2 KIUTHSÜYUKHEAN 6:26 - AMÜSÜH HÜM CL Bible (BSI)

²⁶ “Arünü nü azhihde neak yihbeakmonü küyimki thüning khimdoba tüsho tsüng marüba, tüsho nü mung ching alokhide arünü ha dangpung lim tamkhüntamnüba, tüsho arü neak chingnü rholoba, tümütüsho nünü arü thsümüchi,

2 KIUTHSÜYUKHEAN 6:26 Iomraidhean Croise

2 KIUTHSÜYUKHEAN 6:25

nünü yinmi chingnü sojang, tüsho nü mihtsürü Israel neak bahjang, tüsho nünü arü le arü jipürü kilim jihkhi lo ching arübo belode arang.

2 KIUTHSÜYUKHEAN 7:13

Küyimki inü thüning rihdobah tsüng marüba, yungsho lomi tsühabahshihpü tangkhobo ki thiyukhüm jihba, yungsho I mihtsürü bolung tukthsü yüshihba,

MÜCHITMUDU 28:13

Shepünü nihbuh neakbo ramchonü akuk müngüchoh, tüshe shepünü jurü alokhiabahcho tüsho bahyukchonü mihmüthsüm labah.

ISAIA 5:6

Inü ju akeangkeang kamshihbah; ju mümupung yungsho müphünnak, tüsho khingphu le ayangrungnü achindobah; inü amo ki she ju kheak tsüng marüpü thiyukhüm jihbah.

EZEKIEL 14:13

Mihtsürü tsührü, lominü thiyuro mülade I azhihde neak yihbeaksho tüsho ju azhihde tsühyungpü mülashihpü I khah chungkihsho tüsho khümzung yüshihsho tüsho mihtsürübo le shiwühbo laksahsho,

HOSEA 5:15

Arünü arü mülimkhi muhuhyi khiungde, inü I mihtsürü bahyukbah. Tüsho arünü I miro yimbah; arü thsünükhi ching arünü mushude I yimbah.

LEVI 26:19

Inü nüsa kükheangkhi wu thsümünimjihbah; inü nüsa kumung lakhi thüning yinchi nangde akamshihbah tüsho nüsa bukkhüp lakhi alo ju müwayinchi nangde akamshihbah.

LUKNÜ ATHRÜTKHI THIYUSHEAK-ATSÜ HUHTANYU 4:25

Tüshe thiyuronü, inü nüsa ki thachoh, kam mahsam kheak khinu thuruk thüning khimdobah alomi alala ching khümzung arükhi Elija nimungbo ching Israel ching khimoberü ahihkhüh lakheah;

YUZÜNGTHALO 11:17

jude yungsho nüsa azhihde Atungpuhnü bukakhiukbah, tüsho apinü thüning khimdobah tsüng marüshih, tüsho alonü tümü makhiukshih, tüsho Atungpuhnü nüsa kilim jihkhi lo chingnü nüsa nahde adükheakbah.

YUZÜNGTHALO 28:23

Tüsho nüsa kumung lakhi thüning ju müwayinchi labah, tüsho nüsa bukkhüp lakhi alo ju yinchi labah.

AMIKHEAKAKHIUKKHI 11:6

Anenü müchitkhi nimungbo ching tsüng marüpü thsüde thüning rihpü ane wu lah, tüsho kebonü thiyih kampü, tüsho anenü akünkhi alochode arümbonü alomi shikpü wu lah.