuh , nü isa bolung lah, tüsho nü mung chingnü isa jikheah, isa dübahyuk!

JEREMIA 33:6

Tütüshe inü shihphü jihlobah tüsho thsüngubah; inü arü thsüngubah tüsho lalim atsü tüsho kurampung suhdahde inü arü ki huhbah.

JEREMIA 50:4

Atungpuhnü thachoh, ju nimung ching, ju kim ching, Israel mihtsürü tüsho Juda mihtsürü rukhüh arübah; arünü Atungpuh arü Thrünpuh yimde tripde arübah.

JEREMIA 51:9

Isanü Babilon thsüngupü mürangdo, tüshe anihbe müthsüngukhuk. Anihbe bahyukang, tüsho isa mihbüm abannü isa nihbuh lomi lim yüanü; tümüde anihbe mahkhapkhi yinmi khiungdo tüsho thüningbo khiungde shuhkihdo.

JEREMIA 8:22

Gilead ching moli müla de? Ju ching thümürü müla de? Dale tümüde amuzhobe I mihtsürü shihphü müthsüngukhea?

EZEKIEL 33:11

Arü ki thaang, I lale, Atungpuh Thrünpuhnü thachoh, mihbukmuyuk shekhi ching I asühpü müla, tüshe mihbukmuyuknü arü limrobo chingnü rholobah rhangdung lakhi ching lah; nüsa amütsü limrobo chingnü rholoang, rholoang; tümüde nü ashepü, O Israel yamkhün?

EZEKIEL 33:12

Tüsho mihtsürü tsührü, nünü nü mihtsürübo ki thaang, Mihtsürü atsünü neak yihbeakchoki api rhimo atsünü anihbuh mükhümkhit; tüsho mihbukmuyukrünü mihbukmuyuk rhimo tuklosho api müthsümüchi, tüsho mihtsürü atsünü neak yihbeakpü tankihsho api rhangdung maningshih.

WÜHKHE 6:27

Junangde arünü I mung Israelrü tsührü kheak yihkihjihbah, tüsho inü arü müngühjihbah.

YUNIRÜBO RHIMO 9:11

Atungpuhnü api ki tha, “Langakindo alakhi kiudunglimro kheak Juda yam ching yüang tüsho Tarsa chingnü mihtsürü khülang amung Saul dünkheak keokhiang, tümüde api tamkhüntamnüde lah.

YUZÜNGTHALO 28:10

Judüki alomi ching mihtsürübonü Atungpuhnü nüsa api mihtsürü thsüpü mokhitdo de angübah, tüsho arünü nüsa trebah.