2 KIUTHSÜYUKHEAN 34:31 - AMÜSÜH HÜM CL Bible (BSI)

³¹ Kiulongthsüpuhnü anihbuh dangpung ching zhip tüsho Atungpuh yanpü, api yukhümbo, yakzanbo, yakzan thsükhibo api mulong athrünkhinü, api me athrünkhinü ayanpü ha hüm ching thrütkhi tangzüng yubo rhimopü Atungpuh miki tangzüng khülang thsü.

2 KIUTHSÜYUKHEAN 34:31 Iomraidhean Croise

2 KIULONG THSÜRÜ 11:14

küyimki alibenü akheahkhea, jipü-yakli yande, kiulongthsüpuh lung wühkenorübo, kiulongthsüpuh rheang ki hulipungpung khungrübo, tüsho mihtsürü alala asühachihde tüsho hulipungpung khungde dungjing ki zhipde ngü. Athalianü anihbe khim thorüp tüsho zhi, “Amülim! Amülim!”

2 KIULONG THSÜRÜ 11:17

Jehoiadanü Atungpuh tüsho kiulongthsüpuh le mihtsürü dükeak tangzüng thsü, junangde arübo Atungpuh mihtsürü thsübah; kiulongthsüpuh tüsho mihtsürübo dükeak she thsü.

2 KIULONG THSÜRÜ 11:4

Tüshe kam thünepü ching Jehoiadanü yüshih tüsho chibo kurung wühkenorübo, mih-aheangrü tüsho lim-aheangrübo Atungpuh yam ching api ki bebah arü. Apinü arü kheak tangzüng thsü tüsho Atungpuh yam ching thiyuchihchimkhi bukkhüp arübo zo; jushu apinü arü ki kiulongthsüpuh tsührü huh.

2 KIULONG THSÜRÜ 23:3

Kiulongthsüpuhnü dungjing ki zhip tüsho api yukhümbo, yakzanbo, thiyuzüngbo ha hüm ching thrüta lakhi tangzüngkhi yubo rhimode Atungpuh yanpü api miki tangzüng khülang thsü. Mihtsürü alalanü tangzüngkhi ching arihde yan.

2 KIUTHSÜYUKHEAN 15:12

Arünü arü mulong athrünkhinü tüsho arü me athrünkhinü Atungpuh , arü jipürü Thrünpuh yimpü tangzüng khülang ching yüzah.

2 KIUTHSÜYUKHEAN 15:15

Juda alalanü thiyuchihchimkhi ching asühachih; tümüde arü mulong athrünkhinü thiyuchihchim, tüsho arü me alalanü api yim, tüsho arünü api ngü, tüsho Atungpuhnü alala mükamde arü kilim sühakhim jih.

2 KIUTHSÜYUKHEAN 23:16

Jehoiadanü api le mihtsürü alala tüsho kiulongthsüpuh dükeak arübo Atungpuh mihtsürü thsüpü tangzüng khülang thsü.

2 KIUTHSÜYUKHEAN 29:10

Kheakü ha Atungpuh , Israel Thrünpuh kheak tangzüng khülang thsüpü inü mulonglah, junangde api bukakhiukkhi amüshak isa kheaknü rholode atsobah.

2 KIUTHSÜYUKHEAN 30:16

Thrünpuh mihtsürü Mosa yakzan yande arünü nihbuh zhippung müküh-a lu; Levirübo khah chingnü aleangkhikhi thiyih ju amükeamrübonü takabah.

2 KIUTHSÜYUKHEAN 31:21

Apinü Thrünpuh yam ching tankih rhimo aban tüsho api Thrünpuh yimpü yakzan tüsho thiyukhümbo yankhi ching, apinü mulong alalanü rhimo; tüsho apinü akuk ngü.

2 KIUTHSÜYUKHEAN 34:32

Jushu apinü Jirusalem tüsho Benjamin ching larü alala ki ju kheak thiyuchihchim lushih. Tüsho Jirusalem ching larünü arü jipürü Thrünpuh yo tangzüng yande rhimo.

