2 KIUTHSÜYUKHEAN 33:13 - AMÜSÜH HÜM CL Bible (BSI)

¹³ Apinü api ki tamkhüntamnü, tüsho Thrünpuhnü api tamkhüntamnü leangkhi, apinü mushukhi so, tüsho Jirusalem tüsho anihbuh kiulongthsü kilim api alode yüshih. Judüki Atungpuh ju Thrünpuh ah de Manasenü mükheah.

2 KIUTHSÜYUKHEAN 33:13 Iomraidhean Croise

THRÜNTAN 25:21

Kheakü Isaknü aniube thsungkheak Atungpuh ki mushu, tümütüsho alibe bünkeangberü lakheah; apinü amushukhi Atungpuhnü alojih, tüsho aniube Rebeka mübünkeangde kam.

1 KIULONG THSÜRÜ 18:39

Küyimki mihtsürü alalanü ju ngükhea, arü miro mükhümbah tha, “Atungpuh ju Thrünpuh ah; Atungpuh lang Thrünpuh ah.”

1 KIULONG THSÜRÜ 8:50

tüsho nü mihtsürünü nü azhihde neak yihbeakkhi tüsho arünü nü azhihde amülim rhimokhibo neak bahjang; tüsho arü ramrü miki arübo mihmuzho huhang, junangde arünü arü kheak mihmuzho labah

2 KIULONG THSÜRÜ 13:4

Tüshe Jehoahaznü Atungpuh ki mushu, tüsho Atungpuhnü api ki anijih; tümüde Siria kiulongthsüpuhnü Israel junokhi apinü ngü.

1 KIUTHSÜYUKHEAN 5:20

arü azhihpü ching arübo rung, tüsho Hagrü le arü lung berü alala arü khah ching jih, tümüde thirithsü ching arünü Thrünpuh ki zhi. Apinü arü tamkhüntamnükhi sojih, tümütüsho arünü api kheak thiyuro lakheah.

2 KIUTHSÜYUKHEAN 12:7

Küyimki arü azhihayihkhi Atungpuhnü angükhea, Atungpuh yu Shemaia kilim arüshihde tha: “Arünü azhihayihde kamdo; inü arü müthsümünim, tüshe arü kilim atsokhitpü khürü mülüjihbah, tüsho Shishak khah hode I bukakhiukkhi Jirusalem kheak mudungkih.

2 KIUTHSÜYUKHEAN 33:18

Kheakü aningkhi Manase rhimobo, Thrünpuh kilim api tamkhüntamnü, tüsho Atungpuh Israel Thrünpuh mung ching asukkhi angürü yubo, Israel kiulongthsürü yukheanbo ching thrüta lah.

2 KIUTHSÜYUKHEAN 33:19

Api tamkhüntamnü, tüsho künangde Thrünpuhnü api tamkhüntamnü leangkhikhea, api neak alala tüsho api akin mülakhi, api mulong mümüthrichoki achang dangpungbo thsübah Ashera sangthsübo zhipshihkhi lopungbo angürü yukhean ching thrüta lah.

2 KIUTHSÜYUKHEAN 34:27

tümütüsho nünü ha dangpung tüsho ha ching larü azhihde api yubo sochoki nü mulong müthri tüsho Thrünpuh miki azhihayihde kam, tüsho nü khim thorüpde I miki trip, inü she nü ki sojihdo, Atungpuhnü thachoh.

EZRA 7:27

Ezranü tha, “Isa jipürü Thrünpuh! Atungpuh shiang, shepünü Jirusalem ching Atungpuh arüngyam akheahakhamde kamshihpü kiulongthsüpuh mulong ching asukachih.

EZRA 8:23

Jumonü isanü Thrünpuh ki isa kümshihpü khümkeak thsü tüsho tamkhüntamnü, tüsho apinü isa tamkhüntamnübo alojih.

JOB HU H T ANYU 22:22

Api mün chingnü thsangdankhi leangkhiang, tüsho api yubo nü mulong ching zoang.

JOB HU H T ANYU 22:23

Nünü Wutobuh kilim rholosho nü lalobah, nünü nü khimyambo chingnü thiyuro mülakhi yihkhita bahsho,

JOB HU H T ANYU 22:27

Nünü api ki tamkhüntamnüba tüsho apinü nü ki anibah, tüsho nünü thiyuchihchimkhibo jihbah.

