2 KIUTHSÜYUKHEAN 33:3 - AMÜSÜH HÜM CL Bible (BSI)

³ Tümüde apinü abuh Hezekianü thokheamkhi achang dangpungbo thsülo, tüsho Baalbo kilim kingaün sadambo thsü, Ashera sangthsübo thsü, chiningbo kingaün tüsho arübo tankih.

2 KIUTHSÜYUKHEAN 33:3 Iomraidhean Croise

1 KIULONG THSÜRÜ 14:23

Tümüde arünü she arü thsungkheak awung achangbo, dungjingbo, tüsho Ashera mejakbo awung achang tüsho sangdung phüyakbo khüp thsü;

2 KIULONG THSÜRÜ 18:4

Apinü achang dangpung lukde dungjingbo lukkheam, tüsho Ashera sangthsü kiukheam. Apinü Mosanü athsükhi müwayinchi phuruto adütre kamde yihnak, tümüde ju nimungbo khiungde Israel mihtsürübonü ju ki kingaünde alakheah; ju Nehushtan de ajikheah.

2 KIULONG THSÜRÜ 21:3

Tümüde apinü abuh Hezekianü luka bahkhi achang dangpungbo thsülo; kiulongthsüpuh Ahabnü athsükhi nangde apinü Baal kingaün sadam, Ashera sangthsü thsü, chiningbo alala kingaün tüsho arübo tankih.

2 KIULONG THSÜRÜ 23:11

Juda kiulongthsürünü ani kilim müsühkhitkhi khorabo, Atungpuh yam ripit ki, mahkhappung ching atorü, Nathan-melek khiungshak ki lakhi apinü yihkhita bah; tüsho apinü ani yo khoralolungbebo monü takabah.

2 KIULONG THSÜRÜ 23:4

Kiulongthsüpuhnü Hilkia achangbe amükeambuh, api khin amükeamrübo, tüsho ripit neakrübo ki Baal, Ashera, tüsho chiningbo thsungkheak thsükhi kukrukbo alala Atungpuh arüngyam chingnü lude akhiukshihpü thiyukhüm jih; apinü jurübo Jirusalem aleanglim Kidron mükeak chingnü tak tüsho awahbo Bethel ching hande yü.

2 KIUTHSÜYUKHEAN 28:24

Ahaznü Thrünpuh yam pungphurubo hanmukhung tüsho ju adütre kamde kiuthünak. Apinü Atungpuh yam khimdopübo rihkham tüsho anihbuhnü Jirusalem mühit aban ching kingaün sadambo thsü.

2 KIUTHSÜYUKHEAN 30:14

Arünü wusu tüsho Jirusalem ching lakhi kingaün sadam alala luk, tüsho rhümthüneabe jihpung kingaün sadam alala arünü lude yünü Kidron ayung ching bah.

2 KIUTHSÜYUKHEAN 31:1

Kheakü küyimki ha alala bankhea, bede alarü Israel alala Juda kiutobo ching wukhiuk tüsho dungjingbo yihshak, Ashera sangthsübo kiukheam, tüsho arünü alala müthsümünimyi khiungde Juda tüsho Benjamin, Ephraim tüsho Manase alala ching achang dangpungbo thokheam. Jushu Israel mihtsürü alala arü kiutobo, arü nihbuh yamalo kukruk lim rholo.

2 KIUTHSÜYUKHEAN 32:12

Ha Juda tüsho Jirusalem ki, ‘Nüsanü kingaün sadam khülang miki kingaünbah, tüsho nüsanü ju kheak rhümthüneabe takbah’ de thade api achang dangpungbo tüsho kingaün sadambo hande atsokhi Hezekia yung de?

2 KIUTHSÜYUKHEAN 33:15

Apinü khiungkerü thrünpuhbo tüsho sangthsübo, Atungpuh yam chingnü yihkhita bah, tüsho apinü Atungpuh yam wung kheak le Jirusalem ching kingaün sadambo thsükhi alala lude tso, tüsho apinü jurü kiuto aleanglim jipa bah.

