2 KIUTHSÜYUKHEAN 34:8 - AMÜSÜH HÜM CL Bible (BSI)

⁸ Api kiulongthsü kam thürükheak tizheahpü ching, küyimki apinü alo tüsho arüngyam müsühkhitkhea, apinü anihbuh Thrünpuh, Atungpuh yam thsülopü, Azalia tsührü Shaphan, kiuto kovünor Maaseia, tüsho Joahaz tsührü athrütyukbuh Joa yüshih.

2 KIUTHSÜYUKHEAN 34:8 Iomraidhean Croise

2 SAMUEL 20:24

Adoniram ju rhimo amüküp ching abebuh lakheah; Ahilud tsührü Jehoshaphat athrütyukrü lakheah;

2 SAMUEL 8:16

Zeruia tsührü Joab ju bonungrü kurungkheak limthorü lakheah; Ahilud tsührü Jehoshaphat athrütyukrü lakheah;

1 KIUTHSÜYUKHEAN 18:15

Zeruia tsührü Joab ju bonungrü kurungkheak lakheah; Ahilud tsührü Jehoshaphat athrütyukrü lakheah;

2 KIUTHSÜYUKHEAN 18:25

Judüki Israel kiulongthsüpuhnü thiyukhüm jih, “Mikaia bea lung, tüsho kiuto yo kovünor Amon tüsho kiulongthsüpuh tsührü Joash kilim belobah yüang;

2 KIUTHSÜYUKHEAN 24:12

Kiulongthsüpuh tüsho Jehoiadanü ju Atungpuh yam rhimo putungrü kilim jih, tüsho arünü Atungpuh yam thsülopü lungzünrü, sangrhimosorü, tüsho yinchi le sunalung rhimorü mulo.

2 KIUTHSÜYUKHEAN 24:5

Apinü amükeamrübo le Levirübo bemukhung tüsho arü ki tha, “Juda kiutobo ching wukhiukang tüsho kam abande nüsa Thrünpuh yam thsülopü Israel alala kheaknü sho thremukhungang; tüsho nüsanü niokheamde rhimoang.” Tüshe Levirünü niokheamde mürhimo.

JEREMIA 21:1

Ha Atungpuh yu kiulongthsüpuh Zedekianü Malkia tsührü Pashhur tüsho Maaseia tsührü amükeambuh Zephania api kilim yüshihchoki Jeremia kilim arü. Arünü tha:

JEREMIA 25:3

Amon tsührü Juda kiulongthsüpuh Josia kiulongthsükhi kam thürükheak mahsampü chingnü khihni khiungde, kam mukukheak mahsam, Atungpuh yu I kilim arü, tüsho inü nüsa ki alochode asukdo, tüshe nüsanü mani.

JEREMIA 26:24

Tüshe Shaphan tsührü Ahikam khah Jeremia kheak lakheah, junangde api sheshihpü mihtsürübo khah ching muyukjih.

JEREMIA 29:21

Wuto Atungpuh , Israel Thrünpuhnü I mung chingnü nüsa ki akeangyu müchitrü, Kolaia tsührü Ahab tüsho Maaseia tsührü Zedekia dünkheak ha thachoh: Inü arübo Babilon kiulongthsüpuh Nebukednezar khah ching jihpü thsüchoh, tüsho apinü arübo nüsa mük kinü alaksahbah.

JEREMIA 29:25

Wuto Atungpuh , Israel Thrünpuhnü ha thachoh: Nü mung chingnü Jirusalem ching lakhi mihtsürü alala kilim, Maaseia tsührü amükeambuh Zephania tüsho amükeamrü alala ki kihüm mühahde tha:

JEREMIA 29:3

Kihüm ju kiulongthsüpuh Zedekianü Babilon kiulongthsüpuh Nebukednezar kilim yüshihkhi Shaphan tsührü Elasa tüsho Hilkia tsührü Gemaria khah hode mühah.

JEREMIA 36:10

Judüki Baruknü Atungpuh yam ching yüzahpung chipiripit aso kheak achangbe yamkhuh ching, Shaphan tsührü athrütbuh Gemaria khiungshak chingnü, Atungpuh yam ching mihtsürü alalanü sode küpqiu chingnü Jeremia yubo khe.

JEREMIA 39:14

aheangrü mahkhappung chingnü Jeremia bekhita lu. Arünü api ju anihbuh yam lim bede ayüshihpü thsüde Shaphan tsührü Ahikam tsührü Gedalia kilim jih. Junangde api nihbuh mihtsürü bolung lakheah.

JEREMIA 40:11

Junangde, küyimki Babilon kiulongthsüpuhnü Juda ching aninga lashihkhi tüsho arü kurungkheak Shaphan tsührü Ahikam tsührü Gedalia kovünor mokhitkhi Moab ching, Amonrü lung, Edom ching tüsho püpü lomibo ching larü Jihudarübo alalanü asokhea,

EZEKIEL 8:11

Jurü mikhuh ching Israel yamkhün azothsürübo 70 zhip tüsho Shaphan tsührü Jaazania arü bolung zhipde alakheah. Mihbüm aban khah ching mophüh lakheah, tüsho rhümthünea mokhüh liukihde alakheah.