2 KIUTHSÜYUKHEAN 36:17 - AMÜSÜH HÜM CL Bible (BSI)

¹⁷ Jumonü apinü arü azhihde Kaldearü kiulongthsüpuh bede wutu, apinü athunubo arü arüngyam ching nukshangnü laksah, tüsho athrününgtsüng mihtsürü yungsho anünürü, ashinbuhrü yungsho azobankhi kheak mihmuzho mülade kam; apinü arü alala api khah ching jih.

2 KIUTHSÜYUKHEAN 36:17 Iomraidhean Croise

2 KIUTHSÜYUKHEAN 24:21

Tüshe arünü api azhihde mülapyukde rhimo, tüsho kiulongthsüpuh yukhüm hode arünü api Atungpuh yam khikzhakpung chingnü rusah.

2 KIUTHSÜYUKHEAN 33:11

Jumonü Atungpuhnü arü azhihde Asiria kiulongthsüpuh bonungrü wühkenorübo bedarü; arünü khoyangnü Manase wuh-a lubah müwayinchi wuhrünnü rhük, tüsho api Babilon ching bede yü.

2 KIUTHSÜYUKHEAN 34:24

Atungpuhnü ha thachoh: Juda kiulongthsüpuh miki khekhi hüm ching thrütkhi muthrumünean alala inü ha dangpung tüsho ju ching larü kheak thsümütsü hande arübah.

EZRA 5:12

Tüshe isa jipürü yinmi Thrünpuh bukakhiukshihkhi hode arübo Nebukednezar Babilon kiulongthsüpuh, Kaldeabuh khah ching jihabahbah, jurü hode ha yam thsümünim tüsho mihtsürübo Babilon ramtso ching bede yü.

EZRA 9:7

Isa jipürü nimung chingnü kheakü khiungde isanü tode neak yihbeakde arüdo; tüsho neak hode isa kiulongthsürübo tüsho amükeamrübo püpürü kiulongthsü khah ching, khihni hanangde, thsühnuk ching, ramtso ching, jangkhijangra ching, tüsho achih ngüde lashih.

MUNGSHIKHÜN 74:20

Tangzüngkhi wüntre jihang; tümüde alomi amiting dangpungbo athsümünimnü milah.

MUNGSHIKHÜN 79:1

O Thrünpuh, trükshihbo nü yamrüplurüp ching azahdo; arünü nü amüsüh arüngyam thsümünimdo; arünü Jirusalem thsümünima mujungshihlah.

ISAIA 13:18

Arü sanglühbonü athunu mihtsürübo laksahbah; arünü nuyam sangaso kheak mihmüthsüm mülade alabah; arü müknü azürübo kheak kheah-a mümuzho.

ISAIA 43:28

jumonü inü arüngyam yakzanshuhrü ki mümüsühkhi khejih, inü Jakob muthrumüneanpü tüsho Israel luhmünepü jih.

ISAIA 47:6

Inü I mihtsürü kheak bukakhiuk, inü I yamrüplurüp müneanjih; inü arübo nü khah ching jih, nünü arü ki mihmüthsüm muhuh; ashinbuhrü kheak nünü khide hah mülangshih.

JEREMIA 11:22

jumonü Wuto Atungpuhnü ha thachoh: Inü arü thsümüchipü lah; athunu mihtsürübo nukshangnü ashebah; arü tsührübo tüsho arü tsührübebo khümzungnü ashebah;

JEREMIA 16:6

Ha lomi ching ato tüsho anini chido ashebah; arübo kiuyuka mübah, tüsho shenü arü thsungkheak mütüzho; arü thsungkheak tüzhode mütsüt yungsho ku mühüt.

JEREMIA 18:21

Jumonü arü tsührübo khümzungnü sheshang; arübo nukshang wu kilim jihang, arü niuberübo tsührü mülade tüsho khimoberü kamshang. Arü niubuhrübo tukthsünü sheshang, athunurübo keochih ching nukshangnü laksahshang.

JEREMIA 21:1

Ha Atungpuh yu kiulongthsüpuh Zedekianü Malkia tsührü Pashhur tüsho Maaseia tsührü amükeambuh Zephania api kilim yüshihchoki Jeremia kilim arü. Arünü tha:

JEREMIA 21:7

Atungpuhnü thachoh, ju dunglim inü Juda kiulongthsüpuh Zedekia, api yamlarübo, tüsho ha kiuto ching larü mihtsürübo–arümtukthsü, nukshang tüsho khümzung chingnü rhangdung larü–Babilon kiulongthsüpuh Nebukednezar khah ching, arü rhangdung yimrü arü riri khah ching jihbah. Apinü arübo nukshang müzheannü alaksahbah; apinü arü amuzho müla, maningshih, yungsho mihmuzho müla.

JEREMIA 32:28

Jumonü, Atungpuhnü ha thachoh: Inü ha kiuto Kaldearü khah ching tüsho Babilon kiulongthsüpuh Nebukednezar khah ching jihbah tüsho apinü ju lubah.

JEREMIA 32:42

Tümüde Atungpuhnü ha thachoh: Inü ha mihtsürü kheak thsümütsü ato handarükhi nangde, inü kheakü arü ki alokhikhi, kuhi atsü alala arü kheak handarübah.

JEREMIA 40:3

tüsho kheakü Atungpuhnü ha handarüdo, tüsho apinü athakhi nangde rhimodo, tümütüsho nüsa alalanü Atungpuh azhihde neak yihbeak tüsho api yu mani. Jumonü hadürü nü kheak arükheah.

JEREMIA 51:22

nü hode inü athrürü tüsho aliberü yümnakchoh; nü hode inü ashinbuhrü mihtsürü tüsho athunu yümnakchoh; nü hode inü athrününgtsüng tüsho anünürü yümnakchoh;

JEREMIA 9:21

Mihshe isa ayinripitbo chingnü azahdo, ha isa kiulongthsürü-yambo ching azahdo, kiudunglimrobo chingnü azürübo laksah tüsho wungdobo chingnü athunurübo laksah.

EZEKIEL 16:40

Arünü nü azhihde arhunganim boto bedarübah, arünü nü kheak lungnü arubah tüsho arü nukshangbonü nü adütre kamde alipthünakbah.

EZEKIEL 21:28

Tüsho nü, mihtsürü tsührü, müchitang tüsho thaang, Amonrü tüsho arü mükhemükimrü dünkheak, Wuto Atungpuhnü ha thachoh: Nukshang khülang, nukshang khülang, alaksahpü dukkhitdo, amuyupü phekhita tüsho chinchobe nangde phürappü lah!

DANIEL 9:14

Atungpuhnü isa kheak thsümütsü handarüpü lüm müshangmang, tümüde Atungpuh isa Thrünpuh ju apinü arhimokhi lüpdükhi ching thiyuro-lungki lah; tütüshe isanü api ki mihyumani.

ZEKARIA 1:6

Tüshe I yubo tüsho I yakzanbo, küpü inü I yamlarübo tüsho wukihrübo ki thiyukhüm jihkhea, jurünü nüsa jipürü müyanphuhkhea de? Jumonü arünü mulong müthri tüsho tha, “ Wuto Atungpuhnü apinü arhimopü lümkhi thsükhi nangde isa limrobo tüsho rhimobo yande isa ki rhimodo.”

YUZÜNGTHALO 30:18

nüsa tsükjide adükheakbah de inü khihni nüsa ki zhiyukchoh; nüsanü Jordan hode yübah müküh-a lupü lakhi lo ching nü jingtsüpkutsüp müla.