2 KIUTHSÜYUKHEAN 33:19

Api tamkhüntamnü, tüsho künangde Thrünpuhnü api tamkhüntamnü leangkhikhea, api neak alala tüsho api akin mülakhi, api mulong mümüthrichoki achang dangpungbo thsübah Ashera sangthsübo zhipshihkhi lopungbo angürü yukhean ching thrüta lah.

2 KIUTHSÜYUKHEAN 34:25

Tümütüsho arünü I bahyuk tüsho püpürü thrünpuhbo kilim rhümthüneabe taka jih, junangde arü khahnü arhimokhi alala hode I bukakhiukshih, I bukakhiukkhi ha dangpung kheak dungkihbah tüsho müyihmüt.

ABEKHIT 34:13

Arü kingaün sadam lukkheamjang, amüsüh dungjing kingkheamang, tüsho sangthsübo kiukheamang.

T H S AN GYU T H S AN GR ARÜ 2:19

Tüsho api lümlung larü mihtsürü laba shi makharü labanü shepünü mükheahla? Tütüshe alomiküp ching inü arhimokhi tüsho I lümlung ahorikhi alala kurungkheak arünü aputungrü thsübah. Ha she akeangkeang.

T H S AN GYU T H S AN GR ARÜ 9:18

Lümlung ju thirithsü thsühnuk kheaknü atsübe, tüshe amütsü rhimorü khülangnü kukruk ahihdo thsümünimchoh.

JEREMIA 17:2

arü tsührübonü she arü kingaün sadam tüsho Ashera sangthsübo lümkhitchoh, sangdung phüyak aban ki tüsho awung achangbo kheak,

JEREMIA 19:13

Tüsho Jirusalem yambo le Juda kiulongthsürü yambo ju Topheth nangde müneanshihbah–thüyam kumung kheaknü rhümthüneabe takde chining kingaünkhi tüsho püpü thrünpuhbo kilim yukhu buka bahkhi yambo alala.

JEREMIA 7:30

Tümüde Juda mihtsürübonü I miki amütsü rhimodo, Atungpuhnü thachoh; I mung tamkhi yam müneanjihde, arünü athraneanbe zodo.

JEREMIA 8:2

tüsho arübo ju ani le khinu tüsho arünü muzhode tankihkhi, yande tüsho keokhide kingaünkhi chiningbo miki hiumüzüta labah; tüsho arü mühanmukhung yungsho kiuyuka mübah; arübo ju alo kheak bahyakkhi nangde alabah.

ZEPHANIA 1:5

sherünü thüyam kumung kheaknü chiningbo ki khukningcho; sherünü khukningcho tüsho Atungpuh ki thiyuchihchimcho, tüsho Molek thrünpuh mung ching she thiyuchihchimcho;

YUNIRÜBO RHIMO 7:42

Tüshe Thrünpuhnü rholode tso tüsho wukihrübo hüm ching thrüta lakhi nangde arünü chiningbo kingaünshih: ‘O Israel yamkhün, nüsanü sunglo ching kam yirü shiwühbo laksah-a I kilim jihdü de?

YUZÜNGTHALO 16:21

“Nünü Atungpuh nü Thrünpuh kingaün sadam thsükhi ki sangthsü tümü dükhim.

YUZÜNGTHALO 17:3

shepünü tsode yünü püpürü thrünpuhbo tankihde inü thiyukhüm müjihkhi ani, khinu yungsho thüning kheak lakhi khürü kingaünbanü;

YUZÜNGTHALO 4:19

Tüsho küyimki nüsanü thüning lim abinkih-a kheahbanü tüsho ani, khinu, chiningbo, thüning ching lakhi alala ngübanü Atungpuh nüsa Thrünpuhnü thüning bukkhüp mihtsürü alala ki jihkhibonü nüsa dümünityukshih tüsho mükhümde arü dütankihshih.