2 KIUTHSÜYUKHEAN 7:12 - AMÜSÜH HÜM CL Bible (BSI)

¹² Judüki azhing ching Atungpuhnü Solomon ki akhiuka huh tüsho api ki tha: “Inü nü tamkhüntamnü sodo, tüsho ha dangpung ha I thsungkheak shuhmülanga jihpung yam de mokhitdo.

2 KIUTHSÜYUKHEAN 7:12 Iomraidhean Croise

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

1 KIULONG THSÜRÜ 9:2

api ki Gibeon ching akhiuka huhkhi nangde mahne kipü Atungpuhnü Solomon ki akhiuka huh.

2 KIULONG THSÜRÜ 2:6

Judüki Elijanü api ki tha, “Ha kheak binang; tümüde Atungpuhnü I Jordan ching yüshihdo.” Tüshe apinü tha, “Atungpuh tüsho nü lale, inü nü mübahjih.” Jumonü anenü yü.

2 KIULONG THSÜRÜ 20:5

“Rholoang, tüsho I mihtsürü yakzanshuhbuh Hezekia ki thaang, Nü pü David Thrünpuh, Atungpuhnü ha thachoh: Inü nü tamkhüntamnükhi sodo, inü nü chike ngüdo; atsütsü, inü nü thsüngubah; nimung asam nipü nü Atungpuh yam ching wutubah.

2 KIULONG THSÜRÜ 21:7

Apinü athsükhi Ashera sangthsü anihbuhnü lu tüsho arüngyam ching yuk, küpü Atungpuhnü David tüsho atsührü Solomon ki tha, “Ha yam, tüsho Jirusalem ching, küpü Israel trük alala chingnü inü mokhitkhea, inü lünnü I mung zobah;

2 KIUTHSÜYUKHEAN 1:7

Ju tsüngre Thrünpuhnü Solomon ki akhiuk, tüsho api ki tha, “Inü nü tümü jihbeanü kheangang.”

2 KIUTHSÜYUKHEAN 7:16

Tümüde kheakü ha yam inü mokhitdo tüsho müsühkhitdo, junangde ju ching I mung lünnü alabah; I mükbo tüsho I mulong ju ching kim alala thsungkheak labah.

MUNGSHIKHÜN 10:17

Atungpuh , thsümütsürünü alunekhi sojang; nünü arü mulong toshang; tüsho arünü azhikhi anijang,

MUNGSHIKHÜN 66:19

Tüshe dükde Thrünpuhnü I sojihdo; apinü I tamkhüntamnü düsheak anijihdo.

MALAKI 3:4

Judüki Juda tüsho Jirusalem kingaün ju awün nimungbo tüsho khakhih kambo ching nangde Atungpuh ki asühpü labah.

LUKNÜ ATHRÜTKHI THIYUSHEAK-ATSÜ HUHTANYU 1:13

Tüshe yunirünü api ki tha, “Zakaria dütre, tümüde nü tamkhüntamnü sojihdo; nü niube Elizabethnü nü kilim tsührü khülang zübejihbah tüsho nünü api mung Johan de ajibah.

YUNIRÜBO RHIMO 10:31

tüsho tha, ‘Kornelia, Thrünpuhnü nü tamkhüntamnü sodo tüsho nünü jihchungkhi lümkhitdo.

YUZÜNGTHALO 12:11

judüki Atungpuh nüsa Thrünpuhnü api mung lashihpü mokhitpung ching inü nüsa ki thiyukhüm jihkhi lüpdükhi lubah arang: nüsanü taka kingaünbebo, laksah-a kingaünbe, thürü shihcham, arung kingaünbo tüsho nüsanü Atungpuh ki thiyuchihchimde mokhitkhi kingaünbo.