2 KIUTHSÜYUKHEAN 6:21 - AMÜSÜH HÜM CL Bible (BSI)

²¹ Tüsho nü yamlarü le nü mihtsürü Israelnü ha dangpung lim tamkhüntamnüchoki arünü mushukhi nü lapung yinmi chingnü sojang; sojang tüsho neak bahjang.

2 KIUTHSÜYUKHEAN 6:21 Iomraidhean Croise

2 KIUTHSÜYUKHEAN 30:27

Judüki amükeamrü tüsho Levirünü wusu tüsho mihtsürübo müngühjih, tüsho arü düsheak so; arü tamkhüntamnü ju api amüsüh lapung yinmi ching arü.

2 KIUTHSÜYUKHEAN 6:22

“ Khürünü yamhingrü azhihde neak yihbeakbah thiyuchihchim lupü yihnüpü lasho tüsho ha yam ching nü kingaün sadam miki arübah thiyuchihchimsho,

2 KIUTHSÜYUKHEAN 6:39

judüki nü lapung yinmi chingnü arü tamkhüntamnü tüsho arü mushukhi sojang, arü thsungkheak rhimojang tüsho nü azhihde neak yihbeakrü nü mihtsürübo neak bahjang.

MUNGSHIKHÜN 123:1

Nüsa sherü yinmibo ching lanü, nüsa kilim inü abinkih-a kheahchoh.

T H S AN GYU T H S AN GR ARÜ 5:2

Nü münnü düniokheam, yungsho nü mulongnü Thrünpuh miki thiyu thapü dünahnahshih, tümüde Thrünpuh yinmi ching lah, tüsho nü alomi kheak lah; jumonü nü yubo nükshang.

ISAIA 18:4

Tümüde Atungpuhnü I ki ha thado: Inü I lapung chingnü, ani thsükhi ching müsürido atakkhi nangde, yimlu kim atak ching ayinke-amo nangde malande akheahbah.

ISAIA 43:25

I, I api shepünü I mung chingnü nünü alakmihkhibo nankhita bahjih, tüsho inü nü neakbo mülümkhit.

ISAIA 44:22

Nünü alakmihkhibo inü amo nangde wua bahdo tüsho nü neakbo shumuliu nangde bahjihdo; I kilim rholoang, tümüde inü nü rhokhitdo.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

DANIEL 9:19

O Atungpuh , aniang; O Atungpuh , neak bahjang; O Atungpuh , anijang tüsho rhimoang; nü mung chingnü dashu, O I Thrünpuh, tümütüsho nü kiuto tüsho nü mihtsürübo nü mung chingnü jia lah.”

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

MATHI 6:12

isanü isa mahputungrü neak bahjihkhi nangde, isa mah she bahjang;

MATHI 6:9

Jumonü nüsanü hanangde tamkhüntamnüang: Yinmi ching labuh isa Abuh, nü mung amüsüh thsang.