2 KIUTHSÜYUKHEAN 34:19 - AMÜSÜH HÜM CL Bible (BSI)

¹⁹ Küyimki kiulongthsüpuhnü yakzan yubo sokhea, apinü anihbuh khim thorüp.

2 KIUTHSÜYUKHEAN 34:19 Iomraidhean Croise

2 KIULONG THSÜRÜ 19:1

Küyimki kiulongthsüpuh Hezekianü ju sokhea, apinü akhim thorüpbah shungliukhim phuyu, tüsho Atungpuh yam ching yüzah.

2 KIULONG THSÜRÜ 22:11

Küyimki kiulongthsüpuhnü yakzan hüm yubo sokhea, apinü khimbo thorüp.

2 KIULONG THSÜRÜ 22:19

tümütüsho arübo zhikrangkhündo akampü tüsho muthrumüneanpü ha dangpung tüsho mihtsürübo azhihde inü athachoki nünü sobah nü mulong azhihayihde nünü Thrünpuh miki mushu, tüsho nünü nü khimmih thorüp, tüsho I miki trip, inü she nü ki sojihdo, Atungpuhnü thachoh.

2 KIUTHSÜYUKHEAN 34:18

Athrütbuh Shaphannü kiulongthsüpuh ki tha, “Amükeambuh Hilkianü hüm khülang I kilim jihdo.” Jushu Shaphannü kiulongthsüpuh ki achangnü khe.

2 KIUTHSÜYUKHEAN 34:20

Judüki kiulongthsüpuhnü Hilkia, Shaphan tsührü Ahikam, Mika tsührü Abdon, athrütbuh Shaphan, tüsho kiulongthsüpuh yamlarü Asaia ki thiyukhüm jih:

NEHEMIA 8:9

Küyimki mihtsürübonü yakzan sokhea, arü mulong khide qiu tüsho atrippü tankih. Jumonü kovünor Nehemia, amükeambuh tüsho yakzan mükheahmudurü Ezranü mihtsürübo ki tha, “Ha nimung ha Atungpuh nüsa Thrünpuh kilim amüsüh ah, nüsa mulong dürozhak tüsho dütrip.

JOEL 2:13

Nüsa khimmih yungde nüsa mulong yihthünakang. Atungpuh , nüsa Thrünpuh kilim rholoang, tümüde api ju mihmuzho tüsho mihmüthsüm, arünnü bukakhiukchoh, tüsho düküngde amuzhopü suhdahde lah tüsho thsümüchi chingnü lümalochoh.

ROMRÜ KILIM PAULNÜ ATHRÜTKHI KIHÜM HUHTANYU 3:20

Tümüde mihtsürü sheshe yakzan rhimokhinü api miki alim müthsü, tümütüsho yakzan hode neak mükheahkhi arüchoh.

GALATIA 2:19

Tümüde inü Thrünpuh thsungkheak lapü thsüde yakzan hode yakzan ching I shedo.

JIHUSUA 7:6

Jihusua tüsho Israelrü limberübonü mulong tukthsüde arü khim rukrüp, tüsho arü ku kheak asungthulung yükihde alo ching awuh, tüsho arü mulong tukthsükhi huhde Atungpuh tangzüng sangdan ki alo ching awuhde arelim khiungde yap.