2 KIUTHSÜYUKHEAN 5:12 - AMÜSÜH HÜM CL Bible (BSI)

¹² tüsho khün thsürü Levirü alala, Asaph, Heman, tüsho Jeduthun, arü tsührübo tüsho buhtsührübo khimthünak atsüdak yihbah, hulipungpung mütrü amükeamrü 120 lung larüpbo, bingshangbo, bingkhungbo shuhbah kingaün sadam aniakhiuklim zhip).

2 KIUTHSÜYUKHEAN 5:12 Iomraidhean Croise

1 KIUTHSÜYUKHEAN 13:8

David tüsho Israel alalanü arü sühmüh alalanü, khündung khünyubo, bingshangbo, züpzüppü, larüpbo tüsho hulipungpungbo khungde Thrünpuh miki tsün.

1 KIUTHSÜYUKHEAN 15:24

Shebania, Joshaphat, Nethanel, Amasai, Zekaria, Benaia, tüsho Eliezer, amükeamrübonü Thrünpuh sangdan müngüh hulipungpungbo müt. Obed-edom tüsho Jehia ane she sangdan ripit aheangrü thsü.

1 KIUTHSÜYUKHEAN 15:27

David a shulünkhim athünak atsüdakbe phuyu, sangdan shuhpü Levirü alala, tüsho khün thsürü, khün thobuh Kenania arü she ju ruk yih, tüsho David a khimthünak phuyu;

1 KIUTHSÜYUKHEAN 23:30

Tüsho arünü yapsu abande Atungpuh kilim makshe jihde tüsho mungshi jihde azhipbah, tüsho junangde arelim she alabah,

1 KIUTHSÜYUKHEAN 23:5

4000 ripit neakrü tüsho 4000nü inü mungshipü thsükhi khün-khungbe bede Atungpuh kilim mungshi jihbah.”

1 KIUTHSÜYUKHEAN 6:33

Tankihde alarü mihtsürübo ju harü; tüsho arü tsührübo ju: Kohathrübo: Heman khün thsübuh, Joel tsührü, Samuel tsührü,

1 KIUTHSÜYUKHEAN 6:39

tüsho Heman keoniorü anihbuh tsülimpeang zhipbuh Asaph: Berekia tsührü Asaph, Shemea tsührü,

2 KIUTHSÜYUKHEAN 29:25

Apinü Levirübo larüpbo, bingshangbo, bingkhungbo shuhbah, David tüsho kiulongthsüpuh yo angürü Gad tüsho wukihbuh Nathan yukhüm yande Atungpuh yam ching bemukhung, tümüde thiyukhüm ju api wukihrübo hode Atungpuh kilimnü alakheah.

2 KIUTHSÜYUKHEAN 29:26

Levirübonü David yo kingzükingdobe shuh, tüsho amükeamrübonü hulipungpungbo shuhbah zhip.

2 KIUTHSÜYUKHEAN 7:6

Amükeamrübonü nihbuh dangpung kheak zhip. Levirübonü she Atungpuh mungshi jihpü kiulongthsüpuh Davidnü athsükhi khün-khungbe shuhbah tha, “Tümüde apinü muzhokhi lünnü lah.” Arü mikhuh ching amükeamrübonü hulipungpungbo khung; tüsho Israel alala zhip.

MUNGSHIKHÜN 149:3

Arünü tsünde api mung shishang; arünü züpzüppü tüsho bingshang bede api mungshikhi khünbo thsüshang.

MUNGSHIKHÜN 50:1

Wuto Atungpuh , Thrünpuhnü asukchoh; apinü alomi athrünkhi aniakhiuklimnü aniyüzahlim khiungde jichoh.

MUNGSHIKHÜN 62:1

I menü arümde Thrünpuh aleangchoh; I akhümkhit api kilimnü arüchoh.

MUNGSHIKHÜN 68:25

Khün thsürübo mikhuh yüdo, khün-khungbe kingrü ju dunglim yande yü; arü dükeak ching züpzüppü kingrü anünürübo lakheah.

MUNGSHIKHÜN 88:1

O Atungpuh , I akhümkhit Thrünpuh, inü animung tüsho are nü ki zhido.

MUNGSHIKHÜN 92:3

aliu thürü kihkhi bingkhung tüsho bingshang khungde.

AMIKHEAKAKHIUKKHI 15:6

tüsho arüngyam chingnü yunirü thüne, arüm thüne lubah, ayinatrüm khimthünak müthsün yih tüsho arü treangbo suna treangkhümbebonü rümbah akhiuk.

AMIKHEAKAKHIUKKHI 19:8

alibe ju khimthünak atsü, ayinatrüm tüsho amüthsün phuyupü mülüjih”–tümüde khimthünak atsü ju amüsührü thiyuro-lungki rhimobo lah.