2 KIUTHSÜYUKHEAN 33:12 - AMÜSÜH HÜM CL Bible (BSI)

¹² Api lümthsünü ching lachoki apinü anihbuh Thrünpuh, Atungpuh ki tamkhüntamnü tüsho anihbuh jipürü Thrünpuh miki tode azhihayihde kam.

2 KIUTHSÜYUKHEAN 33:12 Iomraidhean Croise

2 KIUTHSÜYUKHEAN 12:7

Küyimki arü azhihayihkhi Atungpuhnü angükhea, Atungpuh yu Shemaia kilim arüshihde tha: “Arünü azhihayihde kamdo; inü arü müthsümünim, tüshe arü kilim atsokhitpü khürü mülüjihbah, tüsho Shishak khah hode I bukakhiukkhi Jirusalem kheak mudungkih.

2 KIUTHSÜYUKHEAN 15:2

Apinü Asa shorupü wukhiuk, tüsho api ki tha, “I ki aniang, Asa, tüsho Juda alala tüsho Benjamin: Atungpuh nüsa lung lah, nüsa api lung lah. Nüsanü api yimsho, nüsanü api ngübah, tüshe nüsanü api bahyuksho, apinü nüsa bahyukbah.

2 KIUTHSÜYUKHEAN 15:4

tüshe arü lümthsünükhi ching küyimki arünü Atungpuh , Israel Thrünpuh kilim rholokhea, tüsho api yimkhea, api ju arünü ngü.

2 KIUTHSÜYUKHEAN 28:22

Kiulongthsüpuh Ahaznü anihbuh lümthsünü ching lachoki Atungpuh kilim alübe thiyuro mülakhi kam.

2 KIUTHSÜYUKHEAN 28:5

Jumonü Atungpuh api Thrünpuhnü anihbuh Siria kiulongthsüpuh khah ching jih, apinü anihbuh kuk tüsho api mihtsürü ahihdo rama lubah Damaska ching arü. Api ju Israel kiulongthsüpuh khah ching she jih, apinü ahihdo laksahde api kuk.

2 KIUTHSÜYUKHEAN 32:26

Judüki Hezekianü api mulong kükheangkhi, api tüsho Jirusalem ching larünü mulong rholode kam, junangde Hezekia nimungbo ching Atungpuh bukakhiukkhi arü kheak marü.

2 KIUTHSÜYUKHEAN 33:23

Abuh Manasenü azhihayihkhi nangde apinü Atungpuh miki mazhihayih tüshe ha buh Amonnü amülim alü thsüde rhimo.

2 KIUTHSÜYUKHEAN 34:27

tümütüsho nünü ha dangpung tüsho ha ching larü azhihde api yubo sochoki nü mulong müthri tüsho Thrünpuh miki azhihayihde kam, tüsho nü khim thorüpde I miki trip, inü she nü ki sojihdo, Atungpuhnü thachoh.

MUNGSHIKHÜN 118:5

Inü lümthsünü ching Atungpuh ki ji; Atungpuhnü I ki alo tüsho amülih dangpung ching I zojih.

MUNGSHIKHÜN 120:1

I lümthsünü ching inü Atungpuh ki zhi, tüsho apinü I ki sojih.

MUNGSHIKHÜN 130:1

Asükbo chingnü inü nü ki zhido, O Atungpuh ;

MUNGSHIKHÜN 130:2

Atungpuh , I düsheak sojang! Inü amushukhi düsheak lim nü nükhünbo yukde anijang.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

ABEKHIT 10:3

Jumonü Mosa tüsho Aronnü Pharao ki yübah tha, “I Atungpuh Ibrirü Thrünpuhnü ha thachoh: ‘Nünü I miki azhihayihpü külokhüh thsungloba? I mihtsürübo tsoshang, junangde arünü I tankihbah.

JEREMIA 13:18

Kiulongthsüpuh tüsho kiulongthsüberü ki thaang, “Abobe binkiu luang, tümüde nü ku kheaknü akheahakhamkhi kuthran ayokhido.”

JEREMIA 36:7

Khükia arünü mushukhi Atungpuh miki arübah, tüsho arü alala arü amütsü limrobo chingnü rholobah, tümüde ato ju Atungpuhnü ha mihtsürü azhihde athakhi bukakhiukkhi tüsho mulong zhipzhip lah.”

DANIEL 4:36

Ju kim ching I lümlung I kilim alodarü; tüsho I mungthu tüsho I müretah I kiulongthsü müretah thsungkheaknü I kilim jihlo. I yo atorübo tüsho I putungrübonü I yimkhit, I kiulongthsü kurungkheak I lalo, tüsho kheaküshe khide atobo I kilim jihlo.

HOSEA 5:15

Arünü arü mülimkhi muhuhyi khiungde, inü I mihtsürü bahyukbah. Tüsho arünü I miro yimbah; arü thsünükhi ching arünü mushude I yimbah.

JONA 2:2

“ Inü I lümthsünü chingnü Atungpuh ki ji tüsho apinü I ki alojih; Ashe-lomi asük chingnü inü zhi, tüsho nünü I düsheak so.

MIKA 6:9

Atungpuh trekhi ju lümlung atsü, apinü kiuto ki jichoh, Aniang, nüsa kiuto ching mukhungrü mihtsürübo!

YUNIRÜBO RHIMO 9:11

Atungpuhnü api ki tha, “Langakindo alakhi kiudunglimro kheak Juda yam ching yüang tüsho Tarsa chingnü mihtsürü khülang amung Saul dünkheak keokhiang, tümüde api tamkhüntamnüde lah.

JAKOB 4:10

Nüsanü Atungpuh miki azhihayihang tüsho apinü nüsa shuhkihbah.