2 KIUTHSÜYUKHEAN 6:13 - AMÜSÜH HÜM CL Bible (BSI)

¹³ Solomonnü müwayinchi thsangyupung sadam ashanglim khahnap 5, atolim khahnap 5, tüsho achanglim khahnap 3nü thsü tüsho ju sadam kheak zo; tüsho ju kheak api zhip. Jushu apinü Israel amukhungrü athrünkhi miki amukhuknü khukning, tüsho api khahbo thüning lim chungkih.

2 KIUTHSÜYUKHEAN 6:13 Iomraidhean Croise

1 KIULONG THSÜRÜ 6:36

Apinü alungbe khiungshak ju akingarihkhi lung phu mahsam tüsho cedar sang abinkiu phu khülangnü thsü.

1 KIULONG THSÜRÜ 7:12

Mahkhappung ato ju akheanarihkhi lung phu mahsam tüsho cedar sang abinkiu phukhühnü yihdoa lakheah. Junangde Atungpuh yam alunglim khikzhakpung tüsho arüngyam mükübo kheak lakheah.

1 KIULONG THSÜRÜ 8:54

Kheakü küyimki Solomonnü Atungpuh kilim ha tamkhüntamnü tüsho zhoshekhi alala bankhea, apinü yinmi lim akhah chungkihbah khukningkhi Atungpuh kingaün sadam lim abinkhi chingnü asürü;

2 KIUTHSÜYUKHEAN 4:9

Apinü amükeamrübo thsungkheak khikzhakpung, khikzhakpung ato, tüsho khikzhakpung khimdopübo thsü; apinü khimdopübo kheak müwayinchi lüpkih.

2 KIUTHSÜYUKHEAN 6:12

Judüki Solomonnü Atungpuh kingaün sadam ki Israel amukhungrü alala miki zhip, tüsho api khahbo chungkhit.

EZRA 9:5

Tüsho arelim kingaün kim ching I atüzhokhi chingnü asürü, tüsho khim rukrüpkhi yihbah tamkhüntamnüde khukning tüsho Atungpuh I Thrünpuh ki I khah chunghuh,

NEHEMIA 1:4

Küyimki ha yu sokheanü inü zuhyuka binbah trip, tüsho nimung khünikhüh tüzhode yinmi Thrünpuh ki khümkeak thsüde tamkhüntamnüpü tankih.

NEHEMIA 8:4

Ezra a ju kim ching thsungkheak thsükhi sang sadam kheak zhip. Mihtsürü harü tsülimpeang zhip: Mattithia, Shema, Anaia, Uria, Hilkia, tüsho Maaseia, tüsho huzulim zhiprü: Pedaia, Mishael, Malkhija, Hashum, Hashbaddana, Zekaria, tüsho Meshullam.

MUNGSHIKHÜN 95:6

O arang, isanü kingaünanü tüsho mükhümanü; isanü Atungpuh isa Thrünrü miki khukninganü.

ABEKHIT 9:29

Tüsho Mosanü api ki tha, “I kiuto chingnü awukhiuk müleangnü, inü Atungpuh kilim I khahbo chungkihbah; tsüngmuk kheambah tüsho arulung mülade akambah, junangde alomi ju ATUNGPUH yo ah de nünü amükheahbah.

DANIEL 6:10

Mütsan-hüm kheak ju dokihdo de Danielnü mükheahkheah she, apinü mutuklode api yam ching yü, küpü Jirusalem limpeang akube khiungshak ching ayinripitbo lakhea, tüsho apinü püpüki rhimokhi nangde api Thrünpuh ki tamkhüntamnüde api shijihpü nimung chingnü mahsam ki khukning.

LUKNÜ ATHRÜTKHI THIYUSHEAK-ATSÜ HUHTANYU 22:41

Tüsho apinü arü kheaknü lunghit 1 bande yübah khukning tüsho tamkhüntamnü,

YUNIRÜBO RHIMO 20:36

Küyimki apinü ha thakheanü khukning tüsho arü alala lungnü tamkhüntamnü.

YUNIRÜBO RHIMO 21:5

Küyimki ju ching isa nimungbo bankheanü isanü chamachihbah yü; arü niuberü tüsho tsührübo alalanü kiuto aleanglim khiungde bea dükhe. Isanü kemungyean kheak khukningbah tamkhüntamnü tüsho chode thaachih.