2 KIUTHSÜYUKHEAN 34:14 - AMÜSÜH HÜM CL Bible (BSI)

¹⁴ Küyimki arünü Atungpuh yam ching hande arükhi sho lude wukhiukkhea, Mosa hode ajihkhi Atungpuh yakzan amükeambuh Hilkianü ngü.

2 KIUTHSÜYUKHEAN 34:14 Iomraidhean Croise

2 KIULONG THSÜRÜ 18:18

Küyimki arünü kiulongthsüpuh jikhea, ju ching kiulongthsüpuh yam neakrü, Hilkia tsührü Eliakim, athrütbuh Shelma, tüsho athrütyukrü Asaph tsührü Joa akhiuk.

2 KIUTHSÜYUKHEAN 12:1

Küyimki Rehoboam düküngde tüsho reangzahde akamkhea, api lung Israel alalanü Atungpuh yakzan bahyuk.

2 KIUTHSÜYUKHEAN 31:4

Amükeamrü tüsho Levirü kilim jihpü shihcham jihshihpü apinü Jirusalem ching larü mihtsürübo ki thiyukhüm jih, junangde arünü Atungpuh yakzan ching mulong jihkhukpü lakheah.

2 KIUTHSÜYUKHEAN 34:15

Hilkianü athrütbuh Shaphan ki tha, “Inü Atungpuh yam ching yakzan hüm ngüdo;” tüsho Hilkianü hüm ju Shaphan kilim jih.

2 KIUTHSÜYUKHEAN 34:9

Arünü achangbe amükeambuh Hilkia kilim arü tüsho Levirü le ripit-limro neakrübonü Manase, Ephraim, tüsho aninga lakhi Israel, Juda, Benjamin tüsho Jirusalem ching larü alala kheaknü thremukhungbah Thrünpuh yam ching lude arükhi sho yihkhita lu.

2 KIUTHSÜYUKHEAN 35:26

Kheakü aningkhi Josia rhimobo Atungpuh yakzan ching thrütkhi yande apinü thülünde arhimokhibo,

EZRA 7:10

Tümüde Ezranü Atungpuh yakzan yimde arhimopü tüsho api yakzan le thiyuzüngbo Israelrü ki thsangyupü mulongkhit.

MUNGSHIKHÜN 1:2

tüshe Atungpuh yakzan ching api asühkhi lah, tüsho azhing ayin api yakzan khechoh.

ISAIA 30:9

Tümüde arübo azhihrü mihtsürü, akin mülakhi tsührübo, Atungpuhnü thsangdankhi manipü lakhi tsührübo;

ISAIA 5:24

Jumonü mo mulonü müneang muliukhi nangde, tüsho sangrung akung motru ching keamyukkhi nangde, arü ying shuhabahbah tüsho apungkhi asungthulung nangde keamkhia bahbah; tümüde arünü Wuto Atungpuhnü thsangdankhi bahyukdo, tüsho Israel Amüsühbuh Khülang yu mükhemükimdo.

JEREMIA 8:8

Athrütrü yo dosangnü akeangyu kamshihchoki, “ Isa lümlung lah, tüsho Atungpuh yakzan isa lung lah,” de küde thsah nüsanü thakhukpü?

LEVI 10:11

tüsho Mosa hode Atungpuhnü arü kilim yakzanbo jihkhi nüsanü Israelrü ki huhang.”

LEVI 26:46

Harü ha Atungpuhnü Sinai Müzüng kheak api tüsho Israel mihtsürübo dükeak Mosa hode ajihkhi yakzan thsükhibo, thiyuzüngbo tüsho yakzanbo ah.

LEVI 8:36

Jumonü Mosa hode Atungpuhnü thiyukhüm jihkhi nangde Aron tüsho atsührübonü athrünkhi rhimo.

LUKNÜ ATHRÜTKHI THIYUSHEAK-ATSÜ HUHTANYU 2:39

Tüsho küyimki arünü Atungpuh yakzan yande lüpdükhi rhimokhea, arünü Galilee ching, arü kiuto Nazareth lim alodarü.

JIHUSUA 1:8

Ha yakzan hüm ha nü mün chingnü düchamachihshih, tüshe nünü animung tüsho are tamkhüntamnüde kheang, junangde ha ching thrüta lakhi yande kümkangde arhimobah. Tüsho nü limro müngühmühide kukzamde alabah.