2 KIUTHSÜYUKHEAN 36:20 - AMÜSÜH HÜM CL Bible (BSI)

²⁰ Nukshang chingnü atsokhitrü apinü Babilon ramtso ching hanbah yü, tüsho Persia kiulongthsükhi khiungde arübo api le api tsührübo yamlarübo kam.

2 KIUTHSÜYUKHEAN 36:20 Iomraidhean Croise

2 KIULONG THSÜRÜ 25:11

Nebuzaradan aheangrü wühkenobuhnü kiuto ching aninga lakhi, Babilon kiulongthsüpuh kinü atsorü, aningkhi mihtsürü alala ramtso ching bede yü.

2 KIUTHSÜYUKHEAN 36:22

Persia kiulongthsüpuh Sairus kam akhuhbe ching, Jeremianü athakhi Atungpuh yu dünjipü thsungkheaknü, Atungpuhnü Persia kiulongthsüpuh Sairus me thurumusu, junangde apinü anihbuh kiulongthsü alala ching yunithsürü khülang yüshih tüsho athrütkhi yukhüm chingnü she thari:

EZRA 2:1

Kheakü harübo ha lomibo ching sherü Nebukednezar nü rama lubah Babilon ching tsokhea, arü Jirusalem tüsho Juda lim buh kiulonglong ching arülo.

EZRA 5:12

Tüshe isa jipürü yinmi Thrünpuh bukakhiukshihkhi hode arübo Nebukednezar Babilon kiulongthsüpuh, Kaldeabuh khah ching jihabahbah, jurü hode ha yam thsümünim tüsho mihtsürübo Babilon ramtso ching bede yü.

ISAIA 47:6

Inü I mihtsürü kheak bukakhiuk, inü I yamrüplurüp müneanjih; inü arübo nü khah ching jih, nünü arü ki mihmüthsüm muhuh; ashinbuhrü kheak nünü khide hah mülangshih.

JEREMIA 25:11

Ha lomi abümnü thsümünimbah tüsho akeangkeang kambah, tüsho harü trükshihbonü kam nerü Babilon kiulongthsüpuh tankihbah.

JEREMIA 27:7

Anihbuh lomi keampü kim mukhiungyi khiungde trükshih alalanü api le atsührü tüsho atsührütsührü tankihbah; jushu trükshih ahihdo tüsho kiulongthsürü atobonü api arü azhorü kamshihbah.

JEREMIA 52:28

Ha Nebukednezarnü ramtso ching bede ayükhi mihtsürü khekhi: kam thünepü ching Judarü 3023;

EZEKIEL 19:13

Kheakü ha sunglo ching, akunglo tüsho anikio lo ching khim.

EZEKIEL 38:5

Persia, Ethiopia, tüsho Libya arü lung bebah, arü alala tsungnini tüsho yinchi kuthran labah;

MIKA 4:10

O Zion mihtsürü, aliberü thsünüchoki nangde kolahang tüsho asheang; tümüde kheakü nü kiuto chingnü ayübah tüsho mükeak ching binkheambah; nü Babilon lim yübah. Ju ching nü bekhitbah, ju ching Atungpuhnü nü riribo khah chingnü nü rhokhitbah.