2 KIUTHSÜYUKHEAN 6:20 - AMÜSÜH HÜM CL Bible (BSI)

²⁰ Nünü nü mung zopü alokhikhi dangpung ching, animung tüsho are ha yam lim nü mükbo rhakang, tüsho nünü nü yamlarünü ha yam lim tamkhüntamnükhi sojang.

2 KIUTHSÜYUKHEAN 6:20 Iomraidhean Croise

2 KIULONG THSÜRÜ 19:16

O Atungpuh , nü nükhün muphoang, tüsho soang; O Atungpuh , nü mükbo khimshuhang, tüsho kheahang; arhang Thrünpuh keangrüpü arüshihkhi Sennakerib yubo soang.

2 KIUTHSÜYUKHEAN 16:9

Tümüde api kheak thiyuro mulong larü düküngshihpü Atungpuh müknü lomi athrünkhi ngürilah. Nünü ha ching bünde rhimodo; tümüde kheakünü rünbah nü rithsübo labah.”

2 KIUTHSÜYUKHEAN 20:9

‘ Mürangkhüh isa kheak thsümütsü, nukshang, mahkhap, yungsho mihshe, yungsho khümzung arüsho, isanü ha yam müngüh tüsho nü müngüh zhipbah, tümüde nü mung ha yam ching lah, tüsho isa lümthsünü ching nü ki zhibah, tüsho nünü asobah tüsho khümkhitbah.’

2 KIUTHSÜYUKHEAN 6:19

Nü yamlarü tamkhüntamnü tüsho apinü mushukhi lümakheahjang, O Atungpuh I Thrünpuh, nü yamlarünü nü ki zhikhi tüsho tamkhüntamnükhi sojang.

2 KIUTHSÜYUKHEAN 6:40

Kheakü, O I Thrünpuh, ha dangpung chingnü tamkhüntamnükhi lim nü mükbo khimshuhang tüsho nü nükhünbo anguhang.

2 KIUTHSÜYUKHEAN 6:5

‘Inü I mihtsürübo Ijip lomi chingnü bekhit nimungnü I mung lashihpü thsungkheak thüyam khülang thsüpü Israel trükbo lung küchingnü she kiuto mumokhit, yungsho I mihtsürü Israel kurungkheak yakzanshuhrü inü mumokhit;

2 KIUTHSÜYUKHEAN 6:6

tüshe ju ching I mung lashihpü thsüde inü Jirusalem mokhit, tüsho I mihtsürü Israel kurungkheak inü David mokhit.’

2 KIUTHSÜYUKHEAN 7:15

Kheakü ha dangpung ching tamkhüntamnükhi lim I mükbo khimshuhbah tüsho I nükhünbo anguhbah.

NEHEMIA 1:6

Atungpuh , I kilim kheahang, tüsho tsüngre nimung aban nü yamlarübo Israelrü thsungkheak I tamkhüntamnü sojang. Isa Israelrünü neak yihbeakdo de inü alokhichoh. Am isa jipürü tüsho inü neak yihbeakdo.

MUNGSHIKHÜN 121:5

Atungpuh nü aheangrü ah; Atungpuh ju nü khah tsülim nü alamdorü ah.

MUNGSHIKHÜN 33:18

Kheahang, Atungpuh mük ju api trerü, api muzhodakkhi ching mulonglamrü kheak lah,

MUNGSHIKHÜN 34:15

Atungpuh mük ju thiyuro-lungkirü lim, tüsho api nükhün arü zhikhi thrip lah.

DANIEL 6:10

Mütsan-hüm kheak ju dokihdo de Danielnü mükheahkheah she, apinü mutuklode api yam ching yü, küpü Jirusalem limpeang akube khiungshak ching ayinripitbo lakhea, tüsho apinü püpüki rhimokhi nangde api Thrünpuh ki tamkhüntamnüde api shijihpü nimung chingnü mahsam ki khukning.

YUZÜNGTHALO 12:11

judüki Atungpuh nüsa Thrünpuhnü api mung lashihpü mokhitpung ching inü nüsa ki thiyukhüm jihkhi lüpdükhi lubah arang: nüsanü taka kingaünbebo, laksah-a kingaünbe, thürü shihcham, arung kingaünbo tüsho nüsanü Atungpuh ki thiyuchihchimde mokhitkhi kingaünbo.

YUZÜNGTHALO 26:2

nünü alo chingnü akhuh akhiukkhi luang, ju Atungpuh nüsa Thrünpuhnü nüsa kilim jihkhi lo chingnü hande arang, tüsho ju muluk ching yukbahle Atungpuh nüsa Thrünpuhnü api mung zopü mokhitkhi dangpung ching nahde yüang.

KOLOSI 2:9

Tümüde api kheak abanathsangkhi Thrünpuh pangnü lachoh,