2 KIUTHSÜYUKHEAN 36:23 - AMÜSÜH HÜM CL Bible (BSI)

²³ “Persia kiulongthsüpuh Sairusnü ha thachoh: Atungpuh , yinmi Thrünpuhnü, I kilim alomi kiulongthsü alala jihdo, tüsho Juda ching lakhi Jirusalem ching thüyam khülang thsüpü apinü I ki thiyukhüm jihdo. Nüsa api mihtsürü alala bolung shepü la? Atungpuh anihbuh Thrünpuh api lung lashang, tüsho api wu toshang!”

2 KIUTHSÜYUKHEAN 36:23 Iomraidhean Croise

1 KIUTHSÜYUKHEAN 22:16

suna, shotoyinchi, müwayinchi, tüsho yinchi thsungkheak lah. Kheakü rhimo tankihang, tüsho Atungpuh nü lung lashang.”

1 KIUTHSÜYUKHEAN 29:5

tüsho kizükidorünü arhimobe rhimobo thsungkheak alala, suna kukrukbo thsungkheak suna tüsho shotoyinchi kukrukbo thsungkheak shotoyinchi. Dale arü zangrü khihni Atungpuh kilim müsühkhitde, shepünü künsahde ajihba?”

2 KIUTHSÜYUKHEAN 36:22

Persia kiulongthsüpuh Sairus kam akhuhbe ching, Jeremianü athakhi Atungpuh yu dünjipü thsungkheaknü, Atungpuhnü Persia kiulongthsüpuh Sairus me thurumusu, junangde apinü anihbuh kiulongthsü alala ching yunithsürü khülang yüshih tüsho athrütkhi yukhüm chingnü she thari:

EZRA 1:1

Sairusnü Persia kiulongthsükhi akhuhbe kam ching, Jeremia mün hode Atungpuh yu dünjishihpü thsüde, Atungpuhnü Persia kiulongthsüpuh Sairus me tuthsukmusu tüsho api kiulongthsü bukkhüp lomi alala ching thrüta zhiyukshihpü tha:

EZRA 7:13

“I kiulongthsü aban ching Israelrü amükeamrü tüsho Levirü sherü nü lung Jirusalem ching yünelanü ayüpü kuklah de mülüjihchoh.

MUNGSHIKHÜN 136:26

O, yinmi Thrünpuh kilim makshe jihang! Tümüde api amüthsüm lünnü rünkhiungde lah.

ISAIA 41:2

Shepünü aniakhiuklimnü khülang asürüshihkhea, api tankihpü thiyuro ching jikhea? Apinü trükshihbo api kilim jih tüsho kiulongthsübo müphü khüp thrüm; apinü arübo api nukshangnü asungthulung nangde, api sanglühnü yüna tsoshihkhi müneang nangde kamshih.

ISAIA 44:5

Khülangnü athabah, “ I Atungpuh yo,” püpü ju Jakob mungnü ajibah, kheaküshe püpü ju khah kheak thrütbah, “Atungpuh yo,” tüsho Israel mung jimulobah.

ISAIA 45:13

Inü thiyuro-lungki ching Sairus asürüshihdo, tüsho inü api limro alala mukhiungshihbah; apinü I kiuto thsübah tüsho I yo ramtsorübo zuzu thsüde dükhebah, adün yungsho thsambah thsungkheak yung, Wuto Atungpuhnü thachoh.

JEREMIA 27:6

Kheakü inü harü lomi alala I yamlarü, Babilon kiulongthsüpuh Nebukednezar khah ching jihdo, tüsho inü api kilim mütüm shiwühbo she api tankihpü jihdo.

DANIEL 2:21

Apinü kimbo tüsho akheahmünchibo müthrichoh, kiulongthsürübo ayoshihchoh tüsho kiulongthsürübo shuhkihchoh; apinü lümlung larü kilim lümlung tüsho anikhitrü kilim mükheahmudu jihchoh.

DANIEL 2:37

Nü, O kiulongthsüpuh, kiulongthsürübo kurungkheak kiulongthsüpuh shepü kilim yinmi Thrünpuhnü kiulongthsü, wu, sühmüh, tüsho müretahkhi jihkhea,

DANIEL 4:35

Apinü alomi ching larü alala tümü kheyuka müla, tüsho yinmi putungrü tüsho alomi ching larü ki apinü tümü lümlanü rhimochoh. Api khah leanglorü yungsho api ki, “ Nü tümü rhimocho?” de atharü she müla.

DANIEL 5:18

O kiulongthsüpuh, Khide Achang Thrünpuhnü nü buh Nebukednezar kilim kiulongthsü, ato, müretah, tüsho mungthu jih.

DANIEL 5:23

Nünü yinmi Thrünpuh azhihde nihbuh zangrü shuhkihdo! Api arüngyam pungphurubo nü miki lude azah, tüsho nü putungrübo, nü niubebo tüsho nü hanniubebonü jurü chingnü yukhu yung. Nünü shotoyinchi tüsho suna, müwayinchi, yinchi, sang, tüsho lung thrünpuhbo, küpünü müngü yungsho muso yungsho mümükheahnü ju shijih; tüshe Thrünpuh shepü khah ching nü rhangdung la, tüsho shepü kilim nü limro alala lanü, nünü wüntre müjih.

DANIEL 5:28

P E R E S, nü kiulongthsü chamnakdo tüsho Midiarü le Persiarü kilim jihdo.”

DANIEL 6:28

Jumonü hanü Persiarü Darius kiulongthsü tüsho Sairus kiulongthsü kim ching Daniel lalim tsüde kam.

MIKA 4:10

O Zion mihtsürü, aliberü thsünüchoki nangde kolahang tüsho asheang; tümüde kheakü nü kiuto chingnü ayübah tüsho mükeak ching binkheambah; nü Babilon lim yübah. Ju ching nü bekhitbah, ju ching Atungpuhnü nü riribo khah chingnü nü rhokhitbah.

ROMRÜ KILIM PAULNÜ ATHRÜTKHI KIHÜM HUHTANYU 8:31

Dale tüsho isanü ha küde athaba? Thrünpuh ju isa thsungkheak a sho, isa azhihrü she la?