2 KIUTHSÜYUKHEAN 5:11 - AMÜSÜH HÜM CL Bible (BSI)

¹¹ Kheakü küyimki amükeamrübo amüsüh dangpung chingnü akhiukkhea (tümüde amükeamrübo ju ching larü alalanü arü chamnakkhi mülümde müsühkhit,

2 KIUTHSÜYUKHEAN 5:11 Iomraidhean Croise

1 KIUTHSÜYUKHEAN 15:14

Jumonü amükeamrübo tüsho Levirünü Israel Thrünpuh, Atungpuh sangdan shuhde atupü thsüde arübo tsangkhit.

2 KIUTHSÜYUKHEAN 29:15

Arünü arü keoniorü bemukhungbah arübo tsangkhit, tüsho Atungpuh yubo yande, kiulongthsüpuh yukhüm anide A TUN GPU H yam müsühkhitpü yüzah.

2 KIUTHSÜYUKHEAN 29:34

Tüshe amükeamrübo khide nük tüsho taka kingaünpü alala aküp mülükhamkhukde alakheah, jumonü amükeamrübonü nihbuh zangrü mümüsühkhityi khiungde arü buhtsührü Levirübonü rhimo mübanyi khiungde rung, tümüde nihbuh zangrü müsühkhitpü ching amükeamrü kheaknü Levirübo alü mulong amüsüh lakheah.

2 KIUTHSÜYUKHEAN 29:5

Apinü arü ki tha, “I ki aniang, Levirübo! Nüsabo tsangkhitang, tüsho nüsa jipürü Thrünpuh, Atungpuh yam tsangkhitang, tüsho amünean ju amüsüh dangpung chingnü yihkhitang.

2 KIUTHSÜYUKHEAN 30:15

Arünü phunghothünio namfimihnunu khinu mahne nimung thürükheak phüyi nipü laksah. Amükeamrü tüsho Levirübonü achih, tüsho arünü nihbuh zangrü tsangkhit tüsho taka kingaünkhibo Atungpuh yam ching hande yüzah.

2 KIUTHSÜYUKHEAN 35:4

Israel kiulongthsüpuh Davidnü athrütkhi tüsho api tsührü Solomonnü athrütkhi ayannü, nüsa jipürü buhtsüh, achamnakbo yande tsanglungang.

2 KIUTHSÜYUKHEAN 35:6

Phungho-thünio namfimihnunu laksahang, nüsa tsangkhitang, tüsho Mosa hode ajihkhi Atungpuh yu yande, nü keoniorü thsung thsüde tsanglungang.”

2 KIUTHSÜYUKHEAN 5:12

tüsho khün thsürü Levirü alala, Asaph, Heman, tüsho Jeduthun, arü tsührübo tüsho buhtsührübo khimthünak atsüdak yihbah, hulipungpung mütrü amükeamrü 120 lung larüpbo, bingshangbo, bingkhungbo shuhbah kingaün sadam aniakhiuklim zhip).

JOB HU H T ANYU 1:5

Tüsho küyimki aniojikhi nimungbo tankihkhea, Jobnü arübo jibah müsühkhit, tüsho apinü yapsu mükikde asürübah arü khekhi yande taka kingaünkhi jih; tümüde Jobnü tha, “ Khükia I tsührübonü neak yihbeaka labah, tüsho arü mulong ching Thrünpuh athrua labah.” Hanangde Job nü kamruhroro rhimo.

ABEKHIT 19:10

Judüki Atungpuhnü Mosa ki tha, “ Mihtsürübo kilim yüang tüsho khihni le shido arü tsangkhitang, tüsho arü khimmih müsühshang.