2 KIUTHSÜYUKHEAN 6:6 - AMÜSÜH HÜM CL Bible (BSI)

⁶ tüshe ju ching I mung lashihpü thsüde inü Jirusalem mokhit, tüsho I mihtsürü Israel kurungkheak inü David mokhit.’

2 KIUTHSÜYUKHEAN 6:6 Iomraidhean Croise

2 KIULONG THSÜRÜ 21:4

Apinü Atungpuh yam ching kingaün sadambo thsü, küpü Atungpuhnü tha, “Jirusalem ching inü I mung zobah.”

2 KIULONG THSÜRÜ 21:7

Apinü athsükhi Ashera sangthsü anihbuhnü lu tüsho arüngyam ching yuk, küpü Atungpuhnü David tüsho atsührü Solomon ki tha, “Ha yam, tüsho Jirusalem ching, küpü Israel trük alala chingnü inü mokhitkhea, inü lünnü I mung zobah;

1 KIUTHSÜYUKHEAN 17:5

Tümüde inü Israel bekhitkhi nimungnü thüyam ching laamükheah, tüshe I khimyam tüsho arüngkhimyam ching lakheah.

1 KIUTHSÜYUKHEAN 17:7

Kheakü jumonü ha nünü I yamlarü David ki thaang: Ha Wuto Atungpuhnü thachoh: Inü nü I mihtsürü Israel kurungkheak yakzanshuhrü thsüshihpü namfimihnu yande alakhi, rimlopung chingnü bea lu;

1 KIUTHSÜYUKHEAN 28:4

Tütüshe Israel kurungkheak lünnü kiulongthsürü thsüpü Atungpuh Israel Thrünpuhnü isa jipürü yamkhün alala chingnü I mokhit; tümüde apinü Juda limberü mokhit, tüsho I buh Juda yamkhün ching, I buh tsührü bolung ching apinü I Israel alala kurungkheak kiulongthsürü thsüshihpü kün.

2 KIUTHSÜYUKHEAN 12:13

Jumonü kiulongthsüpuh Rehoboamnü Jirusalem ching anihbuh küdah thsüde düküngde kam tüsho kiulongthsü. Rehoboam kiulongthsüpü tankihchoki kam 41 azorü lakheah; Atungpuhnü api mung zopü Israel trük alala chingnü amokhitkhi kiuto Jirusalem ching apinü kam thürükheak thüne kiulongthsü. Abe mung Amonrü Naama lakheah.

2 KIUTHSÜYUKHEAN 20:8

Arü ha ching lakheah, tüsho ha ching nü mung thsungkheaknü amüsüh dangpung khülang thsüde tha,

2 KIUTHSÜYUKHEAN 30:8

Nüsa jipürü nangde yihkhro düla, tüsho Atungpuh ki mihyuaniang tüsho apinü lün thsungkheak tsangkhitkhi api amüsüh dangpung ching arang, tüsho Atungpuh nüsa Thrünpuh tankihang, junangde api bukakhiukkhi amüshak nüsa kheaknü rholode atsobah.

2 KIUTHSÜYUKHEAN 33:4

Apinü Atungpuh yam ching kingaün sadambo thsü, küpü dünkheak Atungpuhnü tha, “Jirusalem ching I mung lünnü alabah.”

2 KIUTHSÜYUKHEAN 6:20

Nünü nü mung zopü alokhikhi dangpung ching, animung tüsho are ha yam lim nü mükbo rhakang, tüsho nünü nü yamlarünü ha yam lim tamkhüntamnükhi sojang.

2 KIUTHSÜYUKHEAN 6:5

‘Inü I mihtsürübo Ijip lomi chingnü bekhit nimungnü I mung lashihpü thsungkheak thüyam khülang thsüpü Israel trükbo lung küchingnü she kiuto mumokhit, yungsho I mihtsürü Israel kurungkheak yakzanshuhrü inü mumokhit;

2 KIUTHSÜYUKHEAN 7:16

Tümüde kheakü ha yam inü mokhitdo tüsho müsühkhitdo, junangde ju ching I mung lünnü alabah; I mükbo tüsho I mulong ju ching kim alala thsungkheak labah.

EZRA 7:16

Babilon kiuthsübo chingnü suna tüsho shotoyinchi thremukhungkhi tüsho Israelrü le amükeamrübonü Jirusalem ching arü Thrünpuh arüngyam thsungkheak mulongde kingaünkhibo she hanang.

MUNGSHIKHÜN 122:2

Isa jing nü chipiripit ching zhiplah, O Jirusalem!

MUNGSHIKHÜN 132:13

Tümüde Atungpuhnü Zion mokhitdo; apinü anihbuh lapü ha mulongdo:

MUNGSHIKHÜN 48:1

Atungpuh ju ato ah, tüsho isa Thrünpuh kiuto, api amüsüh wung kheak tode ashijihpü lah.

ABEKHIT 20:24

Nüsanü I thsungkheak alonü kingaün sadam khülang thsang tüsho ju kheak taka kingaün, mungtsü kingaün, namfimihnu tüsho moshipungbo jihang. Nüsanü I kingaünpü inü mokhita lakhi dangpung aban ching I nüsa kilim arübah tüsho nüsa müngühjihbah.

ISAIA 14:32

Trükshih yunithsürü ki shenü tümü aloba? Atungpuhnü Zion thsükhitdo, tüsho api mihtsürü bolung küpkhukrü ju ching tsoyukbah.

ZEKARIA 2:12

Atungpuhnü Juda ju amüsüh lomi ching api shihcham thsüde yamrüplurüp lubah, tüsho Jirusalem mokhitlobah.

ZEKARIA 3:2

Tüsho Atungpuhnü Arimri ki tha, “Atungpuhnü nü thürühchoh, O Arimri! Jirusalem mokhitbuh Atungpuhnü nü thürühchoh! Ha buh mihtsürü ha mo chingnü adukkhitkhi mozhuh yung de?”

1 SAMUEL 16:1

Atungpuhnü Samuel ki tha, “ Külokhüh nü Saul dünkheak tüzhoba? Inü api Israel kurungkheak kiulongthsüpü chingnü bahyukdo. Nü shihjuh ching oliv müdangke yukang tüsho tsahmusuang; inü nü Bethlehem ching Jesse kilim yüshihbah, tümüde api tsührü bolungnü inü kiulongthsürü khülang mokhitdo.”