2 KIUTHSÜYUKHEAN 6:5 - AMÜSÜH HÜM CL Bible (BSI)

⁵ ‘Inü I mihtsürübo Ijip lomi chingnü bekhit nimungnü I mung lashihpü thsungkheak thüyam khülang thsüpü Israel trükbo lung küchingnü she kiuto mumokhit, yungsho I mihtsürü Israel kurungkheak yakzanshuhrü inü mumokhit;

2 KIUTHSÜYUKHEAN 6:5 Iomraidhean Croise

1 KIULONG THSÜRÜ 8:16

‘Inü I mihtsürübo Ijip chingnü abekhitkhi nimungnü, thüyam khülang thsüpü thsüde inü Israel trük püpü bolungnü kiuto mumokhit; tüshe I mihtsürü Israel kurungkheak lashihpü inü David mokhit.’

2 KIULONG THSÜRÜ 21:4

Apinü Atungpuh yam ching kingaün sadambo thsü, küpü Atungpuhnü tha, “Jirusalem ching inü I mung zobah.”

1 KIUTHSÜYUKHEAN 17:5

Tümüde inü Israel bekhitkhi nimungnü thüyam ching laamükheah, tüshe I khimyam tüsho arüngkhimyam ching lakheah.

2 KIUTHSÜYUKHEAN 12:13

Jumonü kiulongthsüpuh Rehoboamnü Jirusalem ching anihbuh küdah thsüde düküngde kam tüsho kiulongthsü. Rehoboam kiulongthsüpü tankihchoki kam 41 azorü lakheah; Atungpuhnü api mung zopü Israel trük alala chingnü amokhitkhi kiuto Jirusalem ching apinü kam thürükheak thüne kiulongthsü. Abe mung Amonrü Naama lakheah.

2 KIUTHSÜYUKHEAN 20:8

Arü ha ching lakheah, tüsho ha ching nü mung thsungkheaknü amüsüh dangpung khülang thsüde tha,

2 KIUTHSÜYUKHEAN 20:9

‘ Mürangkhüh isa kheak thsümütsü, nukshang, mahkhap, yungsho mihshe, yungsho khümzung arüsho, isanü ha yam müngüh tüsho nü müngüh zhipbah, tümüde nü mung ha yam ching lah, tüsho isa lümthsünü ching nü ki zhibah, tüsho nünü asobah tüsho khümkhitbah.’

2 KIUTHSÜYUKHEAN 30:8

Nüsa jipürü nangde yihkhro düla, tüsho Atungpuh ki mihyuaniang tüsho apinü lün thsungkheak tsangkhitkhi api amüsüh dangpung ching arang, tüsho Atungpuh nüsa Thrünpuh tankihang, junangde api bukakhiukkhi amüshak nüsa kheaknü rholode atsobah.

2 KIUTHSÜYUKHEAN 33:4

Apinü Atungpuh yam ching kingaün sadambo thsü, küpü dünkheak Atungpuhnü tha, “Jirusalem ching I mung lünnü alabah.”

2 KIUTHSÜYUKHEAN 33:7

Apinü athsükhi sangthsü Thrünpuh yam ching zo, küpü dünkheak Thrünpuhnü David tüsho api tsührü Solomon ki tha, “Ha yam ching, tüsho Jirusalem ching, küpü inü Israel trük alala bolungnü amokhitkhea, inü I mung lünnü azobah;

2 KIUTHSÜYUKHEAN 6:20

Nünü nü mung zopü alokhikhi dangpung ching, animung tüsho are ha yam lim nü mükbo rhakang, tüsho nünü nü yamlarünü ha yam lim tamkhüntamnükhi sojang.

2 KIUTHSÜYUKHEAN 6:4

Tüsho apinü tha, “Atungpuh , Israel Thrünpuh shiang, shepü khah hode api münnü I buh David ki alokhikhi dünjishihde tha,

2 KIUTHSÜYUKHEAN 6:6

tüshe ju ching I mung lashihpü thsüde inü Jirusalem mokhit, tüsho I mihtsürü Israel kurungkheak inü David mokhit.’

2 KIUTHSÜYUKHEAN 7:16

Tümüde kheakü ha yam inü mokhitdo tüsho müsühkhitdo, junangde ju ching I mung lünnü alabah; I mükbo tüsho I mulong ju ching kim alala thsungkheak labah.

EZRA 7:16

Babilon kiuthsübo chingnü suna tüsho shotoyinchi thremukhungkhi tüsho Israelrü le amükeamrübonü Jirusalem ching arü Thrünpuh arüngyam thsungkheak mulongde kingaünkhibo she hanang.

ABEKHIT 20:24

Nüsanü I thsungkheak alonü kingaün sadam khülang thsang tüsho ju kheak taka kingaün, mungtsü kingaün, namfimihnu tüsho moshipungbo jihang. Nüsanü I kingaünpü inü mokhita lakhi dangpung aban ching I nüsa kilim arübah tüsho nüsa müngühjihbah.

ABEKHIT 23:21

Api ki kurhangang tüsho api düsheak aniang; api dazhih, tümütüsho nüsanü alakmihkhi apinü mübahjih, tümüde api kheak I mung lah.

DANIEL 9:19

O Atungpuh , aniang; O Atungpuh , neak bahjang; O Atungpuh , anijang tüsho rhimoang; nü mung chingnü dashu, O I Thrünpuh, tümütüsho nü kiuto tüsho nü mihtsürübo nü mung chingnü jia lah.”

ZEKARIA 3:2

Tüsho Atungpuhnü Arimri ki tha, “Atungpuhnü nü thürühchoh, O Arimri! Jirusalem mokhitbuh Atungpuhnü nü thürühchoh! Ha buh mihtsürü ha mo chingnü adukkhitkhi mozhuh yung de?”

YUZÜNGTHALO 12:11

judüki Atungpuh nüsa Thrünpuhnü api mung lashihpü mokhitpung ching inü nüsa ki thiyukhüm jihkhi lüpdükhi lubah arang: nüsanü taka kingaünbebo, laksah-a kingaünbe, thürü shihcham, arung kingaünbo tüsho nüsanü Atungpuh ki thiyuchihchimde mokhitkhi kingaünbo.

YUZÜNGTHALO 12:5

Tüshe Atungpuh nüsa Thrünpuhnü api lapung thsungkheak api mung zopü nüsa trükbo lungnü amokhitkhi dangpung nüsanü yimang; tüsho ju ching nüsa yübah.

1 SAMUEL 10:24

Samuelnü mihtsürü alala ki tha, “Atungpuhnü amokhitkhi ha nüsanü ngüchonah? Api nangde mihtsürü alala bolung she müla.” Tüsho mihtsürü alalanü zhi, “ Kiulongthsüpuh kutsüpshang!”

1 SAMUEL 15:23

Tümüde azhihde arhimokhi ju thümüthiyi nangde neak tüsho nihnihrarakhi ju amülimkhi tüsho sangthsü kingaünkhi ruk ah. Tümütüsho nünü Atungpuh yu bahyukdo, apinü nü she kiulongthsürü chingnü bahyukdo.”