2 KIUTHSÜYUKHEAN 32:23 - AMÜSÜH HÜM CL Bible (BSI)

²³ Ahihdonü Jirusalem ching Atungpuh kilim thsambahbo tüsho Juda kiulongthsüpuh Hezekia kilim shoto kukrukbo lude arü, junangde ju kimnü rünbah trükshih alala miki api shuhkih.

2 KIUTHSÜYUKHEAN 32:23 Iomraidhean Croise

1 KIULONG THSÜRÜ 10:10

Judüki alibenü kiulongthsüpuh kilim suna khahngak 4000 akumung mungji aphuaphu ahihdo tüsho amo-achak lungbo jih; Sheba kiulongthsübenü kiulongthsüpuh Solomon kilim jihkhi mungji aphuaphu hadükhüh küyimkishe hande marüde alakheah.

1 KIULONG THSÜRÜ 10:25

Mihbüm abannü thsambah, shotoyinchi kukrukbo, suna, khimmih, thsühnukbo, mungji aphuaphubo, khora, khoranunu, kam aban hihdakde lubah arü.

1 KIULONG THSÜRÜ 4:21

Solomon ju Euphra chingnü Filistia lomi kiulongthsürübo alala kurungkheak, Ijip aredungyean she khiungde wu-sühmüh lakheah; arünü ruk handarü tüsho Solomon rhangdung lakhi amuyung tankih.

2 KIULONG THSÜRÜ 19:30

Aningkhi Juda yamkhünnü kheaküshe aying abolim chinyukbah, tüsho akulimnü aso asobah;

1 KIUTHSÜYUKHEAN 29:25

Atungpuhnü Israel alala miki Solomon changde shuhkih, tüsho Israel ching api müngüh kiulongthsürü she kheak mülakhi kiulongthsü wüntremüretah api kheak jih.

2 KIUTHSÜYUKHEAN 1:1

David tsührü Solomonnü api kiulongthsü düküngde kamshih; Atungpuh api Thrünpuh anihbuh lung lakheah tüsho api khide ato kamshih.

2 KIUTHSÜYUKHEAN 17:11

Filistiarü khürünü Jehoshaphat kilim thsambahbo tüsho ruk thsungkheak shotoyinchi hande arü; tüsho Arabrünü she namfimihnu pung 7700 tüsho mihnupung 7700 api kilim handarü.

2 KIUTHSÜYUKHEAN 17:5

Jumonü Atungpuhnü api khah ching kiulongthsü düküngde kamshih. Juda alalanü Jehoshaphat kilim thsambah hande arü, tüsho api lakhit ato tüsho akinashu lakheah.

2 KIUTHSÜYUKHEAN 9:24

Arü mihbüm abannü thsambah khülang, shotoyinchi tüsho suna, khimmih, thsühnukbo, arhümthüneabe, khorabo, khoranunu kam aban hihdakde hanbah arü.

EZRA 7:27

Ezranü tha, “Isa jipürü Thrünpuh! Atungpuh shiang, shepünü Jirusalem ching Atungpuh arüngyam akheahakhamde kamshihpü kiulongthsüpuh mulong ching asukachih.

MUNGSHIKHÜN 68:29

Jirusalem ching nü arüngyam dünkheaknü, kiulongthsürübonü nü kilim thsambahbo handarübah.

MUNGSHIKHÜN 72:10

Tarshish tüsho kekung-lo kiulongthsürübonü thsambahbo hande arübah; Sheba tüsho Seba kiulongthsürübonü thsambahbo jihbah.

MUNGSHIKHÜN 76:11

Atungpuh nü Thrünpuh ki thiyuchihchimang tüsho jurü dünjishang; api mükamde alarünü atrepü thsüde api kilim thsambahbo lude arüshang.

MATHI 2:11

Tüsho küyimki arü thüyam ching yüzahkhea, arünü azürü ju abe Mari lung ngü, tüsho mükhümbah api kingaün. Tüsho arünü thsambah düm trünbah api kilim suna, jinjinlak, tüsho rhümthüneabe thsambahbo jih.