2 KIUTHSÜYUKHEAN 36:10 - AMÜSÜH HÜM CL Bible (BSI)

¹⁰ Mükheankim ching kiulongthsüpuh Nebukednezarnü api lung Atungpuh yam ching yo shoto pungphurubo bede lubah Babilon ching yü, tüsho aniurü Zedekia Juda tüsho Jirusalem kurungkheak kiulongthsürü kamshih.

2 KIUTHSÜYUKHEAN 36:10 Iomraidhean Croise

2 SAMUEL 11:1

Mükheankim ching, kiulongthsüpuhnü thirithsü yüchoki, Davidnü Joab lung atorübo tüsho Israel alala bebah yüshih; arünü Amonrü kuk tüsho Rabba kiuto yanabah. Tüshe David a Jirusalem ching bin.

2 KIULONG THSÜRÜ 20:17

Nü yam ching lakhi alala, tüsho nü pü pürünü khihni khiungde azomukhungkhi Babilon lim hande atsopü nimung arüchoh; tümü she maning, Atungpuhnü thachoh.

2 KIUTHSÜYUKHEAN 36:18

Thrünpuh yam ching yo pungphuru alala, ato tüsho anini, tüsho Atungpuh yam rahpungbo, kiulongthsüpuh tüsho api yo atorübo rahpungbo, harü alala apinü Babilon ching lude yü.

2 KIUTHSÜYUKHEAN 36:7

Nebukednezarnü Atungpuh yam ching yo pungphurubo she lu tüsho jurü Babilon ching anihbuh yam ching yuka zo.

ESTER 2:6

Küyimki Babilon kiulongthsüpuh Nebukednezarnü Jehoiakin Juda kiulongthsüpuh Jirusalem chingnü ramtso kuhi ching bede atsokhea, aramrü bolung api she abekheah.

ISAIA 39:7

Nü tsührübo khürü bede atsobah; arübo Babilon kiulongthsüpuh yam ching dukha labah.”

JEREMIA 20:5

Inü ha kiuto lakhit alala, hi alala, shoto kukrukbo, tüsho Juda kiulongthsüpuh rahpungbo arü riri khah ching jihbah, arünü ju yankhia lubah, tüsho rama lubah, tüsho Babilon ching hande ayübah.

JEREMIA 22:25

tüsho nü rhangdung yimrü khah ching nünü atrerü khah ching, Babilon kiulongthsüpuh Nebukednezar tüsho Kaldearü khah ching jihbah.

JEREMIA 24:1

Atungpuhnü khubaso muluk mahne Atungpuh arüngyam miki zokhi I ki huh. Ha Babilon kiulongthsüpuh Nebukednezarnü Jehoiakim tsührü Juda kiulongthsüpuh Jehoiakin, api lung Juda torübo, keaklahrü, yingkingrü, Babilon ramtso ching hande ayü dunglim lakheah.

JEREMIA 27:16

Judüki inü amükeamrübo tüsho ha mihtsürü alala ki tha, Atungpuhnü ha thachoh: Nüsa ki hade müchitrü wukihrübo ki dani, “Atungpuh yam phühlungbo Babilon chingnü nahde hanlodarübah,” tümüde arünü nüsa ki akeangyu müchitchoh.

JEREMIA 28:3

Kam mahne dükeaknü Babilon kiulongthsüpuh Nebukednezarnü ha dangpung chingnü Babilon ching lude ayükhi Atungpuh yam ching yo phühlungbo alala ha dangpung ching hanlodarübah.

JEREMIA 37:1

Josia tsührü Zedekia, Babilon kiulongthsüpuh Nebukednezarnü Juda lomi ching kiulongthsürü thsüshihbuhnü Jehoiakim tsührü Konia müthri kiulongthsü.

EZEKIEL 1:2

Ju khinu nimung phüngü nipü (ha kiulongthsüpuh Jehoiakin ramtsokhi kam phüngüpü lakheah),

EZEKIEL 17:12

Ha azhih yamkhün ki thaang, Ha amütsan nünü mümükheah de? Arü ki thaang: Babilon kiulongthsüpuh Jirusalem lim yü tüsho kiulongthsürübo tüsho atorübo api lung Babilon lim belobah arü.

EZEKIEL 17:6

tüsho ju chinkhit tüsho nimde achinkhi kurungaso kam. Akhahbo amüngüh abin, tüshe ayingbo alung ching la. Junangde kurungaso khülang kam tüsho adübitbo chin tüsho ayü niuniude akhiuk.

DANIEL 5:2

Belshazzarnü yukhu yungakede alachoki, abuh Nebukednezarnü Jirusalem ching arüngyam chingnü ayihkhitkhi suna tüsho shotoyinchi pungphurubo lude azahpü thiyukhüm jih, junangde kiulongthsüpuh, api putungrü, aniubebo, tüsho hanniubebonü jurü chingnü ayungpü lakheah.

DANIEL 5:23

Nünü yinmi Thrünpuh azhihde nihbuh zangrü shuhkihdo! Api arüngyam pungphurubo nü miki lude azah, tüsho nü putungrübo, nü niubebo tüsho nü hanniubebonü jurü chingnü yukhu yung. Nünü shotoyinchi tüsho suna, müwayinchi, yinchi, sang, tüsho lung thrünpuhbo, küpünü müngü yungsho muso yungsho mümükheahnü ju shijih; tüshe Thrünpuh shepü khah ching nü rhangdung la, tüsho shepü kilim nü limro alala lanü, nünü wüntre müjih.

HABAKKUK 1:10

Arünü kiulongthsürübo ki münejihchoh tüsho yakzanshuhrübo ki keangrümünechoh. Arünü chipi aban kheak kheah-a münejihchoh, tüsho ju lupü alo wumujungchoh.