JOB HU H T ANYU 36:11

Arünü anisho, tüsho api tankihsho, arünü arü nimungbo lalim tsüde tüsho arü kambo reangkeamde hoshihbah.

JOB HU H T ANYU 36:9

judüki apinü arü ki arü rhimo tüsho arünü alakmihkhibo, arünü bukakhiukde yakli huhchoh de athabah.

MUNGSHIKHÜN 107:13

Judüki arünü arü küpkhuk ching Atungpuh ki zhi, tüsho apinü arü lümthsünübo chingnü khümkhit.

MUNGSHIKHÜN 46:10

Zhikde laang, tüsho I Thrünpuh ah de mükheahang; trükshih bolung I shuhkihbah, alomi ching I shuhkihbah!

MUNGSHIKHÜN 46:11

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 86:5

Tümüde Atungpuh , nü tsülah tüsho neak bahjihpü thsakhamlah, tüsho nü ki jirü alala kilim mihmüthsüm ching suhdahlah.

MUNGSHIKHÜN 9:16

Atungpuhnü aküdah thsüde mükheahshih, apinü mahkhapdo; mihbukmuyukbo arü khahnü athsükhi qimürip ching phuh-a lah.

MÜCHITMUDU 16:7

Küyimki mihtsürü limrobonü Atungpuh asühshihbanü, apinü anihbuh riribo she api lung mungtsü lashichoh.

MÜCHITMUDU 21:1

Kiulongthsürü mulong ju Atungpuh khah ching lah; ke yungbo nangde apinü külimpeang lümlanü thsüphülapchoh.

JEREMIA 24:7

Inü arü kilim I Atungpuh de mükheahpü mulong jihbah; tüsho arübo I mihtsürü thsübah tüsho I arü Thrünpuh thsübah, tümüde arü mulong athrünkhinü arübo I kilim rholobah.

JEREMIA 36:7

Khükia arünü mushukhi Atungpuh miki arübah, tüsho arü alala arü amütsü limrobo chingnü rholobah, tümüde ato ju Atungpuhnü ha mihtsürü azhihde athakhi bukakhiukkhi tüsho mulong zhipzhip lah.”

TÜZHOKHI 3:56

Inü mushukhi nünü sodo, “Arung thsungkheak inü azhikhi nü nükhün düyihdo!”

DANIEL 4:25

Nü mihtsürü bolungnü yanabahbah, tüsho nü lapung ju mütüm shiwüh bolung labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü kilim ju jihchoh de nünü manikhityi khiungde kam thüne rünkhitbah.

DANIEL 4:32

Mihtsürü bolungnü nü yana bahbah, tüsho mütüm shiwüh bolung nü labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh tüsho apinü amulongrü kilim ju jihchoh de nünü manikhityi khiungde kam thüne rünkhitbah.”

DANIEL 4:36

Ju kim ching I lümlung I kilim alodarü; tüsho I mungthu tüsho I müretah I kiulongthsü müretah thsungkheaknü I kilim jihlo. I yo atorübo tüsho I putungrübonü I yimkhit, I kiulongthsü kurungkheak I lalo, tüsho kheaküshe khide atobo I kilim jihlo.

MATHI 6:33

Tüshe nünü akhuhde api kiulongthsü tüsho api thiyuro-lungki yimang, tüsho harü alala nü kilim jihbah.

JOHAN 17:3

Tüsho ha lün rhangdung ah, junangde arünü nü ju lang thiyuro, Thrünpuh, tüsho nünü athiyikhi Jisu Khrista mükheahbah.

JOHAN 4:10

Jisunü alibe ki alo, “Nünü Thrünpuh thsambah tüsho nü ki, ‘I kilim ke yungpü kü,’ de akheangbuh mükheahkhülaa, nünü api ki kheangbah, tüsho apinü nü kilim rhangdung ke jih-a labah.”

YUZÜNGTHALO 29:6

nüsanü yikhap mütsüh, yungsho yukhu le püpü ayungbe muyung; tüshe nüsanü api ju Atungpuh nüsa Thrünpuh ah de amükheahpü thsüde Atungpuhnü nüsa tsühyungpü jih.

IBRI 8:11

Tüsho arü mihbüm abannü müyamrü yungsho keoniorü ki, ‘Atungpuh mükheahang’ de müthsangyu, tümüde aninibenü atobe khiungde arü alalanü l mükheahbah.