2 KIUTHSÜYUKHEAN 5:2 - AMÜSÜH HÜM CL Bible (BSI)

² Judüki Solomonnü Zion de ajikhi David kiuto chingnü Atungpuh tangzüng sangdan lude atupü, Israel azothsürübo tüsho trükbo ching akubo, Israelrü jipürü yamkhünbo ching limberübo Jirusalem ching bemukhung.

2 KIUTHSÜYUKHEAN 5:2 Iomraidhean Croise

2 SAMUEL 5:7

Judüalalashe Davidnü chipi ayünkhi Zion yankhia lu, tüsho kheakü David kiuto de lah.

2 SAMUEL 6:12

Kiulongthsüpuh David ki tha, “Thrünpuh sangdan dünkheaknü Atungpuhnü Obed-edom tüsho api lakhi alala müngühjihdo.” Jumonü Davidnü yübah Thrünpuh sangdan ju Obed-edom yam chingnü lubah David kiuto lim asühachihde arü;

1 KIUTHSÜYUKHEAN 15:1

Davidnü anihbuh thsungkheak David kiuto ching thüyambo thsü, tüsho apinü Thrünpuh sangdan zopung thsakham tüsho ju thsungkheak khimyam khülang thsü.

1 KIUTHSÜYUKHEAN 15:12

Apinü arü ki tha, “Nüsa Levirü yamkhünbo ching akubo ah; nüsa le nüsa buhtsührübo tsangkhitang, junangde nüsanü Israel Thrünpuh, Atungpuh sangdan lubah inü athsakhamkhi ching atubah.

1 KIUTHSÜYUKHEAN 15:25

Jumonü David le Israel azothsürübo tüsho chithürübo wühkenorübonü Obed-edom yam chingnü Atungpuh tangzüng sangdan shuh-a lupü asühachihde wutu.

1 KIUTHSÜYUKHEAN 15:3

Atungpuh sangdan shuhde aturü apinü athsakhamkhi azopung ching zopü thsüde Davidnü Israel alala Jirusalem ching bemukhung.

1 KIUTHSÜYUKHEAN 16:1

Arünü Thrünpuh sangdan hande yüzah, tüsho Davidnü athsükhi khimyam alunglim zo; tüsho arünü taka kingaünkhi tüsho mungtsü kingaün Thrünpuh miki jih.

1 KIUTHSÜYUKHEAN 24:31

Harü she Aron tsühsoniuso arü buhtsührünü arhimokhi nangde, kiulongthsüpuh David, Zadok, Ahimelek, amükeamrübo yamkhün tsühsoniuso akubo tüsho Levirübo azorü tüsho keoniorü akheambuh mikinü azan thsü.

1 KIUTHSÜYUKHEAN 24:6

Levirü athrütbuh Shemaia, Nethanel tsührünü jurübo, kiulongthsüpuh, atorübo, amükeambuh Zadok, Abiathar tsührü Ahimelek, amükeamrü tüsho Levirü yamkhün ching akubo mikinü thrütyuk.

1 KIUTHSÜYUKHEAN 26:26

Ha buh Shelomith tüsho akeoniorübo ju kiulongthsüpuh David guk ching akubo, chithürübo tüsho chibo torübo, tüsho bonungrü wühkenorübo amüsühkhit thsambahbo rahpung alala aheangrü lakheah.

1 KIUTHSÜYUKHEAN 28:1

Davidnü Israel torübo alala, trükbo torübo, kiulongthsüpuh tankihpü chamnakkhi torübo, chithürübo tüsho chibo kurungkheak wühkenorübo, lakhit-kukruk alala tüsho kiulongthsüpuh le api tsührübo moshibo atoathüprü, ju lung kiulongthsüpuh yam torübo, athrungrü thirithsürübo, tüsho thirithsürü alala Jirusalem ching bemukhung.

2 KIUTHSÜYUKHEAN 1:4

(Tüshe Davidnü Thrünpuh sangdan ju Kiriath-jearim ching lude apinü athsakhamkhi dangpung chingnü arü; tümüde apinü ju thsungkheak Jirusalem ching thsüa zo.)

2 KIUTHSÜYUKHEAN 5:1

Hanangde Solomonnü Atungpuh yam thsungkheak rhimobo ban. Abuh Davidnü müsühkhitkhi kukrukbo Solomonnü hande yüzah tüsho shotoyinchi, suna, tüsho pungphuru alala Atungpuh rahpung-yam ching zo.

2 KIUTHSÜYUKHEAN 5:12

tüsho khün thsürü Levirü alala, Asaph, Heman, tüsho Jeduthun, arü tsührübo tüsho buhtsührübo khimthünak atsüdak yihbah, hulipungpung mütrü amükeamrü 120 lung larüpbo, bingshangbo, bingkhungbo shuhbah kingaün sadam aniakhiuklim zhip).

MUNGSHIKHÜN 2:6

“I amüsüh wung, Zion kheak inü I kiulongthsüpuh zolah.”

MUNGSHIKHÜN 87:2

Atungpuhnü Jakob lapungbo alala kheaknü Zion chipiripitbo muzhobah.

LEVI 9:5

Mosanü thiyukhüm jihkhi nangde arünü athrünkhi ashorupung khimyam müngüh handarü, tüsho amukhungrü alala phünide arübah Atungpuh miki zhip.

WÜHKHE 10:33

Jumonü Atungpuh wung kheaknü arü nimung mahsam hantsah tsahmusu; tüsho arü binkheampung yimde Atungpuh sangdan arü müngühnü yüshih,

WÜHKHE 10:36

Tüsho abinkheamchoki apinü tha, “O Atungpuh Israelrü chithürü amükhebin kilim rholoang.”