2 KIUTHSÜYUKHEAN 6:14 - AMÜSÜH HÜM CL Bible (BSI)

¹⁴ Apinü tha, “O Atungpuh , Israel Thrünpuh, yinmi yungsho alomi ching nü nangde Thrünpuh she müla, mulong alalanü nü miki tsahrü nü yamlarübo kheak düküngde muzhokhi ching tangzüng zochoh–

2 KIUTHSÜYUKHEAN 6:14 Iomraidhean Croise

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

THRÜNTAN 33:20

Ju ching apinü kingaün sadam khülang thsü tüsho El Elohe Israel de ji.

THRÜNTAN 35:10

Tüsho Thrünpuhnü tha, “Nü mung Jakob ah; kheaküa nü mung Jakob de müji, tüshe nü mung Israel labah.” Jumonü apinü anihbuh mung Israel de ji.

THRÜNTAN 5:24

Enoknü Thrünpuh lung tsah; jushu api müladebah, tümütüsho Thrünpuhnü api bea lu.

2 SAMUEL 7:22

Jumonü nü ato ah, O Atungpuh T HRÜNPU H ; tümüde nü nangde she müla, tüsho isa nükhünnü asokhea nü hobah Thrünpuh müla.

1 KIULONG THSÜRÜ 18:36

Animuro kingaün jihkhi kim ching wukihbuh Elija phünide arü tüsho tha, “O Atungpuh , Abraham, Isak, tüsho Israel Thrünpuh, nü Israel ching Thrünpuh tüsho I nü yamlarü tüsho nü yukhüm hode harü alala rhimodo de khihni mükheahshang.

1 KIULONG THSÜRÜ 3:6

Tüsho Solomonnü tha, “Nünü nü yamlarü I buh David ki amuzhodakkhi tode huhdo, tümütüsho apinü nü miki khiukdahde thiyuro ching mulong alungki chingnü nü kilim tsah; tüsho nünü api thsungkheak ha ato tüsho muzhodakkhi zojih, tüsho api kilim khihni api kiulongthsü-binkiu kheak binpü tsührü khülang jih.

1 KIULONG THSÜRÜ 6:12

“Nünü thsüde alakhi ha thüyam dünkheaknü, mürangkhüh nünü I yakzanbo ching tsahsho, I yuzüngbo anisho, tüsho jurü ching tsahde I yukhümbo alala zosho, inü nü buh David kheak alokhikhi nü thsungkheak rhimobah.

1 KIULONG THSÜRÜ 8:23

Apinü tha, “O Atungpuh ; Israel Thrünpuh, nü yamlarübo arü mulong athrünkhinü nü müngüh tsahrü thsungkheak tangzüng zokhi tüsho düngyingde muzhokhi nü nangde achanglim yinmi ching tüsho abolim alomi kheak Thrünpuh sheshe müla,

1 KIUTHSÜYUKHEAN 29:10

Judüki amukhungrü alala mikinü Davidnü Atungpuh mung shi; Davidnü tha: “Nü shijihchoh, O Atungpuh , isa Israel jipürü Thrünpuh, lünnü akheam müla.

1 KIUTHSÜYUKHEAN 29:20

Judüki Davidnü amukhungrü alala ki tha, “Atungpuh nüsa Thrünpuh shijang.” Tüsho amukhungrü alalanü arü jipürü Thrünpuh, Atungpuh shijih, tüsho arü ku mükhümde Atungpuh tüsho kiulongthsüpuh miki akin jih.

2 KIUTHSÜYUKHEAN 20:6

tüsho tha, “O Atungpuh , isa jipürü Thrünpuh, nü yinmi ching Thrünpuh yung de? Nünü trükshihbo yo kiulongthsübo alala kurungkheak yakzan mushuh de? Nü khah ching wu tüsho sühmüh lah, junangde shenü nü mazhihkhuk.

2 KIUTHSÜYUKHEAN 6:17

Jumonü, O Atungpuh , Israel Thrünpuh, nünü nü yamlarü David ki alokhikhi yu dünjishang.

NEHEMIA 1:5

Inü tha, “O Atungpuh yinmi Thrünpuh! Nü ato tüsho atrebe Thrünpuh; nü muzhorü tüsho nü yuzüng yanrübo kheak tangzüngkhi nünü zochoh.

