2 KIUTHSÜYUKHEAN 32:5 - AMÜSÜH HÜM CL Bible (BSI)

⁵ Hezekianü müküpde rhimo tüsho keama lakhi chipi thsü; tüsho apinü ju kheak aheangsadambo thsü, tüsho wungdo chipi püpü thsü; apinü David kiuto ching düthrüt she thsakhamlo tüsho thsühnuk le tsungbo suhdahde thsü.

2 KIUTHSÜYUKHEAN 32:5 Iomraidhean Croise

2 SAMUEL 5:9

Davidnü chipi ayünkhi müküh, tüsho David kiuto de ji. Millo kinü rünbah alala mükamde Davidnü kiuto thrün.

1 KIULONG THSÜRÜ 11:27

Apinü kiulongthsüpuh azhihkhi amütsan ju ha lakheah: Solomonnü Jirusalem aniakhiuklim alo kiua dangkih tüsho abuh David kiuto chipi khünbitbo yihdo.

1 KIULONG THSÜRÜ 9:24

Tüshe Pharao tsührünü David kiuto chingnü Solomonnü anihbe yam thsüjihkhi ching wutu; jushu Solomonnü kiuto tsülim peang alo ju kiua dangjih.

2 KIULONG THSÜRÜ 12:20

Api yamlarübo asürübah rük yim, tüsho Silla lim yüki limro ching Millo yam chingnü Joash laksah.

2 KIULONG THSÜRÜ 25:4

Judüki kiuto chipi ching ahopung thsakham; Kaldearünü kiuto mükamde zündodo she kiulongthsüpuh lung bonungrü alala kiulongthsüpuh shahwün ki, chipi mahne dükeak ripit chingnü tsoabah. Arünü Araba thrippeang yü.

2 KIUTHSÜYUKHEAN 12:1

Küyimki Rehoboam düküngde tüsho reangzahde akamkhea, api lung Israel alalanü Atungpuh yakzan bahyuk.

2 KIUTHSÜYUKHEAN 23:1

Tüshe kam thünepü ching Jehoiadanü mulong ato thsü, tüsho bonungrü atorü 5 shoruachihpü thsakham: Jeroham tsührü Azaria, Jehohanan tsührü Ishmael, Obed tsührü Azaria, Adaia tsührü Maaseia, tüsho Zikri tsührü Elishaphat.

2 KIUTHSÜYUKHEAN 25:23

Israel kiulongthsüpuh Jehoashnü Ahazia tsührü, Joash tsührü Juda kiulongthsüpuh Amazia Beth-shemesh chingnü tholo; apinü anihbuh Jirusalem lim bede arü, tüsho Jirusalem chipi ju Ephraim Ripit kheaknü Amühit Ripit khiungde, adükeak khahnap 400 zahde kingkheam.

2 KIUTHSÜYUKHEAN 26:8

Amonrünü Uzzia kilim ruk jih tüsho api mungthukhi Ijip aredung khiungde yü, tümüde api khide reangzahde kam.

2 KIUTHSÜYUKHEAN 33:14

Ju dunglim apinü jindükhün ching Gihon aniyüzahlim David kiuto thsungkheak Thüngüh Ripit ching ayüzahpung khiungde chipi aleangbe thsü; apinü Ophel mühide rhimo, tüsho khide changde zünkih. Apinü bonungrü wühkenorübo she chipi ayünkhi Juda kiuto alala ching zojih.

MÜCHITMUDU 25:28

Shepünü nihbuh müdanyuknü chipi keamabahkhi kiuto nangde lah.

JEREMIA 39:4

Küyimki Juda kiulongthsüpuh tüsho bonungrü alalanü arü ngükhea, arünü azhing ching kiuto chingnü wukhiukbah kiulongthsüpuh shahwün limronü chipi mahne dükeak ripit chingnü shanyukbah tso; tüsho arübonü Araba limpeang yü.

JOEL 2:8

Arü khülangnü khülang mükhangachih, mihbüm abannü nihbuh ru ching lah; arünü thüram hode leamde yüchoh tüsho tümünü arü muwuhlo.

MAHKHAPRÜ 9:6

Shekem mihtsürübo tüsho Beth-millo alala mukhungde arü, tüsho arünü Shekem ching thülamdung kinü Abimelek ju kiulongthsüpuh kamshih.