2 KIUTHSÜYUKHEAN 34:13 - AMÜSÜH HÜM CL Bible (BSI)

¹³ hahmülang hanrü kurungkheak lakheah tüsho tankih rhimorhiyi alala ching rhimorübo ki khuhlanga jih; tüsho Levirü khürü a athrütrü, atorübo, tüsho ripit neakrübo lakheah.

2 KIUTHSÜYUKHEAN 34:13 Iomraidhean Croise

2 KIULONG THSÜRÜ 7:10

Jumonü arünü arü tüsho kiuto ripit aheangrübo ki jibah arü ki tha, “Isa Siriarü binkheampung ching yükheah, tüshe ju ching sheshe müla yungsho muso, tümü müla tüshe khorabo, donkibo chinga zolah, tüsho khimyambo lang ju ruk lah.”

1 KIUTHSÜYUKHEAN 15:18

tüsho arü lung arü buhtsührü khuh mahnepü, Zekaria, Jaaziel, Shemiramoth, Jehiel, Unni, Eliab, Benaia, Maaseia, Mattithia, Eliphelehu, tüsho Mikneia, tüsho aheangrübo Obed-edom le Jeiel.

1 KIUTHSÜYUKHEAN 16:38

tüsho kheaküshe Obed-edom tüsho api buhtsührü 68; Jeduthun tsührü Obed-edom tüsho Hosa ane a ripit neakrü lakheah.

1 KIUTHSÜYUKHEAN 16:42

Heman tüsho Jeduthun lung khün düsheak thsungkheaknü hulipungpungbo tüsho larüpbo, tüsho amüsüh khün thsungkheaknü kingzükingdobebo lakheah. Jeduthun tsührübo ripit ching binpü mokhit.

1 KIUTHSÜYUKHEAN 9:17

Arüngyam aheangrübo: Shallum, Akkub, Talmon, Ahiman; tüsho arü keoniorü Shallum akubuh,

2 KIUTHSÜYUKHEAN 19:11

Kheahang, Amaria amükeam putungpuh Atungpuh dünkheak alala ching nüsa kurungkheak lah; tüsho kiulongthsüpuh dünkheak alala ching Israel tsührü Zebadia, Juda yamkhün yo kovünor lah; tüsho Levirünü nüsa ki atorübo thsüde tankihbah. Mulong tode rhimoang, tüsho tsüde arhimorü lung Atungpuh lashang!”

2 KIUTHSÜYUKHEAN 2:10

Inü nü yamlarübo sang rhütrü kilim wheat hi khahngak chithürü 2000, barli khahngak chithürü 2000, yukhu pungdüchi 400,000, tüsho oliv müdangke pungdüchi 400,000 mühahbah.”

2 KIUTHSÜYUKHEAN 2:18

Arü 70,000 rhimopü, 80,000 awung lomi ching lung kheanpü, tüsho 3600nü mihtsürü rhimokhi kheahpü thiyi.

2 KIUTHSÜYUKHEAN 8:10

Harübo ha kiulongthsüpuh Solomon yo atorübo, arü 250nü mihtsürübo kurungkheak thiyukhüm shuh.

2 KIUTHSÜYUKHEAN 8:14

Abuh David yuzüng yande, apinü amükeamrübo chamnakkhi arü tankihpü thsungkheak, Levirü thsungkheak mungshi rhimo yambo tüsho nimung aban yihnüpü lakhi amükeamrü rungpü rhimobo, tüsho ripit aphuaphu thsungkheak ripit neakrü chamnakbo; tümütüsho junangde Thrünpuh mihtsürü Davidnü thiyukhüm jih.

NEHEMIA 4:10

Juda mihtsürübonü tha: “Rhimorübo sühmüh yiuhyiuhabahchoh, lungjinim ahihdo wua bahpü lah; isanü chipi müthsükhuk.”

JEREMIA 8:8

Athrütrü yo dosangnü akeangyu kamshihchoki, “ Isa lümlung lah, tüsho Atungpuh yakzan isa lung lah,” de küde thsah nüsanü thakhukpü?

MATHI 26:3

Judüki amükeam putungrübo, athrütrübo tüsho mihtsürübo kurung azothsürübo Kaifa de ajikhi achangbe amükeamrü yam ching mukhung,