2 KIUTHSÜYUKHEAN 36:16 - AMÜSÜH HÜM CL Bible (BSI)

¹⁶ tüshe api mihtsürübo kheak Atungpuh bukakhiukkhi khide tode kambah mutsokhitpü khiungde, arünü Thrünpuh yunithsürübo ki keangrümüne, api yubo mükhemükim thsü, tüsho api yo wukihrübo ki münejih.

2 KIUTHSÜYUKHEAN 36:16 Iomraidhean Croise

2 KIULONG THSÜRÜ 2:23

Ju chingnü api Bethel ching wutu; tüsho api limro ching yüde alachoki, athrürü nunubo khürü kiuto chingnü akhiukbah api ki münejihde tha, “Tsoabahang, kurakrak! Tsoabahang, kurakrak!”

1 KIUTHSÜYUKHEAN 19:4

Jumonü Hanunnü David yamlarübo rambah arü mükhühnam hüta bahjih, arü kiung phulungnü khimmihbo nipa bahjih, tüsho arü tsoshih.

2 KIUTHSÜYUKHEAN 24:19

Tütüshe apinü arü Atungpuh kilim belode arüpü arü bolung wukihrübo yüshih; arünü arü azhihde thiyumütsan jih, tüshe arünü mani.

2 KIUTHSÜYUKHEAN 30:10

Jumonü yunithsürübonü kiuto chingnü kiuto yüde Ephraim tüsho Manase lomi hode tüsho Zebulun khiungde yü; tüshe arünü arü kheak akinashu mülade keangrümünejih.

EZRA 5:12

Tüshe isa jipürü yinmi Thrünpuh bukakhiukshihkhi hode arübo Nebukednezar Babilon kiulongthsüpuh, Kaldeabuh khah ching jihabahbah, jurü hode ha yam thsümünim tüsho mihtsürübo Babilon ramtso ching bede yü.

NEHEMIA 9:26

Tüshe nü mihtsürübonü nü azhihde mihyu mani; nü yakzan arü dunglim bah. Wukihrübo sherünü nü kilim rholoang de arü müzünde azhikheanü laksah. Arünü khide nü mükhemürang thsü,

NEHEMIA 9:30

Kam ashang nünü arü ki arümkheam, tüsho nü memüsühnü wukihrübo hode thashih; tüshe arü nükhünnü mani, jumonü nünü arübo püpürü lomi khah ching jihabah.

MUNGSHIKHÜN 35:16

Amükinrü nangde arünü chikhide I luhmünechoh; arünü I kheak arü hü mütrütchoh.

MUNGSHIKHÜN 74:1

O Thrünpuh, tümüde nünü isa lünnü bahyuka la? Tümüde nü mihtsürü azhihde bukakhiukcho?

MÜCHITMUDU 29:1

Shepü alochode thsülangjihjih she mulong müküpchonü, müthsüngukhukpü thsüde zukleangnü athsümünimbah.

MÜCHITMUDU 6:15

Jumonü api thsümütsü nahde arübah; mütsülopü thsüde api nahde athsümünimbah.

ISAIA 28:22

Jumonü kheakü nüsanü luhmünekhi tukloang, jude yungsho nüsa rhükbe liu müküpshihbah; tümüde alomi alala kheak athsümünimpü yakzan thsükhi Wuto Atungpuh T H RÜ NPU H kilimnü inü sodo.

ISAIA 5:4

Inü I yo kurungasolu ching mürhimokhi tümükhüh la shi? Inü kurungaso asopü mükkin thsüchoki, küde thsah kurungaso asan asokhea?

ISAIA 57:4

She kheak nüsanü keangrücho? She kheak azhihde nüsa mün mülihde khimshuhcho tüsho nüsa mulo chungkhitcho? Nüsa alakmihrü tsührü, akeangyu tharü tsührübo yung de–

ISAIA 65:12

inü nukshang kilim nüsa sangkhik thsüjihbah, tüsho nüsa alalanü alaksahpü ki mükhümbah; tümütüsho, küyimki inü ajikhea, nüsanü malo, küyimki inü asukkhea, nüsanü mani, tüshe I miki amütsü tümüanü nüsanü rhimodo, tüsho inü tümü masühnü mokhitdo.

JEREMIA 13:10

Ha amütsü mihtsürü, sherünü I yu anipü thsunglocho, sherünü nihnihde arü lümkhi ching yancho tüsho püpürü thrünpuhbo dunglim arü tankihpü tüsho kingaünpü yüdünü, atsü thsungkheak tümü mülakhi ha chimrüm khim nangde alabah.

JEREMIA 20:7

O Atungpuh , nünü I mülapyukdo tüsho I mülapyuka lakheah, nünü I zhihodo tüsho nünü kukdo. I nimung amuyung münedung kamdo; alalanü I ki münejihchoh.

JEREMIA 20:8

Tümüde küyimki inü asukkheanü, inü zhikhit, inü zhi, “ Khahleakleak tüsho athsümünim!” Tümüde I thsungkheaknü Atungpuh yu nimung amuyung mükhemükim tüsho keangrümüne kamdo.

JEREMIA 30:12

Tümüde Atungpuhnü ha thachoh: Nü mü müthsüngukhukbe lah, nü yurikhi mungukhukbe lah.

