2 KIUTHSÜYUKHEAN 4:1 - AMÜSÜH HÜM CL Bible (BSI)

¹ Apinü müwayinchinü kingaün sadam 1 thsü, ashanglim khahnap 20, atolim khahnap 20, tüsho achanglim khahnap 10.

2 KIUTHSÜYUKHEAN 4:1 Iomraidhean Croise

1 KIULONG THSÜRÜ 8:22

Solomonnü Atungpuh kingaün sadam müngüh, Israel amukhungrü miki zhip, tüsho api khah thüning lim chungkih.

1 KIULONG THSÜRÜ 8:64

Ju nimungnü Atungpuh yam müngüh lakhi aphulungbe khiungshak kiulongthsüpuhnü müsükhit; tümüde ju ching apinü taka kingaünkhi, hi kingaün tüsho mungtsü kingaünkhi müdang jih, tümütüsho Atungpuh miki lakhi müwayinchi kingaün sadam ju taka kingaünkhi, hi kingaün tüsho mungtsü kingaünkhi müdang jihkhibo leangkhipü thsüde khide ninide alakheah.

1 KIULONG THSÜRÜ 9:25

Solomonnü kam khülang ching mahsam ki apinü Atungpuh thsungkheak thsükhi kingaün sadam kheak rhümthüneabe Atungpuh miki jihde, taka kingaün tüsho mungtsü kingaün laksah-a jih. Junangde apinü thüyam ju thsükhi.

2 KIUTHSÜYUKHEAN 1:5

Tüshe Hur tsührü Uri tsührü Bezalelnü athsükhi müwayinchi kingaün sadam ju ching Atungpuh arüngkhimyam miki lakheah. Tüsho Solomon le amukhungrünü ju dünkheak atsangashua kheah.

2 KIUTHSÜYUKHEAN 15:8

Küyimki Asanü harü yubo, Oded tsührü Azarianü müchitkhi sokhea, apinü mulong tode kam, tüsho Juda le Benjamin lomi tüsho apinü Ephraim wungbo chingnü ayankhikhi kiutobo alala chingnü athraneanbe sangthsübo yihkhita bah. Apinü Atungpuh yam mükü müngüh lakhi Atungpuh kingaün sadam thsülo.

2 KIUTHSÜYUKHEAN 29:18

Judüki arünü kiulongthsüpuh Hezekia kilim alunglim yüzah tüsho tha, “Isanü Atungpuh yam alala taka kingaünpung sadam tüsho ju pungphurubo, tüsho yikhap thürüngpung dükhüm tüsho ju pungphurubo müsühkhitdo.

2 KIUTHSÜYUKHEAN 7:7

Atungpuh yam müngüh lakhi khikzhakpung aphulungbe Solomonnü müsühkhit; tümüde ju kheak apinü taka kingaünkhi tüsho mungtsü kingaünkhi amüdang jih, tümütüsho Solomonnü athsükhi müwayinchi kingaün sadamnü taka kingaünkhi, hi kingaün tüsho müdangmurubo mazüh.

2 KIUTHSÜYUKHEAN 8:12

Judüki Solomonnü apinü arüngyam müngüh thsükhi A TUN GPU H kingaün sadam kheak taka kingaünkhi jih,