2 KIUTHSÜYUKHEAN 35:25 - AMÜSÜH HÜM CL Bible (BSI)

²⁵ Jeremianü she Josia thsungkheak tüzhokhi thrüt, tüsho khün thsürü athrürü tüsho aliberübonü arü tüzhokhi ching khihni khiungde thsüchoh. Arünü harü Israel ching jipü-yakli khülang kamshih; jurübo atüzhokhi ching thrütyuka lah.

2 KIUTHSÜYUKHEAN 35:25 Iomraidhean Croise

2 SAMUEL 1:17

Davidnü Saul tüsho atsührü Jonathan tüzhode khün thsüpü tankih.

2 SAMUEL 3:33

Kiulongthsüpuhnü Abner dünkheak tüzhode khün thsü, “Amülimrü shekhi nangde Abner sheba de?

2 KIUTHSÜYUKHEAN 35:26

Kheakü aningkhi Josia rhimobo Atungpuh yakzan ching thrütkhi yande apinü thülünde arhimokhibo,

EZRA 2:65

kheaküshe athrürü tüsho aliberü yamlarübo 7337, khün thsürü athrürü tüsho aliberü 200,

JOB HU H T ANYU 3:8

Keto athrurübo, sherünü Leviathan asürüshihkhukchonü athrushang.

T H S AN GYU T H S AN GR ARÜ 12:5

küyimki dukhu achangbo trede akamba, tüsho limro ching atrebe laba; almond sangbo pungbah, sangyü-tangkhobo madukathride akambah tüsho akünkhi mülade akambah; tümütüsho alala arü akheahmünchi yam ching yübah, tüsho mitriprübo kiudunglimrobo ching yübah;

JEREMIA 1:1

Benjamin lomi Anathoth ching lakhi amükeamrü bolung Hilkia tsührü Jeremia yubo,

JEREMIA 22:10

Shepü shea lanü api thsungkheak dütrip, yungsho api thsungkheak dütüzho; tüshe shepü tsoabahchonü api thsungkheak tripang, tümüde anihbuh asürü-lomi kheahpü api malodarü.

JEREMIA 22:20

Lebanon lim wutuang, tüsho zhiang, tüsho Bashan ching nü düsheak shuhkihang; Abarim chingnü zhiang, tümüde nü muzhorü alala zünaka lah.

TÜZHOKHI 4:20

Atungpuhnü mujude-mokhitkhi, isa rhangdung sheak arü alokhünbo ching hande yü– shepü dünkheak isanü tha, “Api alamme khüpnü trükshih bolung isa labah.”

EZEKIEL 32:16

Ha tüzhokhi lah; ha khün thsübah. Trükshih liberübonü ha khün thsübah. Ijip tüsho mihbo alala kurungkheak arünü athsübah, Atungpuh Thrünpuhnü thachoh.

AMOS 5:16

Jumonü Atungpuh , Wuto Thrünpuhnü ha thachoh: Kiudunglimrobo alala ching atüzhokhi labah; tüsho limtobo alala ching arünü athabah: “Ayokhe! ayokhe!” Arünü thulu thsürübo ki atüzhopü tüsho atüzhosorü ki mitrippü jibah;

MATHI 9:23

Küyimki Jisu ju atorü yam ching yüzahbah khungpi khungrü tüsho mitripde alanajikhi ngükhea,

MAHKHAPRÜ 11:39

Khinu mahne dunglim alibenü abuh kilim alode arü, tüsho apinü thiyuchihchimkhi yande alibe sheshih. Alibe ju atsangkhitkhi lakheah. Tüsho ha Israel ching yakli khülang kam,

MAHKHAPRÜ 11:40

junangde Israel tsührü aliberübonü Gileadrü Jephtha tsührübe dünkheak tüzhopü kam aban nimung phüyi yüde alakheah.