2 KIUTHSÜYUKHEAN 35:21 - AMÜSÜH HÜM CL Bible (BSI)

²¹ Tüshe Nekonü api kilim yunithsürü yüshihde tha, “Juda kiulongthsüpuh, nü kheak inü tümü thsüpü? Khihni nü azhihde I arükhi yung, tüshe thirithsü ching lakhi guk azhihde ah; tüsho niokheampü Thrünpuhnü I ki thiyukhüm jihkheah, I lung lakhi Thrünpuh azhihpü tukloang, jude yungsho apinü nü thsümünimbah.”

2 KIUTHSÜYUKHEAN 35:21 Iomraidhean Croise

2 SAMUEL 16:10

Tüshe kiulongthsüpuhnü tha, “Nü Zeruia tsührü inü nü kheak tümü thsüpü? David athruang de Atungpuhnü api ki thamonü athruchosho, tümüde nünü ha rhimokhea? de shepünü athapü.”

2 KIULONG THSÜRÜ 18:25

Kheaküshe, inü Atungpuh mübede ha dangpung azhihde atubah ju thsümünimkhea de? Atungpuhnü I ki tha, Ha lomi azhihde wutuang tüsho ju thsümünimang.”

2 KIUTHSÜYUKHEAN 25:19

Nünü thachoh, ‘ Kheahang, inü Edom kukdo,’ tüsho nünü kükheangdo. Kheakü thüyam ching binang; nü tüsho nü lung Juda keampü thsüde tümü thsüpü nünü küpkhukpü asahcho?”

2 KIUTHSÜYUKHEAN 35:22

Tüshe Josianü api kheaknü rholode mutso tüshe api bede keochihpü anihbuh jak müthria lu. Apinü Thrünpuh yukhüm Neko yubo mani, tüshe Megiddo dükhün ching thirithsüpü arü.

ISAIA 36:10

Kheaküshe, inü Atungpuh mübede ha lomi thsümünimpü atukhea de? Atungpuhnü I ki tha, Ha lomi azhihde wutuang, tüsho thsümünimang.”

MATHI 8:29

Anenü zhide tha, “Thrünpuh tsührü, nünü isa kheak tümü rhimonela? Akhukhi kim mukhiungyide isa thsümüchipü nü ha ching arükhea shi?”

JOHAN 2:4

Jisunü alibe ki tha, “Aliberü, nünü I ki tümü thsüpü? I kim marüyi.”