2 KIUTHSÜYUKHEAN 34:2 - AMÜSÜH HÜM CL Bible (BSI)

² Apinü Atungpuh miki alungki rhimo, tüsho anihbuh jipürü David limrobo ching tsah; apinü tsülim yungsho huzulim manguh.

2 KIUTHSÜYUKHEAN 34:2 Iomraidhean Croise

1 KIULONG THSÜRÜ 14:8

tüsho nü kilim jihpü David yamkhün kheaknü kiulongthsü thokhide tso; tütüshe I yamlarü Davidnü, I yukhüm anide tüsho I miki alungki lang rhimode api mulong athrünkhinü I yankhi nangde müthsü,

1 KIULONG THSÜRÜ 15:5

tümütüsho tümü Atungpuh miki alungkianü Davidnü rhimo, tüsho Hitbuh Uria dünkheak hode, apinü anihbuh kilim thiyukhüm jihkhi tümü ching lang she api rhangdung amuyung rholode mutso.

2 KIULONG THSÜRÜ 22:2

Apinü Atungpuh miki alungki rhimo, tüsho abuh David limro alala ching tsah; apinü tsülim yungsho huzulim manguh.

2 KIUTHSÜYUKHEAN 14:2

Asanü Atungpuh api Thrünpuh miki atsü tüsho alungki rhimo.

2 KIUTHSÜYUKHEAN 17:3

Jehoshaphat lung Atungpuh lakheah, tümütüsho apinü adüso abuh limrobo ching tsah; apinü Baalbo müyim,

2 KIUTHSÜYUKHEAN 17:4

tüshe apinü anihbuh abuh Thrünpuh yim tüsho Israel limro müyande api yukhümbo yande tsah.

2 KIUTHSÜYUKHEAN 29:2

Api jipürü Davidnü arhimokhi nangde apinü Atungpuh miki alungki rhimo.

2 KIUTHSÜYUKHEAN 34:3

Tümüde kam tizheahpü ching api kiulongthsüchoki, api azürü nunu lachoki, apinü anihbuh jipürü David Thrünpuh yimpü tankih, tüsho kam thürükheak mahnepü ching apinü Juda tüsho Jirusalem achang dangpungbo Ashera sangthsübo, tüsho asümkhi le azünkhi sangthsübo thsümünimpü tankih.

MÜCHITMUDU 4:27

Tsülim yungsho huzulim danguh; amütsü chingnü nü jing atrütang.

YUZÜNGTHALO 17:11

Arünü yakzan yu mütsande nüsa ki thsangyukhi tüsho mahkhapkhi yande nüsanü rhimoang; nüsanü tsülim yungsho huzulim anguhde nüsa ki thakhi kheaknü dütso.

YUZÜNGTHALO 17:20

Junangde apinü nihbuh keoniorü kheaknü api atsübe ah de mülüm, tüsho thiyukhüm chingnü tsülim yungsho huzulim manguh tüsho Israelrü bolung api kiulongthsü ching api tüsho tsühsoniusobonü lün ahihdo yakzan shuhbah.

YUZÜNGTHALO 28:14

Jumonü inü khihni küpü yukhüm nüsa ki jihchonü nüsanü püpürü thrünpuhbo tankihpü ju kheaknü tsülim yungsho huzulim danguh.

YUZÜNGTHALO 5:32

“Jumonü Atungpuh nüsa Thrünpuhnü nüsa ki thiyukhüm jihkhi nangde kümkangde rhimoang; nüsanü tsülim khah yungsho huzulim danguh.

JIHUSUA 1:7

Judü lang reangzahang, mulong ato thsang; tüsho I yamlarü Mosanü ajihkhi yakzan alala anide arhimopü kümkangang. Ju chingnü tsülim yungsho huzulim danguh, ju hode küching küching yüyü she nünü akukbah.

JIHUSUA 23:6

Jumonü mihyuanipü tüsho Mosa yakzan hüm ching thrüta lakhi nangde alala rhimopü düküngang, Ju chingnü tsülim yungsho huzulim danguh,