2 KIUTHSÜYUKHEAN 34:30 - AMÜSÜH HÜM CL Bible (BSI)

³⁰ Kiulongthsüpuhnü Juda mihtsürü, Jirusalem ching larü, amükeamrü tüsho Levirü, mihtsürü alala ato tüsho anini chido bebah Atungpuh yam ching wutu; Atungpuh yam chingnü angükhi tangzüng hüm yubo alala arünü sode apinü khe.

2 KIUTHSÜYUKHEAN 34:30 Iomraidhean Croise

2 KIULONG THSÜRÜ 23:2

Kiulongthsüpuhnü Atungpuh yam ching wutu, tüsho Juda mihtsürü alala, Jirusalem ching larü alala, amükeamrübo, wukihrübo, tüsho mihtsürü alala, aninirü tüsho atorü api lung yü; Atungpuh yam chingnü angükhi tangzüng hüm yubo alala arünü sode apinü khe.

2 KIULONG THSÜRÜ 23:21

Kiulongthsüpuhnü mihtsürü alala ki thiyukhüm jih, “Ha tangzüng hüm ching thaa lakhi nangde Atungpuh nü Thrünpuh kilim phungho-thünio mungang.”

2 KIUTHSÜYUKHEAN 18:30

Kheakü Siria kiulongthsüpuhnü api yo khora-lolungbe wühkenorübo ki thiyukhüm jih, “Anini yungsho atoto she kheak dükeochih, tüshe Israel kiulongthsüpuh kheak lang.”

2 KIUTHSÜYUKHEAN 34:15

Hilkianü athrütbuh Shaphan ki tha, “Inü Atungpuh yam ching yakzan hüm ngüdo;” tüsho Hilkianü hüm ju Shaphan kilim jih.

2 KIUTHSÜYUKHEAN 34:24

Atungpuhnü ha thachoh: Juda kiulongthsüpuh miki khekhi hüm ching thrütkhi muthrumünean alala inü ha dangpung tüsho ju ching larü kheak thsümütsü hande arübah.

2 KIUTHSÜYUKHEAN 34:31

Kiulongthsüpuhnü anihbuh dangpung ching zhip tüsho Atungpuh yanpü, api yukhümbo, yakzanbo, yakzan thsükhibo api mulong athrünkhinü, api me athrünkhinü ayanpü ha hüm ching thrütkhi tangzüng yubo rhimopü Atungpuh miki tangzüng khülang thsü.

JOB HU H T ANYU 3:19

Anini tüsho ato ju ching lah; tüsho azhorübo arü putungrü kheaknü zuzu lah.

ABEKHIT 24:7

Judüki apinü tangzüng hüm lu tüsho mihtsürübonü sode khe. Tüsho arünü tha, “Atungpuhnü athakhi alala isanü arhimobah tüsho anibah.”

T H S AN GYU T H S AN GR ARÜ 1:12

I, Thsangyuthsangrarü, Israel kurungkheak Jirusalem ching kiulongthsürü lachoki,

EZEKIEL 46:10

Küyimki arü azahbanü, kiulongthsüpuh ju arü lung azahbah; tüsho küyimki arü wukhiukbanü, api wukhiukbah.

YUZÜNGTHALO 1:17

Nüsanü mahkhapkhi ching jak dükheah; nüsanü aninirü tüsho atorü ane chido yu aniang; nüsanü mihtsürü sheshe dütre, tümüde mahkhapkhi ju Thrünpuh yo. Khide achakkhi mahmung ju I kilim lubah arang, tüsho inü ju anibah.