2 KIUTHSÜYUKHEAN 6:33 - AMÜSÜH HÜM CL Bible (BSI)

³³ nünü nü lapung yinmi chingnü sojang, tüsho khiungkerübonü tümüpürü nü ki keokhichonü rhimojang, junangde lomi ching mihtsürü alalanü nü mihtsürü Israelnü arhimokhi nangde nü mung ato mükheahbah tüsho nü trebah, tüsho inü athsükhi ha yam kheak nü mung jia lah de arünü amükheahbah.

2 KIUTHSÜYUKHEAN 6:33 Iomraidhean Croise

1 KIULONG THSÜRÜ 8:16

‘Inü I mihtsürübo Ijip chingnü abekhitkhi nimungnü, thüyam khülang thsüpü thsüde inü Israel trük püpü bolungnü kiuto mumokhit; tüshe I mihtsürü Israel kurungkheak lashihpü inü David mokhit.’

2 KIULONG THSÜRÜ 19:19

O Atungpuh isa Thrünpuh, jumonü kheakü api khah chingnü isa khümkhitang de inü nü ki tamkhüntamnüchoh, junangde O Atungpuh , alomi kiulongthsübo alalanü nü lang Thrünpuh de amükheahbah.”

2 KIUTHSÜYUKHEAN 6:34

“Nü mihtsürübonü arü riri bede thirithsüpü wukhiuksho, nünü tümü limro ching arü yüshihbanü, tüsho nünü amokhitkhi ha kiuto tüsho nü mung thsungkheak inü athsükhi yam lim arünü tamkhüntamnüsho,

2 KIUTHSÜYUKHEAN 7:14

I mung chingnü ajikhi I mihtsürübonü azhihayihsho, tamkhüntamnüsho, I miro yimsho, tüsho arü limrobo amütsü chingnü rholosho, inü yinmi chingnü sojihbah arü neak bahjihbah tüsho arü lomi thsüngujihbah.

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

MUNGSHIKHÜN 46:10

Zhikde laang, tüsho I Thrünpuh ah de mükheahang; trükshih bolung I shuhkihbah, alomi ching I shuhkihbah!

MUNGSHIKHÜN 67:2

Junangde alomiküp lüpdükhinü nü lümkhi mükheahbah; trükshih alalanü nü akhümkhit mükheahbah.

MUNGSHIKHÜN 86:9

Nünü athrünkhi trükshihbo alala arübah tüsho nü ki khukningbah, tüsho nü mung müretahbah.

ISAIA 11:10

Ju nimung Jesse ying kheaknü mihtsürübo kilim amütsan khülang nangde alabah; trükshihbonü api ki shomukhungbah, tüsho api lapung müretahde alabah.

ISAIA 49:6

Apinü tha, “Jakob trükbo bemusupü nü I yamlarü thsüpü tüsho Israel arhang larü belodarüpü ju khide athülih ah; inü trükshihbo ki nü ayin khülang nangde ajihbah, junangde I akhümkhitnü alomi akheam khiungbah.”

JEREMIA 10:7

Shenü nü mütrepü, O trükshihbo kiulongthsüpuh? Tümüde hoju nü khuh lah; trükshihbo lümlung larü alala bolung tüsho arü kiulongthsübo alala ching sheshe nü nangde müla.

WÜHKHE 6:27

Junangde arünü I mung Israelrü tsührü kheak yihkihjihbah, tüsho inü arü müngühjihbah.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

1 SAMUEL 17:46

Khihni ha nimung ching Atungpuhnü nü I khah ching yukjihbah, tüsho inü nü kinga yapshihbah tüsho nü ku lipshakbah; tüsho inü Filistia bonungrü ashemibo ha nimung ching thüning ching lakhi wuhnubo tüsho alo kheak lakhi mütüm shiwühbo kilim jihbah, junangde Israel ching Thrünpuh khülang lah de alomi alalanü amükheahbah,