2 KIUTHSÜYUKHEAN 6:40 - AMÜSÜH HÜM CL Bible (BSI)

⁴⁰ Kheakü, O I Thrünpuh, ha dangpung chingnü tamkhüntamnükhi lim nü mükbo khimshuhang tüsho nü nükhünbo anguhang.

2 KIUTHSÜYUKHEAN 6:40 Iomraidhean Croise

1 KIULONG THSÜRÜ 8:52

Nü yamlarünü zhoshekhi tüsho nü mihtsürü Israelnü zhoshede nü ki jikhibo ching arü ki anide, nü mük khimshuhang.

1 KIULONG THSÜRÜ 9:3

Atungpuhnü api ki tha, “Nünü I miki tamkhüntamnükhi tüsho zhoshekhi inü sodo; nünü athsükhi yam ha inü müsühkhitdo, tüsho ju ching lün thsungkheak I mung yuka zolah; I mük tüsho I mulong lünnü ju ching labah.

2 KIULONG THSÜRÜ 19:16

O Atungpuh , nü nükhün muphoang, tüsho soang; O Atungpuh , nü mükbo khimshuhang, tüsho kheahang; arhang Thrünpuh keangrüpü arüshihkhi Sennakerib yubo soang.

2 KIUTHSÜYUKHEAN 16:9

Tümüde api kheak thiyuro mulong larü düküngshihpü Atungpuh müknü lomi athrünkhi ngürilah. Nünü ha ching bünde rhimodo; tümüde kheakünü rünbah nü rithsübo labah.”

2 KIUTHSÜYUKHEAN 6:20

Nünü nü mung zopü alokhikhi dangpung ching, animung tüsho are ha yam lim nü mükbo rhakang, tüsho nünü nü yamlarünü ha yam lim tamkhüntamnükhi sojang.

2 KIUTHSÜYUKHEAN 6:39

judüki nü lapung yinmi chingnü arü tamkhüntamnü tüsho arü mushukhi sojang, arü thsungkheak rhimojang tüsho nü azhihde neak yihbeakrü nü mihtsürübo neak bahjang.

2 KIUTHSÜYUKHEAN 7:15

Kheakü ha dangpung ching tamkhüntamnükhi lim I mükbo khimshuhbah tüsho I nükhünbo anguhbah.

NEHEMIA 1:11

O Atungpuh kheakü I tamkhüntamnü tüsho nü yamlarü püpürü sherünü nü ki wüntre jihnelanü arü tamkhüntamnü sojang. Khihni I kilim kukzam jihang, tüsho wuto kiulongthsüpuhnü I ki mihmüthsüm huhshang.” Tümüde I wuto kiulongthsüpuh pung adünararü lakheah.

NEHEMIA 1:6

Atungpuh , I kilim kheahang, tüsho tsüngre nimung aban nü yamlarübo Israelrü thsungkheak I tamkhüntamnü sojang. Isa Israelrünü neak yihbeakdo de inü alokhichoh. Am isa jipürü tüsho inü neak yihbeakdo.

MUNGSHIKHÜN 116:2

Tümütüsho apinü I kilim api nükhün muphojih, jumonü I külokhüh labanü inü api ki jibah.

MUNGSHIKHÜN 13:3

Lümakheahang, tüsho I ki alojang, O Atungpuh ; I mük müsüshang, jude yungsho I ayapyamnü sheabahbah;

MUNGSHIKHÜN 130:2

Atungpuh , I düsheak sojang! Inü amushukhi düsheak lim nü nükhünbo yukde anijang.

MUNGSHIKHÜN 17:1

O Atungpuh , I thiyuro mushukhi sojang; inü azhikhi aniang. Inü tamkhüntamnükhi anijang– ha mülapmüji münküp chingnü akhiukkhi yung.

MUNGSHIKHÜN 31:2

I kilim nü nükhün anguhang, I khümkhitpü nahde arang; I tsoyukpü lungto, I khümkhitpü amüküp chipi thsang.

MUNGSHIKHÜN 34:15

Atungpuh mük ju thiyuro-lungkirü lim, tüsho api nükhün arü zhikhi thrip lah.

MUNGSHIKHÜN 7:3

O Atungpuh I Thrünpuh, inü ha rhimoa lasho: I khah ching amülim lasho,

MUNGSHIKHÜN 88:1

O Atungpuh , I akhümkhit Thrünpuh, inü animung tüsho are nü ki zhido.

ISAIA 37:17

Nü nükhün muphoang, O Atungpuh , tüsho soang; nü mük khimshuhang, O Atungpuh , tüsho kheahang; Sennakerib yubo alala sojang, küpü apinü arhang Thrünpuh mükhemükimde arüshihkhi la.