2 KIUTHSÜYUKHEAN 6:13

Solomonnü müwayinchi thsangyupung sadam ashanglim khahnap 5, atolim khahnap 5, tüsho achanglim khahnap 3nü thsü tüsho ju sadam kheak zo; tüsho ju kheak api zhip. Jushu apinü Israel amukhungrü athrünkhi miki amukhuknü khukning, tüsho api khahbo thüning lim chungkih.

EZRA 10:3

Jumonü I putungpuh ki lümlung-jihrü tüsho isa Thrünpuh yukhüm trede anirübonü ahuhkhi yande, isanü harü berü le arü tsührübo yana tsoshihpü isa Thrünpuh ki tangzünganü; tüsho ju yakzan yande rhimoshang.

NEHEMIA 10:29

keoniorü tüsho anikhitrü lung nungde muthrumünean thsüde thiyuchihchim, junangde api yamlarü Mosa hode Thrünpuhnü ajihkhi Thrünpuh yakzan yande alabah, isanü Atungpuh , isa Thrünpuh yakzan anibah; tüsho isanü api yakzannü alunekhi yande arhimobah.

NEHEMIA 10:30

Isa lo ching larü khiungkerü kheak isanü müyihluachih.

NEHEMIA 9:38

Harübo dünjikhi hode, isa Israelrünü düküngde tangzüng, tüsho thrüt tüsho limberübo, Levirübo tüsho amükeamrübonü arü mütsan yümkih.

MUNGSHIKHÜN 119:106

Inü nü thiyuro-lungki mahkhapbo zopü thiyuchihchimdo tüsho adüngakhi thsüdo.

MUNGSHIKHÜN 31:24

Nüsa Atungpuh kheak mulonglamrü alala, sühmüh düküngang, mulong toang.

JEREMIA 50:5

Arünü Zion limro keokhibah, tüsho ju lim arü miro anguhbah tüsho arünü küyimkishe mümihbe akheam müla tangzüng hode A TU N GPU H kilim arübah tüsho arihbah.

EZEKIEL 46:2

Kiulongthsüpuhnü mükü limro ching aleanglimnü yüzahbah, tüsho ripit dung ki api zhipbah. Amükeamrübonü api yo taka kingaünkhi, mungtsü kingaün jihbah, tüsho apinü düküyukpung kheak khukningbah. Jushu api wukhiukbah, tüshe ripit ju arelim khiungde mürih.

YUZÜNGTHALO 13:4

Nüsanü Atungpuh nüsa Thrünpuh dunglim tsahang tüsho api wüntreang, tüsho api yukhüm yande api düsheak aniang, tüsho nüsanü api tankihde api kheak düngdüng ramrihang.

YUZÜNGTHALO 13:5

Tüshe wukihrü yungsho milim müchitrü ju asheshihbah, tümütüsho apinü Atungpuh nüsa Thrünpuh shepünü nüsa Ijip chingnü bekhit tüsho azhorü yamkhün chingnü rhokhitkhea, apinü thiyukhüm jihkhi limro chingnü tüsho api kheaknü chamkhide atsoshihpü nüsa ki thado. Junangde nüsanü amütsü rhimo nüsa bolungnü yihkhita bahang.

YUZÜNGTHALO 29:1

Harübo ha apinü arü kheak Horeb ching tangzüngkhi lung ajakde Israel mihtsürübo ki Moab ching thiyukhüm jihshihpü Atungpuhnü Mosa ki tangzüngkhi jihkhibo ah.

YUZÜNGTHALO 6:5

Nü mulong athrünkhinü, nü me athrünkhinü, tüsho nü sühmüh athrünkhinü Atungpuh nü Thrünpuh muzhoang.

JIHUSUA 24:25

Jumonü Jihusuanü mihtsürübo thsungkheak ju nimung tangzüng thsakham, tüsho Shekem ching arü thsungkheak yakzan tüsho thiyuzüngbo thsüjih.