2 KIUTHSÜYUKHEAN 33:7 - AMÜSÜH HÜM CL Bible (BSI)

⁷ Apinü athsükhi sangthsü Thrünpuh yam ching zo, küpü dünkheak Thrünpuhnü David tüsho api tsührü Solomon ki tha, “Ha yam ching, tüsho Jirusalem ching, küpü inü Israel trük alala bolungnü amokhitkhea, inü I mung lünnü azobah;

2 KIUTHSÜYUKHEAN 33:7 Iomraidhean Croise

1 KIULONG THSÜRÜ 11:13

Judüalalashe inü kiulongthsü abümnü muthorüp; inü trük khülang nü tsührü kilim, I yamlarü David tüsho inü amokhitkhi Jirusalem mung chingnü ajihbah.”

1 KIULONG THSÜRÜ 11:32

I yamlarü David tüsho Israel trükbo alala lungnü inü amokhitkhi kiuto, Jirusalem mung chingnü trük 1 api yo thsüpü aningbah.

1 KIULONG THSÜRÜ 12:28

Jumonü kiulongthsüpuhnü lümkhi lu tüsho suna moshi nunu mahne thsü. Apinü mihtsürübo ki tha, “Nüsa Jirusalem lim khide shude wutudo. O Israel, nüsa Ijip lo chingnü bekhitkhi nüsa thrünpuhbo ha kheak lah.”

1 KIULONG THSÜRÜ 8:29

junangde are tüsho animung, ‘ Ju ching I mung labah,’ de nünü athakhi dangpung ha yam lim nü müknü akheahbah, junangde nü yamlarünü ha yam lim tamkhüntamnüchoki nünü anibah.

1 KIULONG THSÜRÜ 8:44

“Nü mihtsürübo arü riri bede keochihpü yüsho, kürü ching nünü arü yüshihba, tüsho nünü amokhitkhi kiuto le nü mung thsungkheak inü athsükhi yam lim arünü Atungpuh ki tamkhüntamnüba,

1 KIULONG THSÜRÜ 8:48

arünü arü mulong tüsho me athrünkhinü arü rama lubah ayükhi arü riri lomi chingnü müthrisho, tüsho nünü mokhitkhi kiuto tüsho nü mung thsungkheak thüyam thsükhi tüsho nünü arü jipürü kilim jihkhi lo lim nü ki tamkhüntamnüsho;

1 KIULONG THSÜRÜ 9:3

Atungpuhnü api ki tha, “Nünü I miki tamkhüntamnükhi tüsho zhoshekhi inü sodo; nünü athsükhi yam ha inü müsühkhitdo, tüsho ju ching lün thsungkheak I mung yuka zolah; I mük tüsho I mulong lünnü ju ching labah.

2 KIULONG THSÜRÜ 23:6

Apinü Atungpuh yam chingnü Ashera sangthsü yihkhitbah Jirusalem aleanglim, Kidron ayung lim lude yünü takbah asungthulung kamde kingnak tüsho asungthulung ju mihtsürü dümung kiuyukbo kheak bah.

2 KIUTHSÜYUKHEAN 33:15

Apinü khiungkerü thrünpuhbo tüsho sangthsübo, Atungpuh yam chingnü yihkhita bah, tüsho apinü Atungpuh yam wung kheak le Jirusalem ching kingaün sadambo thsükhi alala lude tso, tüsho apinü jurü kiuto aleanglim jipa bah.

2 KIUTHSÜYUKHEAN 33:4

Apinü Atungpuh yam ching kingaün sadambo thsü, küpü dünkheak Atungpuhnü tha, “Jirusalem ching I mung lünnü alabah.”

2 KIUTHSÜYUKHEAN 6:5

‘Inü I mihtsürübo Ijip lomi chingnü bekhit nimungnü I mung lashihpü thsungkheak thüyam khülang thsüpü Israel trükbo lung küchingnü she kiuto mumokhit, yungsho I mihtsürü Israel kurungkheak yakzanshuhrü inü mumokhit;

2 KIUTHSÜYUKHEAN 6:6

tüshe ju ching I mung lashihpü thsüde inü Jirusalem mokhit, tüsho I mihtsürü Israel kurungkheak inü David mokhit.’

2 KIUTHSÜYUKHEAN 7:16

Tümüde kheakü ha yam inü mokhitdo tüsho müsühkhitdo, junangde ju ching I mung lünnü alabah; I mükbo tüsho I mulong ju ching kim alala thsungkheak labah.

MUNGSHIKHÜN 78:68

tüshe apinü Juda trük, apinü muzhokhi Zion Müzüng mokhit.

ABEKHIT 20:4

“Nünü nü thsungkheak thüning, yungsho alo kheak lakhi, yungsho ke ching lakhi tümükhüh kiphahde sangthsü düthsü;

JEREMIA 7:30

Tümüde Juda mihtsürübonü I miki amütsü rhimodo, Atungpuhnü thachoh; I mung tamkhi yam müneanjihde, arünü athraneanbe zodo.

MAHKHAPRÜ 17:3

Jumonü küyimki apinü shotoyinchi 1100 ju abe kilim jihlokhea, abenü tha, “Inü I tsührü thsungkheak sangthsü thsüjihpü I khah ching shotoyinchi Atungpuh kilim abümnü müsühkhitdo; jumonü nü kilim jihlobah.”