2 KIUTHSÜYUKHEAN 35:3 - AMÜSÜH HÜM CL Bible (BSI)

³ Apinü Israel alala thsangyurü tüsho Atungpuh kilim müsühde alarü Levirü ki tha, “Amüsüh sangdan ju Israel kiulongthsüpuh David tsührü Solomonnü athsükhi yam ching yuka zoang; kheaküa nüsa dubuh kheak hanpü yihnüpü müla. Kheakü Atungpuh nüsa Thrünpuh tüsho api mihtsürü Israel tankihang.

2 KIUTHSÜYUKHEAN 35:3 Iomraidhean Croise

1 KIUTHSÜYUKHEAN 23:26

Jumonü Levirünü kheaküa arüngkhimyam yungsho amukhung ching ahorikhi kukrukbo mushuhdebah.”

2 KIUTHSÜYUKHEAN 17:7

Api kiulongthsü kam asampü ching Juda kiutobo ching thsangyushihpü api torübo, Ben-hail, Obadia, Zekaria, Nethanel, tüsho Mikaia yüshih.

2 KIUTHSÜYUKHEAN 30:22

Hezekianü Atungpuh tankihkhi ju anikhitkhi atsü huhrü Levirü alala ki mulong toshihde asuk. Jumonü mihtsürübonü Atungpuh arü jipürü Thrünpuh kilim mungtsü kingaün tüsho makshe jihde nimung thüne thünio jimpung tsüh.

2 KIUTHSÜYUKHEAN 34:14

Küyimki arünü Atungpuh yam ching hande arükhi sho lude wukhiukkhea, Mosa hode ajihkhi Atungpuh yakzan amükeambuh Hilkianü ngü.

2 KIUTHSÜYUKHEAN 5:7

Jushu amükeamrübonü Atungpuh tangzüng sangdan ju azopung thüyam ching alungbe arüngakopung, Khide Amüsüh Dangpung, cherubim ghidükeangbo khüp lude yüzah.

2 KIUTHSÜYUKHEAN 8:11

Solomonnü Pharao tsührübe David kiuto chingnü apinü alibe thsungkheak thsükhi thüyam ching bede arü, tümüde apinü tha, “I niube a Israel kiulongthsüpuh David yam ching müla, tümüde Atungpuh sangdan arükhi dangpungbo amüsüh lah.”

ABEKHIT 32:29

Tüsho Mosanü tha, “Khihni nüsanü nüsa tsührübo tüsho keoniorübo laksahkhinü Atungpuh tankihpü ching amükeamrü thsüpü müsühkhit, jumonü Atungpuhnü api müngühmühi nüsa kilim jihdo.”

MALAKI 2:7

Tümüde amükeamrü münküpbonü mükheahmudu aheangbah, tüsho mihtsürübonü api mün chingnü yakzan yimbeah, tümüde api Wuto Atungpuh yunithsürü ah.

WÜHKHE 8:19

Tüsho inü Levirübo ju Aron le atsührübo kilim Israel mihtsürü bolungnü thsambah nangde jih, junangde arübonü Israelrü mihtsürü thsungkheak ashorupung khimyam ching rhimobah, tüsho Israelrü mihtsürü thsungkheak dünthsükhibah, jude athsükhinü Israel tsührübo arüngyam phünide arüchoki arü kheak arüm müyükih.

2 KORINT 4:5

Tümüde isa küdah yung, tüshe Jisu Khrista ju Atungpuh tüsho Jisu dünkheaknü isabo ju nüsa tankihrübo de thsangyuthsangrachoh.

YUZÜNGTHALO 33:10

Arünü Jakob ki nü yuzüngbo tüsho Israel ki nü yakzan thsangyubah; arünü nü miki arhümthüneabe yukbah, tüsho nü kingaün sadam kheak taka kingaünbah.