2 KIUTHSÜYUKHEAN 34:28 - AMÜSÜH HÜM CL Bible (BSI)

²⁸ Inü nü nüsa jipürü lung bede ayübah tüsho nü nü kiuyuk ching mungtsü chingnü yüzahbah; inü ha dangpung tüsho ha ching larü kheak hande arükhi thsümütsü alala nü müknü müngü.” Arünü thiyusheak lubah kiulongthsüpuh kilim yülo.

2 KIUTHSÜYUKHEAN 34:28 Iomraidhean Croise

1 KIULONG THSÜRÜ 21:29

“Ahabnü I miki nihbuh zangrü aninikhüh kamkhi nünü ngünah? Tümütüsho apinü I miki aninikhüh kamdo, api nimungbo ching inü thsümütsü hande marü; tüshe api tsührü nimungbo ching inü api yamkhün ching thsümütsü hande arübah.”

2 KIULONG THSÜRÜ 20:19

Tüsho Hezekianü Isaia ki tha, “Nünü athakhi Atungpuh yu tsülah.” Tümüde apinü lüm, “I rhangdung kim ching mungtsü tüsho kurampung mülaba de?”

2 KIULONG THSÜRÜ 22:20

Jumonü inü nü nüsa jipürü lung yüshihbah, tüsho nü nihbuh kiuyuk ching mungtsü chingnü yüzahbah; inü ha dangpung ching thsümütsü alala hande arüpü lakhi nü müknü müngü.” Arünü thiyusheak lulobah kiulongthsüpuh kilim yü.

2 KIUTHSÜYUKHEAN 32:26

Judüki Hezekianü api mulong kükheangkhi, api tüsho Jirusalem ching larünü mulong rholode kam, junangde Hezekia nimungbo ching Atungpuh bukakhiukkhi arü kheak marü.

2 KIUTHSÜYUKHEAN 34:27

tümütüsho nünü ha dangpung tüsho ha ching larü azhihde api yubo sochoki nü mulong müthri tüsho Thrünpuh miki azhihayihde kam, tüsho nü khim thorüpde I miki trip, inü she nü ki sojihdo, Atungpuhnü thachoh.

2 KIUTHSÜYUKHEAN 34:29

Judüki kiulongthsüpuhnü thiyu yüshih tüsho Juda le Jirusalem azothsürü alala bemukhung.

2 KIUTHSÜYUKHEAN 35:24

Jumonü anihbuh yamlarübonü khora-lolungbe chingnü api bekhit tüsho api yo mahnepü khora-lolungbe chingnü hanbah Jirusalem lim arü. Ju ching api sheabah, tüsho anihbuh jipürü kiuyukbo ching api mi bah. Juda tüsho Jirusalem alalanü Josia thsungkheak tüzho.

MUNGSHIKHÜN 37:37

Areak mükihkhi mihtsürü mütsanang, tüsho alungkirü kheahyukang; tümüde ju mihtsürü arübe kuhi mungtsü lah.

ISAIA 39:8

Judüki Hezekianü Isaia ki tha, “ Nünü asukkhi Atungpuh yu atsü ah.” Tümüde apinü lüm, “ I nimungbo ching mungtsü tüsho thiyuro labah.”

JEREMIA 15:1

Judüki Atungpuhnü I ki tha: Mosa tüsho Samuel I miki zhipzhip she, I mulong ha mihtsürü kilim murholo. I mikinü arü wukhiukshang, tüsho arübo tsoshang!