2 KIUTHSÜYUKHEAN 34:21 - AMÜSÜH HÜM CL Bible (BSI)

²¹ “Yüang, hüm yubo ngükhi dünkheak, I tüsho Israel le Juda ching aninga larü thsungkheak Atungpuh ki keoang; tümüde Atungpuh bukakhiukkhi isa kheak dungkihkhi ju ato ah, tümütüsho isa jipürübonü ha hüm ching thrütkhi yande arhimopü, Atungpuh yu mania lah.”

2 KIUTHSÜYUKHEAN 34:21 Iomraidhean Croise

2 KIULONG THSÜRÜ 22:13

“Yüang, ha ngükhi hüm yubo dünkheak I, mihtsürübo, tüsho Juda alala thsungkheak Atungpuh ki keoang; tümüde isa azhihde Atungpuh bukakhiukkhi tolah, tümütüsho isa jipürünü isa dünkheak thrütkhi alala yande rhimode ha hüm yubo mania lah.”

2 KIUTHSÜYUKHEAN 28:6

Remalia tsührü Pekanü nimung khülang chingnü Juda ching athrungrü bonungrü 120,000 laksah, tümütüsho arünü Atungpuh arü jipürü Thrünpuh bahyuk.

2 KIUTHSÜYUKHEAN 29:8

Jumonü Atungpuh bukakhiukkhi Juda tüsho Jirusalem kheak akih, tüsho apinü arü atrebe tüsho athraneanbe kukruk khülang kamshih, nüsa mükbonü ngülah.

2 KIUTHSÜYUKHEAN 33:11

Jumonü Atungpuhnü arü azhihde Asiria kiulongthsüpuh bonungrü wühkenorübo bedarü; arünü khoyangnü Manase wuh-a lubah müwayinchi wuhrünnü rhük, tüsho api Babilon ching bede yü.

2 KIUTHSÜYUKHEAN 34:20

Judüki kiulongthsüpuhnü Hilkia, Shaphan tsührü Ahikam, Mika tsührü Abdon, athrütbuh Shaphan, tüsho kiulongthsüpuh yamlarü Asaia ki thiyukhüm jih:

2 KIUTHSÜYUKHEAN 34:22

Jumonü Hilkia tüsho kiulongthsüpuhnü athiyirübonü Hasra tsührü Tokhath tsührü, arüngyam shungliu neakbuh (api Jirusalem ching mahnepü yam ching lakheah) Shallum niube wukihbe Hulda ki yü tüsho ju dünjikhi anihbe ki asuk.

ABEKHIT 18:15

Mosanü akü ki alo, “Tümütüsho mihtsürübonü Thrünpuh lümkhi keokhikeorapü I ki arüchoh.

JEREMIA 21:2

“Muzhobah isa thsung thsüde Atungpuh ki keojang, tümüde Babilon kiulongthsüpuh Nebukednezarnü isa azhihde thirithsüchoh; khükia apinü rhimode alakhi nangde Atungpuhnü amüyinsahbe isa thsungkheak rhimobah, tüsho isa kheaknü api tsoloshihbah.”

JEREMIA 42:2

wukihbuh Jeremia ki tha, “ Isanü mushukhi tsüde anijang, tüsho isa thsungkheak Atungpuh nü Thrünpuh ki tamkhüntamnüjang– harü aningkhi alala thsungkheak. Tümüde nü müknü ngülah, ahihdo chingnü isa anükhüh lang aningdo.

EZEKIEL 18:14

Tüshe thiyuthiyu ha buh tsührü khülang lah, shepünü nihbuh abuhnü neak yihbeakkhi alala ngü, tüsho apinü ngüa lalashe, anihbuhnü hadürü mürhimosho:

EZEKIEL 36:18

Jumonü arünü lomi kheak thiyih bukkhi tüsho arünü bede müneankhi sangthsübo dünkheaknü arü kheak I mulong zhipzhip dungkih.

ROMRÜ KILIM PAULNÜ ATHRÜTKHI KIHÜM HUHTANYU 1:18

Tümüde arü amütsü tüsho mihbukmuyuknü thiyuro zhipdokhi mihtsürü alala azhihde Thrünpuh bukakhiukkhi yinmi chingnü amikheak akhiuka lah,

ROMRÜ KILIM PAULNÜ ATHRÜTKHI KIHÜM HUHTANYU 4:15

tümütüsho yakzannü bukakhiuk hande arüchoh, tüshe küching yakzan mülanü athsümünim müla.

YUZÜNGTHALO 28:15

“Tüshe nüsanü Atungpuh nüsa Thrünpuh düsheak manide, inü khihni nüsa ki thiyukhüm jihkhi api yukhüm tüsho yakzanbo müyansho, harü muthrumünean alala nüsa kheak akihde arheakbah:

1 SAMUEL 9:9

(Adüso Israel ching, khürünü Thrünpuh dünkheak keokhikeorapü yüsho hade tha, “ Arang, isanü angürü kilim yüanü”; tümüde shepü kheakü wukihrü de jichonü adüso a angürü de ji.)