2 KIUTHSÜYUKHEAN 35:6 - AMÜSÜH HÜM CL Bible (BSI)

⁶ Phungho-thünio namfimihnunu laksahang, nüsa tsangkhitang, tüsho Mosa hode ajihkhi Atungpuh yu yande, nü keoniorü thsung thsüde tsanglungang.”

2 KIUTHSÜYUKHEAN 35:6 Iomraidhean Croise

THRÜNTAN 35:2

Jakobnü api yamkhün tüsho api lung larü alala ki tha, “Nüsa bolung lakhi khiungkerü thrünpuhbo bahbah nüsa tsangkhitang, tüsho nüsa khimmihbo müthriang.

1 KIUTHSÜYUKHEAN 15:12

Apinü arü ki tha, “Nüsa Levirü yamkhünbo ching akubo ah; nüsa le nüsa buhtsührübo tsangkhitang, junangde nüsanü Israel Thrünpuh, Atungpuh sangdan lubah inü athsakhamkhi ching atubah.

2 KIUTHSÜYUKHEAN 29:15

Arünü arü keoniorü bemukhungbah arübo tsangkhit, tüsho Atungpuh yubo yande, kiulongthsüpuh yukhüm anide A TUN GPU H yam müsühkhitpü yüzah.

2 KIUTHSÜYUKHEAN 29:34

Tüshe amükeamrübo khide nük tüsho taka kingaünpü alala aküp mülükhamkhukde alakheah, jumonü amükeamrübonü nihbuh zangrü mümüsühkhityi khiungde arü buhtsührü Levirübonü rhimo mübanyi khiungde rung, tümüde nihbuh zangrü müsühkhitpü ching amükeamrü kheaknü Levirübo alü mulong amüsüh lakheah.

2 KIUTHSÜYUKHEAN 29:5

Apinü arü ki tha, “I ki aniang, Levirübo! Nüsabo tsangkhitang, tüsho nüsa jipürü Thrünpuh, Atungpuh yam tsangkhitang, tüsho amünean ju amüsüh dangpung chingnü yihkhitang.

2 KIUTHSÜYUKHEAN 30:3

Tümütüsho arünü kim dükdü ching mümungkhuk, tümüde amükeamrübonü arübo suhdahde mütsangkhit, yungsho mihtsürübo Jirusalem ching mümukhung.

2 KIUTHSÜYUKHEAN 35:1

Josianü Jirusalem ching phungho-thünio mung; arünü akhuhbe khinu nimung thürükheak phüyi nipü phungho-thünio namfimihnunu laksah.

2 KIUTHSÜYUKHEAN 35:11

Arünü phungho-thünio namfimihnunubo ju laksahbah Levirünü aküp lü, tüsho amükeamrübonü athiyih rhaka bah.

2 KIUTHSÜYUKHEAN 35:7

Judüki Josianü phungho-thünio ching kingaünpü thsüde mihtsürü alala kilim, namfimihnunu tüsho mihnu bolungnü anunu 30,000, tüsho moshi 3000 jih; harü ha kiulongthsüpuh alakukruk chingnü alakheah.

2 KIUTHSÜYUKHEAN 5:11

Kheakü küyimki amükeamrübo amüsüh dangpung chingnü akhiukkhea (tümüde amükeamrübo ju ching larü alalanü arü chamnakkhi mülümde müsühkhit,

JOB HU H T ANYU 1:5

Tüsho küyimki aniojikhi nimungbo tankihkhea, Jobnü arübo jibah müsühkhit, tüsho apinü yapsu mükikde asürübah arü khekhi yande taka kingaünkhi jih; tümüde Jobnü tha, “ Khükia I tsührübonü neak yihbeaka labah, tüsho arü mulong ching Thrünpuh athrua labah.” Hanangde Job nü kamruhroro rhimo.

MUNGSHIKHÜN 51:7

Monamnü I müsühjang, tüsho I müsühde akambah; I müsühjang, tüsho I phürüm kheaknü amüyebe labah.

ABEKHIT 12:6

Nüsanü haju khinu thürükheak phüyi ni khiungde zoang. Jushu Israel amukhungrü alalanü shuhyini lachoki ju laksahbah.

ABEKHIT 19:10

Judüki Atungpuhnü Mosa ki tha, “ Mihtsürübo kilim yüang tüsho khihni le shido arü tsangkhitang, tüsho arü khimmih müsühshang.

ABEKHIT 19:15

Tüsho apinü mihtsürübo ki tha, “Asam nipü thsungkheak thsakhamang; niuberü thüninde düyü.”

JOEL 2:16

mihtsürübo bemukhungang, amukhungrü müsühkhitang; ashinbuhrübo bemukhungang; azürübo bemukhungang, niuh yungrü khungarübo she. Niuberü lubuhnü nihbuh khiungshak bahkhishang, tüsho arhangberünü nihbe khiungshak bahkhishang.