2 KIUTHSÜYUKHEAN 34:3 - AMÜSÜH HÜM CL Bible (BSI)

³ Tümüde kam tizheahpü ching api kiulongthsüchoki, api azürü nunu lachoki, apinü anihbuh jipürü David Thrünpuh yimpü tankih, tüsho kam thürükheak mahnepü ching apinü Juda tüsho Jirusalem achang dangpungbo Ashera sangthsübo, tüsho asümkhi le azünkhi sangthsübo thsümünimpü tankih.

2 KIUTHSÜYUKHEAN 34:3 Iomraidhean Croise

1 KIULONG THSÜRÜ 13:2

tüsho Atungpuh yu hode kingaün sadam azhihde zhiyuk, tüsho tha, “O kingaün sadam, kingaün sadam, Atungpuhnü ha thachoh; ‘ Tsührü khülang David guk ching zübebah, amung Josia; tüsho apinü nü kheak rhümthüneabe jihrübo awung achangbo amükeamrübo nü kheak laksah-a kingaünbah, tüsho mihtsürü robo nü kheaknü atakbah.’”

2 KIULONG THSÜRÜ 10:27

Jushu arünü Baal dungjing tüsho arüngyam thsümünim, tüsho khihni khiungde müsümülüpung thsülah.

2 KIULONG THSÜRÜ 18:4

Apinü achang dangpung lukde dungjingbo lukkheam, tüsho Ashera sangthsü kiukheam. Apinü Mosanü athsükhi müwayinchi phuruto adütre kamde yihnak, tümüde ju nimungbo khiungde Israel mihtsürübonü ju ki kingaünde alakheah; ju Nehushtan de ajikheah.

2 KIULONG THSÜRÜ 20:5

“Rholoang, tüsho I mihtsürü yakzanshuhbuh Hezekia ki thaang, Nü pü David Thrünpuh, Atungpuhnü ha thachoh: Inü nü tamkhüntamnükhi sodo, inü nü chike ngüdo; atsütsü, inü nü thsüngubah; nimung asam nipü nü Atungpuh yam ching wutubah.

2 KIULONG THSÜRÜ 23:14

Apinü dungjingbo adütre kamde yihthünak, Ashera sangthsübo kiushak, tüsho ju dangpungbo ching mihtsürü robonü danglo.

2 KIULONG THSÜRÜ 23:4

Kiulongthsüpuhnü Hilkia achangbe amükeambuh, api khin amükeamrübo, tüsho ripit neakrübo ki Baal, Ashera, tüsho chiningbo thsungkheak thsükhi kukrukbo alala Atungpuh arüngyam chingnü lude akhiukshihpü thiyukhüm jih; apinü jurübo Jirusalem aleanglim Kidron mükeak chingnü tak tüsho awahbo Bethel ching hande yü.

1 KIUTHSÜYUKHEAN 22:5

Kheakü Davidnü tha, “I tsührü Solomon azürü ah tüsho mürhimoakheah, tüsho Atungpuh thsungkheak thsüpü thüyam ju khide atsüdakbe, athukhi tüsho lomi alala ching müretahkhi labeah; inü ju thsungkheak tsanglungbah.” Jumonü Davidnü api müsheyide kukrukbo hihdakde tsanglunga zojih.

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

1 KIUTHSÜYUKHEAN 29:1

Kiulongthsüpuh Davidnü amukhungrü alala ki tha, “Thrünpuhnü amokhitkhi I tsührü Solomon athunu tüsho müyeanlamyi, tüshe rhimo tolah; tümüde arüngyam ha mihtsürü thsungkheak yung tüshe Atungpuh Thrünpuh thsungkheak ah.

2 KIUTHSÜYUKHEAN 14:6

Lomi sühakhimde alachoki kiutobo thsü. Ju nimungbo ching apinü thiri müthsü, tümüde Atungpuhnü api kilim mungtsü jih.

