2 KIUTHSÜYUKHEAN 32:33 - AMÜSÜH HÜM CL Bible (BSI)

³³ Hezekia nihbuh jipürü lung yap, tüsho arünü api David tsühsoniuso kiuyukbo wung kheak kiuyukabah; tüsho Juda le Jirusalem ching larü alalanü api shechoki wüntre jih. Api tsührü Manasenü anihbuh müthri.

2 KIUTHSÜYUKHEAN 32:33 Iomraidhean Croise

1 KIULONG THSÜRÜ 1:21

Judüalalashe I tungpuh kiulongthsüpuh nihbuh jipürü lung sheabahshu I tsührü Solomon tüsho I ju mahmünitrü khejihbah.”

1 KIULONG THSÜRÜ 11:43

Solomon nihbuh jipürü lung yap tüsho abuh David kiuto ching kiuyukabah; tüsho atsührü Rehoboamnü api khah müthri.

1 KIULONG THSÜRÜ 2:10

Judüki David ju nihbuh jipürü lung shede yü, tüsho David kiuto ching kiuyukabah.

2 KIULONG THSÜRÜ 20:21

Hezekia nihbuh jipürü lung yap; tüsho atsührü Manasenü api müthri.

2 KIUTHSÜYUKHEAN 16:14

Arünü api David kiuto ching anihbuh zangrü api thsungkheak kiukhi kiuyuk ching bah. Arünü api rhümthüneabe rhimosorünü athsakhamkhi rhümthüneabe aphuaphu zokhi dükhüm khülang kheak yapshih; tüsho arünü api ki akin jihde morimoto khülang thsü.

2 KIUTHSÜYUKHEAN 32:32

Kheakü aningkhi Hezekia rhimobo, tüsho api rhimo atsübo, Amoz tsührü wukihbuh Isaia michih ching, Juda tüsho Israel kiulongthsürü hüm ching thrüta lah.

2 KIUTHSÜYUKHEAN 35:24

Jumonü anihbuh yamlarübonü khora-lolungbe chingnü api bekhit tüsho api yo mahnepü khora-lolungbe chingnü hanbah Jirusalem lim arü. Ju ching api sheabah, tüsho anihbuh jipürü kiuyukbo ching api mi bah. Juda tüsho Jirusalem alalanü Josia thsungkheak tüzho.

MUNGSHIKHÜN 112:6

Tsükjide küyimkishe api matrüt; thiyuro-lungkirü lünnü alümkhitbah.

MÜCHITMUDU 10:7

Thiyuro-lungkirü lümkhitpü ju müngühmühi ah, tüshe mihbukmuyukrü mung nahde mihabahbah.

WÜHKHE 20:29

Küyimki boto alalanü Aron shea angükhea, Israel yamkhün alalanü Aron dünkheak nimung samrü tüzho.

YUZÜNGTHALO 34:8

Tüsho Israel tsührübonü Moab dükhün ching nimung samrü Mosa mitrip. Junangde Mosa dünkheak mitripkhi tüsho tüzhokhi arün thsü.

1 SAMUEL 2:30

Jumonü Atungpuh Israel Thrünpuhnü thachoh: ‘Nü yamkhün tüsho nüsa jipürü yamkhün lünnü I miki yüzahbah tüsho awukhiukbah de inü thiyuchihchim thsü’; tüshe kheakü Atungpuhnü thachoh: ‘I kheaknü limshuabahang; tümüde shepünü I wüntrecho inü wüntrebah, tüsho shepünü I khenochonü junode arhimobah.

1 SAMUEL 25:1

Kheakü Samuel sheabah; tüsho Israel alala mukhungbah api mi trip. Arünü api Rama ching lakhi anihbuh yam ching kiuyukabah. Judüki Davidnü asürübah Paran sunglo lim yüki.