JEREMIA 32:3

Tümüde Juda kiulongthsüpuh Zedekianü api rihdoa zobah tha, “Tümü thsükhi nünü müchitcho tüsho thacho: Atungpuh nü ha thachoh: Inü ha kiuto Babilon kiulongthsüpuh khah ching jihbah, tüsho apinü ju lubah;

JEREMIA 32:33

Arünü arü düthsün I ki anguhdo, arü mirobo yung; inü arü ki alochode thsangyuyu she, arünü mani tüsho thsülangkhi mulu.

JEREMIA 38:6

Jumonü arünü Jeremia bea lu tüsho kiulongthsüpuh tsührü Malkia kekung, aheangrü mahkhappung lakhi ching Jeremia ju shungliunü chingbah yüzahshih. Kheakü kekung ching ke mülade akhimniuhniuh lang alakheah, tüsho akhimniuhniuh ching Jeremia yüzah.

JEREMIA 42:18

Tümüde Wuto Atungpuh , Israel Thrünpuhnü ha thachoh: I bukakhiukkhi tüsho I mulong zhipzhipkhi Jirusalem ching larü kheak dungkihkhi nangde, nüsa Ijip ching yüchoki nüsa kheak I bukakhiukkhi dungkihbah. Nüsa muthrumünean tüsho atrebe, abahyukpü tüsho münedung kambah; nüsanü ha dangpung küyimkishe müngülo.

DANIEL 9:6

Isanü nü mung chingnü isa kiulongthsürübo, yakzanshuhrübo, isa jipürübo, tüsho lomi mihtsürü alala ki asukkhi nü yamlarübo ki mani.

LEVI 26:15

tüsho I yakzan thsükhibo manisho tüsho I yuzüngbo manisho yungsho I yukhümbo alala müleangkhide tangzüngkhi thsümünimsho,

MATHI 23:34

Jumonü inü nüsa kilim wukihrübo, lümlung larü mihtsürübo, tüsho yakzan thsangyurübo thiyibah: nüsanü khürü laksahbah tüsho ayümkihbah, tüsho khürü nüsa yo sinagogbo ching rhapbah tüsho kiuto chingnü kiuto khiungde athsümüchibah,

MATHI 5:12

Asühachihang tüsho asühang, tümütüsho yinmi ching nüsa thsambah ato lah, tümüde nüsa müngüh larü wukihrübo arünü hanangde thsümüchikheah.

LUKNÜ ATHRÜTKHI THIYUSHEAK-ATSÜ HUHTANYU 16:14

Kheakü sho muzhorü Pharisirübonü she harü alala so, tüsho arünü api kheah-a münejih.

LUKNÜ ATHRÜTKHI THIYUSHEAK-ATSÜ HUHTANYU 18:32

Tümüde api ju khiungkerü kilim jihbah tüsho luhmünede mükhemükimbah, tüsho amukhiukkihbah.

LUKNÜ ATHRÜTKHI THIYUSHEAK-ATSÜ HUHTANYU 23:11

Judüki Herod tüsho api bonungrübonü api luhmünede mükhemükim thsü; tüsho api kheak khimmih atsü yihkihjihbah Pilat kilim yüloshih.

LUKNÜ ATHRÜTKHI THIYUSHEAK-ATSÜ HUHTANYU 23:36

Tüsho bonungrübonü she api mükhemükimde arübah asan ke duh,

LUKNÜ ATHRÜTKHI THIYUSHEAK-ATSÜ HUHTANYU 6:23

Ju nimung asühachihang tüsho asühde jukang, tümütüsho kheahang, yinmi ching nüsa thsambah tode lah; tümüde arü bebuhrünü wukihrübo ki jude rhimodo.

YUNIRÜBO RHIMO 13:41

‘Kheahang, nüsa luhmünerübo! Müyinsahang tüsho sheang! Tümüde khürünü thanaka huhhuh she nüsanü akin mülapü thsüde inü rhimochoh!’ ”

YUNIRÜBO RHIMO 17:32

Küyimki arünü asherü arhang kamlokhi dünkheak sokhea, khürünü münejih; tüshe püpürünü tha, “Ha dünkheak kheaküshe isanü nü ki anibah.”

YUNIRÜBO RHIMO 2:13

Püpürünü keangrümünede tha, “Arübo yukhunü müshanga lah.”

YUNIRÜBO RHIMO 7:52

Nüsa jipürübonü müthsümüchikhi wukihrübo sherü a? Arünü thiyuro-lungki Khülang arüpü zhiyukbuh she laksah. Tüsho kheakü nüsanü api mülapyukde laksah–

1 TESALONIKA 4:8

Jumonü sherünü ha bahyukchonü mihtsürü yungde nüsa kilim Amüsüh Me jihbuh Thrünpuh bahyukchoh.

IBRI 11:36

Püpübo kheah-a münejih tüsho rhap, tüsho rihyam ching rhüka yukde thsünü.

MAHKHAPRÜ 2:17

Tütüshe arünü mahkhaprübo yu mani tüsho arünü püpürü thrünpuhbo kheak müzammüram thsü tüsho arü ki khukning. Arünü nahde arü bebuhrünü atsahkhi limro chingnü, Atungpuh yukhüm anikhi chingnü rholode tso; ju ruk arünü mürhimo.