2 KIUTHSÜYUKHEAN 15:2

Apinü Asa shorupü wukhiuk, tüsho api ki tha, “I ki aniang, Asa, tüsho Juda alala tüsho Benjamin: Atungpuh nüsa lung lah, nüsa api lung lah. Nüsanü api yimsho, nüsanü api ngübah, tüshe nüsanü api bahyuksho, apinü nüsa bahyukbah.

2 KIUTHSÜYUKHEAN 30:14

Arünü wusu tüsho Jirusalem ching lakhi kingaün sadam alala luk, tüsho rhümthüneabe jihpung kingaün sadam alala arünü lude yünü Kidron ayung ching bah.

2 KIUTHSÜYUKHEAN 33:15

Apinü khiungkerü thrünpuhbo tüsho sangthsübo, Atungpuh yam chingnü yihkhita bah, tüsho apinü Atungpuh yam wung kheak le Jirusalem ching kingaün sadambo thsükhi alala lude tso, tüsho apinü jurü kiuto aleanglim jipa bah.

2 KIUTHSÜYUKHEAN 33:17

Judüalalashe mihtsürübonü achang dangpungbo kheak kingaün jih, tüshe Atungpuh arü Thrünpuh kilim lang alakheah.

2 KIUTHSÜYUKHEAN 33:22

Abuh Manasenü arhimokhi nangde, apinü Atungpuh miki amütsü rhimo. Abuh Manasenü athsükhi sangthsü alala kheak Amonnü kingaün, tüsho jurübo tankih.

2 KIUTHSÜYUKHEAN 34:33

Josianü Israel mihtsürübo yo lomi alala chingnü athraneanbebo lude tso, tüsho Israel ching larü alala ki Atungpuh arü Thrünpuh kingaünshih. Api nimungbo alala ching Atungpuh arü jipürü Thrünpuh yankhi chingnü rholode mutso.

MUNGSHIKHÜN 119:9

Küde thsah athunu mihtsürü khülangnü nihbuh limro müsühkhitkhukba? Nü yukhüm mihyuanikhi yande alabah.

MUNGSHIKHÜN 71:5

Tümüde nü I mulonglam ah, O Atungpuh T HRÜNPU H ; I athunuchokinü nü a inü akinkhi lah.

ABEKHIT 34:13

Arü kingaün sadam lukkheamjang, amüsüh dungjing kingkheamang, tüsho sangthsübo kiukheamang.

MÜCHITMUDU 20:11

Azürü khülang ju she anihbuh rükrirükko atsangkhit tüsho alungki lakhi api rhimonü mükheahchoh.

MÜCHITMUDU 8:17

Sherünü I muzhochonü inü muzhochoh, tüsho sherünü düshihde I yimchonü I ngübah.

T H S AN GYU T H S AN GR ARÜ 12:1

Nü athunu nimungbo ching nü Thrünrü lümkhitang, küpkhuk nimungbo marüyide, tüsho nünü hade athapü kambo müthüninyide, “ Inü jurü ching shih asühpü müla”;

LEVI 26:30

Achang dangpungbo kheak lakhi nüsa kingaün sadambo inü thsümünimjihbah, arhümthüneabe kingaün sadambo keamshihbah, tüsho nüsa ashemibo rhangdung mülakhi nüsa sangthsübo kheak jipkih-a bahbah; tüsho I menü nüsa thraneanbah.

MIKA 1:5

Ha alala Jakobnü alakmihkhi thsungkheaknü tüsho Israel yamkhün neakbo thsungkheaknü ah. Jakobnü alakmihkhi ju tümü a? Ha Samaria yung de? Tüsho achang dangpung tümü a? Ha Jirusalem yung de?

MATHI 6:33

Tüshe nünü akhuhde api kiulongthsü tüsho api thiyuro-lungki yimang, tüsho harü alala nü kilim jihbah.

2 TIMOTHI 3:15

tüsho nü azüchokinü Jisu Khrista kheak kinkhi hode akhümkhit lim bepü lümlung jihkhukpü amüsühyubo nünü mükheahlah de nünü lümkhitang.