2 KIUTHSÜYUKHEAN 6:32 - AMÜSÜH HÜM CL Bible (BSI)

³² “Junangde küyimki nü mihtsürü Israel yungde khiungkerübo nü mung ato, nü khah achang, tüsho nü khah chunghuhkhi dünkheaknü arüba, küyimki arünü arübah ha yam lim tamkhüntamnüba,

2 KIUTHSÜYUKHEAN 6:32 Iomraidhean Croise

2 KIULONG THSÜRÜ 5:15

Judüki api le api borü alala Thrünpuh mihtsürü kilim alode arü; apinü arübah amiki zhip tüsho tha, “ Kheakü Israel kheak hode alomi alala ching Thrünpuh müla de inü mükheahlah; muzhobah nü yamlarü kilimnü thsambah khülang leangkhijang.”

2 KIULONG THSÜRÜ 5:3

Alibenü anihbe putungbe ki tha, “I tungpuhnü lang Samaria ching lakhi wukihrü kilim yükhülaa! Apinü nihbuh apham thsüngubah.”

2 KIULONG THSÜRÜ 5:8

Tüshe küyimki Israel kiulongthsüpuhnü akhim thorüpkhi Thrünpuh mihtsürü Elishanü asokhea, apinü kiulongthsüpuh kilim thiyusheak yüshih, “Tümüde nünü nü khim thorüpkhea? Api I kilim arüshang, junangde Israel ching wukihrü khülang lah de apinü amükheahbah.”

2 KIUTHSÜYUKHEAN 6:31

Hanangde nünü isa jipürübo ki jihkhi lo ching arü lakhi nimungbo alala ching arünü nü trebah tüsho nü limrobo ching tsahbah.

MUNGSHIKHÜN 136:12

amürang khah tüsho chungkihkhi binnü, tümüde api amüthsüm lünnü rünkhiungde lah;

MUNGSHIKHÜN 89:13

Nü bin amürang lah; amüküp ju nü khah, tüsho achang ju nü khah tsülim ah.

ABEKHIT 13:14

Jumonü nü tsührünü arübe kim ching nü ki, ‘Ha tümü a?’ de keokhisho, nünü api ki thabah, ‘Atungpuh khah adüküngnü isa Ijip azhorü yamkhün chingnü bekhitkheah.

ABEKHIT 6:6

Jumonü Israelrü ki thaang: “I Atungpuh ah; inü nüsa Ijiprü thsümüchi tüsho azhorü kuhi chingnü bekhitbah, tüsho inü khah chungkihde tüsho mahkhap atonü nüsa khümkhitbah,

ISAIA 66:20

Arünü nüsa keoniorü alala trükshih alala chingnü A TU N GPU H kilim kingaün nangde, khorabo, khora-lolungbe, atho-lolungbe, khoranunu, tüsho kemelbo kheaknü Jirusalem ching I yo amüsüh wung kheak handarübah, Atungpuhnü thachoh, Israelrünü amüsüh yukpung chingnü hi kingaün Atungpuh yam ching handarükhi nangde alabah.

ZEKARIA 8:22

Mihtsürü ahihdo tüsho sühmüh lakhi trükshihbonü Jirusalem ching Wuto Atungpuh yimde tüsho Atungpuhnü amulungkhi mushupü arübah.

MATHI 12:42

Sheba kiulongthsübenü ha lün lung mahkhap ching zhipbah tüsho amülim jihbah, tümüde alibenü Solomon lümlung anipü alomi akheambo chingnü arü; tüsho atsütsü Solomon kheaknü atobe ha kheak lah.

MATHI 2:1

Kiulongthsüpuh Herod kim ching, Judea ching lakhi Bethlehem ching Jisu zübe dunglim, aniakhiuklimnü mükheahmudurübo Jirusalem ching arü

JOHAN 10:16

Namfimihnubo püpü ha yam ching mülakhi she inü bede arübah, tüsho arünü I düsheak anibah; tüsho arübo namfimihnu boto khülang tüsho namfimihnu neakrü khülang labah.

JOHAN 12:20

Kheakü thünio ching kingaünpü aturü bolung Greekrü khürü lakheah.

YUNIRÜBO RHIMO 2:10

Phrygia le Pamphylia, Ijip tüsho Serene thüninde Libya ching larü; Rom chingnü rhuakheahrü

JIHUSUA 2:9

tüsho ane ki tha, “Atungpuhnü ha lo nüsa kilim jihdo de inü mükheahlah tüsho nüsa trekhi isa kheak akihdo, tüsho lomi athrünkhi chingnü nüsa trechoh.

JIHUSUA 9:9

Jumonü arünü api ki ha yukhean tha, “ Atobuh, isa khide limshu lomi chingnü Atungpuh mungthukhi sobah arükheah, tümüde isanü Atungpuh nüsa Thrünpuhnü Ijip ching tümü rhimokheanü alala sodo,

RUTH 1:16

Tüshe Ruthnü alo, “Nü bahbah atsopü I ki dümushu! I nü lung yüanü. Nü küching yübanü I she ayübah, nü küching labanü I she alabah; nü mihtsürü ju I mihtsürü thsübah, tüsho nü Thrünpuh ju I Thrünpuh thsübah.