2 KIUTHSÜYUKHEAN 32:25 - AMÜSÜH HÜM CL Bible (BSI)

²⁵ Tüshe Hezekianü anihbuh kheak yihnüpü rhimokhi yande malo, tümüde api mulong kükheangde alakheah. Jumonü bukakhiukkhi api le Juda tüsho Jirusalem kheak arü.

2 KIUTHSÜYUKHEAN 32:25 Iomraidhean Croise

2 SAMUEL 24:1

Kheaküshe Israel kheak Atungpuhnü bukakhiuk, tüsho apinü arü azhihde David ki ajuhde tha, “Yüang, Israel tüsho Juda mihtsürü kheang.”

2 KIULONG THSÜRÜ 14:10

Nünü atsütsü Edom kukdo, tüsho nü kükheangde lah. Nü mungshikhi ching reangkeamang, tüsho thüyam ching laang; nü lung Juda bede akeampü thsüde tümüde nünü küpkhukpü asahcho?”

2 KIULONG THSÜRÜ 20:12

Ju kim ching Baladan tsührü Babilon kiulongthsüpuh Merodakbaladannü kihüm tüsho thsambah mühahbah yunithsürübo Hezekia kilim yüshih, tümüde apinü Hezekia tukthsüde alakheah de so,

2 KIULONG THSÜRÜ 20:13

Hezekianü arübo leangkhi; apinü arü ki anihbuh rahpung-yam alala, shotoyinchi, suna, rhümthüneabe mungjibo, shoto müdangke, zülu, api kukruk zopung-yam ching lakhi alala huh; Hezekianü api yam ching yungsho api kiulongthsü ching muhuhkhi tümü she mülakheah.

1 KIUTHSÜYUKHEAN 21:1

Arimrinü Israel azhihde wusu, tüsho Israel mihtsürü kheshihpü David ki athsung.

2 KIUTHSÜYUKHEAN 19:2

Hanani tsührü wukihbuh Jehunü api shorupü wukhiuk tüsho kiulongthsüpuh Jehoshaphat ki tha, “Nünü mihbukmuyuk rungba shi tüsho Atungpuh thraneanrü muzhoba shi? Ha dünkheaknü, nü azhihde bukakhiukkhi Atungpuh kheaknü wukhiukdo.

2 KIUTHSÜYUKHEAN 24:18

Arünü Atungpuh arü jipürü Thrünpuh yam bahyuk, tüsho Ashera sangthsübo tankih. Tüsho arü amülim ha dünkheaknü Juda tüsho Jirusalem kheak Thrünpuh bukakhiukkhi arü.

2 KIUTHSÜYUKHEAN 25:19

Nünü thachoh, ‘ Kheahang, inü Edom kukdo,’ tüsho nünü kükheangdo. Kheakü thüyam ching binang; nü tüsho nü lung Juda keampü thsüde tümü thsüpü nünü küpkhukpü asahcho?”

2 KIUTHSÜYUKHEAN 26:16

Tüshe küyimki api reangzahde akamkhea, anihbuh thsümünimpü api kükheangde kam. Tümüde apinü Atungpuh api Thrünpuh azhihde amülim thsü, tüsho rhümthüneabe kingaün sadam kheak kingaünpü Atungpuh arüngyam ching yüzah.

2 KIUTHSÜYUKHEAN 32:31

Kheaküshe, Babilonrü limburü, lomi ching amütsan rhimokhi dünkheak keokhikeorashihpü arünü athiyikhi she, api mulong ching lakhi alala apinü mükheahpü thsüde rükakiakheahpü Thrünpuhnü api kheaknü akhin.

ISAIA 39:1

Ju kim ching Baladan tsührü Merodak-baladan Babilon kiulongthsüpuhnü kihümbo le thsambahbo mühahbah yunithsürübo Hezekia kilim yüshih, tümüde api tukthsübah angukhi apinü so.

ISAIA 39:2

Hezekianü arübo leangkhi; apinü arü ki api rahpung-yam, shotoyinchi, suna, thüneathürabe, shoto müdangke, thsühnuk alala, api kukruk-zowupung ching lakhi alala huh. Api yam ching yungsho api kiulongthsü alala ching Hezekia nü arü ki muhuhkhi tümü mülakheah.

EZEKIEL 28:17

Nü jak tsümo nünü kükheang; nü mungthu hode nü lümlung thsümünim. Inü nü alo ching bah; inü nü kiulongthsürübo miki nü kheak arü mükbo mürüngshihpü lahkhita zojih.

EZEKIEL 28:2

Mihtsürü tsührü, Tair yakzanshuhrü ki thaang, Atungpuhnü ha thachoh: Tümütüsho nü kükheanglah tüsho nünü tha, “ I thrünpuh khülang ah, inü ketobo phulung ching thrünpuhbo binpung binchoh,” tütüshe nünü nü lümkhi thrünpuh lümkhi kheak akeke she nü a mihtsürü khülang ah tüsho thrünpuh yung.

EZEKIEL 28:5

Nü shothsümolo ching lümlung ato hode nü lakhit alü thsüdo tüsho nü lakhit ching nü mulong kükheangde kamdo.

EZEKIEL 31:10

Jumonü Atungpuh Thrünpuhnü ha thachoh: Tümütüsho ha changde rünkih tüsho amobo lung yükih tüsho achangkhinü mulong kükheangde kam,

DANIEL 11:12

Apinü akukkhi tüsho apinü bonungrü hihde alaksahkhi dünkheak apinü kükheangbah, tüshe ju ruk langa akuk müngü.

DANIEL 5:20

Tüshe küyimki api mulong müküpde tüsho kükheangde kamkhea, api kiulongthsü-binkiu kheaknü akishih tüsho api müretahkhi luabahjih.

DANIEL 5:23

Nünü yinmi Thrünpuh azhihde nihbuh zangrü shuhkihdo! Api arüngyam pungphurubo nü miki lude azah, tüsho nü putungrübo, nü niubebo tüsho nü hanniubebonü jurü chingnü yukhu yung. Nünü shotoyinchi tüsho suna, müwayinchi, yinchi, sang, tüsho lung thrünpuhbo, küpünü müngü yungsho muso yungsho mümükheahnü ju shijih; tüshe Thrünpuh shepü khah ching nü rhangdung la, tüsho shepü kilim nü limro alala lanü, nünü wüntre müjih.

HOSEA 14:2

Amushukhi lubahle Atungpuh kilim rholode yüang; api ki thaang, “Amülim alala lude tsoang; atsü küpüanü leangkhiang tüsho isanü alokhikhi nangde isanü nü shianü.

HABAKKUK 2:4

Akükheangrü kheak kheahang! Arü me arü kheak mulungki, tüshe thiyuro-lungkirü arü akin hode alabah.

2 KORINT 12:7

Amikheak akhiukkhi hihde angükhi hode I changde mülümshihpü, Arimri yunithsürü khülang, I thsümüchishihpü I pang ching ayang khülang jih.

YUZÜNGTHALO 32:6

Nüsanü Atungpuh kheak hade rhimocho de, nüsa abünrü tüsho azhazha mihtsürü? Api ju nü thrünrü nü buh yung de, shepünü nü thrün tüsho trük kamshih?

YUZÜNGTHALO 8:17

Jumonü nüsanü nihbuh wu tüsho sühmüh hode lakhit ngüdo de küyimkishe mülümbeah.

1 TIMOTHI 3:6

Api akin ching azorü thsübeah, jude yungsho api kükheangde akambah tüsho amünean nangde abahyukkhi ching keamyukbah;