2 KIUTHSÜYUKHEAN 33:2 - AMÜSÜH HÜM CL Bible (BSI)

² Apinü Atungpuhnü Israel mihtsürü müngühnü yankhita bahkhi trükshihbo athraneanbe rhimobo yande Atungpuh miki amütsü rhimo.

2 KIUTHSÜYUKHEAN 33:2 Iomraidhean Croise

2 KIULONG THSÜRÜ 17:11

arü müngüh Atungpuhnü bede atsokhi trükshihnü arhimokhi nangde ju ching arünü achang dangpungbo kheak kingaün jih. Arünü amütsü rhimode Atungpuh bukakhiukshih;

2 KIULONG THSÜRÜ 17:15

Arünü api yakzanbo, apinü arü jipürü kheak tangzüngkhi, tüsho arü kilim dühdükhiyu jihkhi bahyuk. Arünü sangthsübo dunglim yü tüsho amülim kamabah; arünü arhimokhi yande dürhimo de Atungpuhnü athakhi arü mühi trükshihbo dunglim yan.

2 KIULONG THSÜRÜ 21:2

Atungpuhnü Israel müngüh yankhita bahkhi trükshihbonü arhimokhi yande, apinü Atungpuh miki amütsü rhimo.

2 KIULONG THSÜRÜ 21:9

Tüshe arünü mani, Atungpuhnü Israel müngüh dükheakshihkhi trükshihbonü arhimokhi kheaknü alü Manasenü amütsü rhimopü arü bemüchih.

2 KIUTHSÜYUKHEAN 28:3

tüsho apinü Hinnom jindükhün ching kingaün jih, tüsho Atungpuhnü Israel müngühnü yankhita bahkhi trükshihbonü athraneanbe rhimokhibo yande apinü atsührübo mo ching taka kingaün.

2 KIUTHSÜYUKHEAN 33:22

Abuh Manasenü arhimokhi nangde, apinü Atungpuh miki amütsü rhimo. Abuh Manasenü athsükhi sangthsü alala kheak Amonnü kingaün, tüsho jurübo tankih.

2 KIUTHSÜYUKHEAN 36:14

Limberü amükeamrübo alala tüsho mihtsürübonü she trükshihbo yo athraneanbe yande khitode müthülünde alakheah; tüsho apinü Jirusalem ching müsühkhitkhi Atungpuh yam arünü müneanabah.

EZRA 9:14

Dale tüsho küde thsah kheaküshe isanü nü yukhüm manide harü amütsü mihtsürü ki yihluachihpü? Isanü rhimosho, nü bukakhiukbah tüsho isa athrünkhi sheshe rhangdung mülashihde adükheakbah.

JEREMIA 15:4

Hezekia tsührü Juda kiulongthsüpuh Manasenü Jirusalem ching rhimokhi hode lomi kiulongthsü alala ki inü arübo mihtrebe kamshihbah.

EZEKIEL 11:12

Tüsho I Atungpuh de nünü mükheahbah, tümüde nünü I yakzan thsükhibo müyan yungsho I yakzanbo muzo tüshe nü mühi trükshih yuzüngbo kheak mulong jih.”

YUZÜNGTHALO 12:29

“Küyimki Atungpuh nüsa Thrünpuhnü trükshihbo nüsa müngühnü adükheakshihbanü tüsho nüsanü arü yankhita bahbah arü lo ching labanü,

YUZÜNGTHALO 12:31

Nünü Atungpuh nü Thrünpuh judürü limro chingnü dükingaün; tümüde Atungpuhnü athraneankhi alala arünü arü thrünpuhbo ki rhimodo; tümüde arünü arü tsührü tüsho tsührübebo she arü thrünpuhbo kilim kingaünde mo ching takdo.

YUZÜNGTHALO 18:14

Tüsho Mosanü tha, “Nüsanü amükühpü lakhi ching larübonü müchitrü tüsho rük-thümürü ki anichoh; tüshe nüsa kilim a Atungpuh nüsa Thrünpuhnü hadürü rhimopü mümülü.

YUZÜNGTHALO 18:9

“Küyimki nüsa Atungpuh nüsa Thrünpuhnü ajihkhi lo ching arübanü, harü trükshihnü athraneanbe rhimokhibo kheahkhipü dümükheah.