MUNGSHIKHÜN 86:8

Thrünpuhbo lung nü nangde she müla, O Atungpuh ; tümüde rhimonü she nü rhimo kheak makekhuk.

MUNGSHIKHÜN 89:28

Inü I mihmüthsüm lünnü api thsungkheak zojihbah, tüsho I tangzüng api kheak düküngde alabah.

MUNGSHIKHÜN 89:6

Tümüde yinmibo ching shepünü Atungpuh kheak akekhukba? Wuto tsührübo lung shepü Atungpuh nangde la?

MUNGSHIKHÜN 89:8

O Atungpuh Wuto Thrünpuh, O Atungpuh , nü nangde she wuto la? Nü thiyuro lakhinü nü mükamdolah.

ABEKHIT 15:11

“O Atungpuh , thrünpuhbo lung nü ruk she la? Amüsüh ching wüntre-müretah, mungshi ching atrebe, khinthiyinbe rhimokhi ching nü ruk she la?

ABEKHIT 3:15

Kheaküshe Thrünpuhnü Mosa ki tha, “Israelrübo ki ha thaang: Atungpuh nüsa jipürü Abraham, Isak tüsho Jakob Thrünpuhnü I nüsa kilim arüshihkheah. Ha kamruhroro thsungkheak I mung ah, tüsho arübe lün alala thsungkheak ha I mung labah.

ABEKHIT 8:6

Jumonü Aronnü Ijip kebo kurungkheak akhah shuhkih; tüsho kheangbo atubah Ijip lomi lüpchimabah.

JEREMIA 10:16

Jakob Thrünpuh a harü ruk yung, tümüde nü kukruk alala thrünkhi ju api lah, tüsho Israel ju api yamrüplurüp trük ah; Wuto Atungpuh ju api mung lah.

JEREMIA 10:6

Nü nangde she müla, O Atungpuh ; nü ato ah, tüsho wu-sühmüh ching nü mung tolah.

DANIEL 9:4

Inü Atungpuh I Thrünpuh ki tamkhüntamnü tüsho neak alokhide tha, “ O, Atungpuh , ato tüsho atrebe Thrünpuh, shepünü nü muzhorü kheak tangzüng tüsho mihmüthsüm zocho tüsho nü yukhüm zocho,

LUKNÜ ATHRÜTKHI THIYUSHEAK-ATSÜ HUHTANYU 1:50

Tüsho api amüthsüm lün chingnü lün api trerü kheak lah.

LUKNÜ ATHRÜTKHI THIYUSHEAK-ATSÜ HUHTANYU 1:6

Ane chido Thrünpuh miki alungki, Atungpuh yukhüm tüsho thiyuzüngbo yande jakreak mükihde alakheah.

LUKNÜ ATHRÜTKHI THIYUSHEAK-ATSÜ HUHTANYU 1:72

isa bebuhrü ki amüthsüm alokhikhi rhimopü, tüsho api amüsüh tangzüng lümkhitpü,

YUZÜNGTHALO 3:24

O Atungpuh Thrünpuh, nünü nü yamlarü ki nü tokhi tüsho wu-sühmüh khah huhpü tankih, tümüde thüning yungsho alo ching lakhi tümü thrünpuhnü amüyinsahbe nü rhimo nangde arhimokhukpü?

YUZÜNGTHALO 4:39

Jumonü khihni ha mükheahang, tüsho Atungpuh ju thüning tüsho alomi ching Thrünpuh ah de nüsa mulong ching lümang; ju ching püpü sheshe müla.

YUZÜNGTHALO 7:9

Jumonü Atungpuh nüsa Thrünpuh ju Thrünpuh, thiyuronü tangzüngkhi tüsho amüthsüm chithürü lünbo ching, sherünü api muzhocho tüsho thiyukhüm anirü kheak thiyuro Thrünpuh ah de mükheahang;

1 TESALONIKA 2:12

Isanü nüsa ki api kiulongthsü tüsho müretahkhi ching nüsa jibuh Thrünpuh ki thülünde rhangdung lapü mulong toshihdo, mulong shukheamdo, tüsho tuthsukde lado.