2 KIUTHSÜYUKHEAN 33:6 - AMÜSÜH HÜM CL Bible (BSI)

⁶ Apinü müchitde, dünjiyu thade, wurük thsüde tüsho mesherü le kuhi-kheahrü keokhide Hinnom jindükhün ching api tsührü taka kingaünkhi jih. Apinü khide amütsü Atungpuh miki rhimode api bukakhiukshih.

2 KIUTHSÜYUKHEAN 33:6 Iomraidhean Croise

1 KIULONG THSÜRÜ 16:33

Ahabnü Ashera sangthsü she thsü. Ahabnü api müngüh larü Israel kiulongthsürübo kheaknü alü thsüde Israel Thrünpuh, Atungpuh bukakhiukshihde rhimo.

2 KIULONG THSÜRÜ 17:17

Arünü arü tsührü athrürü tüsho aliberübo monü taka kingaün; arünü akhasherü tüsho kuhikheahrü keode la; tüsho arünü Atungpuh miki amütsü rhimode nihbuh zangrü yinde api bukakhiukshih.

2 KIULONG THSÜRÜ 21:6

Apinü atsührü monü taka kingaün, apinü müchityu tha tüsho lümrük thsü, tüsho akhasherü le thümürü ki keokhi. Apinü Atungpuh miki amütsü khide rhimode api bukakhiukshih.

2 KIULONG THSÜRÜ 23:10

Apinü Ben-hinnom ching lakhi Topheth thsümünim, junangde shenü she tsührü athrürü yungsho aliberü Molek kilim monü taka mükingaün.

2 KIULONG THSÜRÜ 23:24

Kheaküshe Josianü akhasherü, thümürü, yambuk thrünpuhbo, sangthsübo, tüsho Juda le Jirusalem lomi ching ngükhi athraneanbe alala yihkhita bah, junangde Hilkia amükeambuhnü Atungpuh yam chingnü angükhi hüm ching thrüta lakhi yubo apinü düküngde zo.

1 KIUTHSÜYUKHEAN 10:13

Junangde api thiyuro mülakhi dünkheaknü Saul sheabah; apinü Atungpuh yukhüm mani, ju lang yung, apinü mesherü ki limbeshihpü keokhi,

2 KIUTHSÜYUKHEAN 28:3

tüsho apinü Hinnom jindükhün ching kingaün jih, tüsho Atungpuhnü Israel müngühnü yankhita bahkhi trükshihbonü athraneanbe rhimokhibo yande apinü atsührübo mo ching taka kingaün.

ISAIA 19:3

arü bolung Ijiprü me mülade akambah, tüsho inü arü lümkhibo akeangkeang kamshihbah; arünü sangthsübo tüsho ashekhi mebo tüsho mesherü le mebo ki keokhibah;

ISAIA 8:19

Küyimki mihtsürübonü dapdaprururü mesherü tüsho me-larü ki keoang de nü ki thabanü, mihtsürübonü arü Thrünpuh ki mükeobea de? Tümüde arhang larü thsung thsüde asherü ki keokhicho?

JEREMIA 32:35

Inü arü ki thiyukhüm müjihjih she, yungsho Juda neak yihbeakshihpü arünü ha athraneanbe rhimopü I lüm ching mülalashe arü tsührübo tüsho tsührübebo Molek kilim jihpü arünü Hinnom Tsührü Jindükhün ching Baal achang dangpungbo thsü.

EZEKIEL 23:37

Tümüde anenü müzammüram yihbeakdo; tüsho ane khah kheak thiyih kihlah; ane sangthsübo lung anenü müzammüram yihbeakdo; tüsho anenü I kilim zübejihkhi tsührübo she arü kilim kingaündo.

EZEKIEL 23:39

Tümüde küyimki anenü ane sangthsübo khilim ane tsührübo laksahkheanü, ju nimung anenü I arüngyam ching müneanjihpü yüzah. Ha anenü I yam ching rhimokheah.

LEVI 18:21

Nüsa tsührü sheshe Molek thrünpuh ki monü dükingaün, tümütüsho, junü nüsa Thrünpuh mung ching mungchihbah: I Atungpuh .

LEVI 19:26

Shih tümü she athiyih zahde dütsüh. Nüsanü müchitmudu yungsho thümüthiyi dahori.

LEVI 19:31

Mesherü tüsho judürü mebo kilim düyü; arünü nüsa müneanshihpü arü düyim: I Atungpuh ah.

LEVI 20:2

Israel tsührübo ki thaang: Israel yungsho khiungkerü Israel ching larü shepünü nihbuh tsührü Molek thrünpuh kingaünpü jihbanü, lomi ching larü mihtsürü athrünkhinü dükde lungnü api rusahabahbah.

LEVI 20:27

Athrürü yungsho aliberü shepü mesherü yungsho thümürü thsübanü, dükde arübo lungnü arusahbah. Arü thiyih ju arü kheak kihbah.

LEVI 20:6

Shepünü mesherü tüsho thümürü kilim yübah arü kheak yüliyürabanü, inü arü azhihbah tüsho arübo mihtsürü bolungnü khekhita bahbah.

GALATIA 5:20

sangthsü kingaün, wurük, mükihachihkhi, rukachih, mükthsü, bukakhiuk, yihnelune, achamnakbo,

YUZÜNGTHALO 12:31

Nünü Atungpuh nü Thrünpuh judürü limro chingnü dükingaün; tümüde Atungpuhnü athraneankhi alala arünü arü thrünpuhbo ki rhimodo; tümüde arünü arü tsührü tüsho tsührübebo she arü thrünpuhbo kilim kingaünde mo ching takdo.

1 SAMUEL 15:23

Tümüde azhihde arhimokhi ju thümüthiyi nangde neak tüsho nihnihrarakhi ju amülimkhi tüsho sangthsü kingaünkhi ruk ah. Tümütüsho nünü Atungpuh yu bahyukdo, apinü nü she kiulongthsürü chingnü bahyukdo.”