2 KIUTHSÜYUKHEAN 35:22 - AMÜSÜH HÜM CL Bible (BSI)

²² Tüshe Josianü api kheaknü rholode mutso tüshe api bede keochihpü anihbuh jak müthria lu. Apinü Thrünpuh yukhüm Neko yubo mani, tüshe Megiddo dükhün ching thirithsüpü arü.

2 KIUTHSÜYUKHEAN 35:22 Iomraidhean Croise

1 KIULONG THSÜRÜ 14:2

Jeroboamnü aniube ki tha, “Yüang, nü jak müthriang, junangde arünü nü Jeroboam niube ah de mümükheah, tüsho Shilo ching yüang; tümütüsho I ha mihtsürü kurungkheak kiulongthsürü thsübah de athabuh wukihrü Ahija ju ching lah.

1 KIULONG THSÜRÜ 22:30

Israel kiulongthsüpuhnü Jehoshaphat ki tha, “Inü I jak müthribah keochihpung yübah, tüshe nü a shulünkhim phuyuang.” Jumonü Israel kiulongthsüpuhnü ajak müthri tüsho keochihpung yü.

1 KIULONG THSÜRÜ 22:34

Tüshe mihtsürü khürünü nihbuh sanglüh hünkih tüsho mümükheahshihde Israel kiulongthsüpuh zülu le treangkhümbe dükeak kipyukjih; jumonü apinü anihbuh khoralolungbe bebuh ki tha, “Mükamloang tüsho I keochihpung chingnü bekhitang, tümüde I yurido.”

2 KIULONG THSÜRÜ 23:30

Api yamlarübonü khora-lolungbe ching shea hanbah Megiddo chingnü Jirusalem ching arü, tüsho mibahpung ching kiuyukabah. Lomi mihtsürübonü Josia tsührü Jehoahaz lubah mujude-mokhit, tüsho abuh müthri api kiulongthsürü kamshih.

2 KIULONG THSÜRÜ 9:27

Küyimki Juda kiulongthsüpuh Ahazianü ha ngükhea, apinü Beth-haggan lim alihde tso. Jehunü api müshamde tha, “Api she kipang!” Tüsho arünü api Ibleam ching, Gur wutu lim khora-lolungbe chingnü kip. Jushu api Megiddo lim alihde yü tüsho ju ching sheabah.

2 KIUTHSÜYUKHEAN 18:29

Israel kiulongthsüpuhnü Jehoshaphat ki tha, “Inü I jak müthribah tüsho keochih ching yübah, tüshe nü a nü yo shulünkhimbo phuyuang.” Jumonü Israel kiulongthsüpuh ajak müthri, tüsho arü keochih ching yü.

2 KIUTHSÜYUKHEAN 35:21

Tüshe Nekonü api kilim yunithsürü yüshihde tha, “Juda kiulongthsüpuh, nü kheak inü tümü thsüpü? Khihni nü azhihde I arükhi yung, tüshe thirithsü ching lakhi guk azhihde ah; tüsho niokheampü Thrünpuhnü I ki thiyukhüm jihkheah, I lung lakhi Thrünpuh azhihpü tukloang, jude yungsho apinü nü thsümünimbah.”

2 KIUTHSÜYUKHEAN 35:23

Hühzo kiprünü kiulongthsüpuh Josia kip; tüsho kiulongthsüpuhnü api yamlarübo ki tha, “I lubah tsoang, tümüde I khitode yurido.”

JEREMIA 22:15

Cedarnü thüyambo thsümonü nü kiulongthsürü kamshihcho de? Nü buhnü atsühkhi tüsho ayungkhi yung de tüsho thiyuro tüsho thiyuro-lungki mürhimokhea de? Junangde api kheak alala tsüde alakheah.

ZEKARIA 12:11

Ju nimung Jirusalem ching tüzhokhi ju Megiddo dükhün ching Hadad-rimmon thsungkheak tüzhokhi ruk tode alabah.

JIHUSUA 17:11

Issakar tüsho Asher ching Manase yo ju Beth-shan tüsho ju kiulongbo, Ibleam tüsho ju kiulongbo, Dor ching larü tüsho ju kiulongbo, awung lomi mahsam–Endor ching larü tüsho ju kiulongbo, Taanak ching larü tüsho ju kiulongbo, tüsho Megiddo ching larü tüsho ju kiulongbo.

JIHUSUA 9:14

Jumonü limberübonü tsühyungpü khürü arü kheaknü leangkhi, tüshe ju dünkheak Atungpuh ki mükeokhi.

AMIKHEAKAKHIUKKHI 16:16

Tüsho arünü Ibri yu ching Armageddon de ajikhi dangpung ching arübo bemukhung.

MAHKHAPRÜ 5:19

Kiulongthsürübo arübah keochih; Kanan kiulongthsürübonü Megiddo keyean Taanak ching keochih tüshe arünü ayankhikhi kukruk, shotoyinchi tümü mulu.

1 SAMUEL 28:8

Jumonü Saulnü aphü müthriabahbah khimmih püpü yuk tüsho api lung mihtsürü mahne bebah ju ching yü. Arünü azhing ching alibe kilim arü. Tüsho apinü tha, “I thsungkheaknü me ki keoang, tüsho inü nü ki thakhi mung I thsungkheaknü bebah atung.”