2 KIUTHSÜYUKHEAN 32:21 - AMÜSÜH HÜM CL Bible (BSI)

²¹ Tüsho Asiria kiulongthsüpuh binkheampung ching athrungrü thirithsürü alala tüsho limthorü le atorübo dükheakshihpü Atungpuhnü yunirü khülang thiyi. Jumonü api mihmuzho mülakhi ching anihbuh lomi lim alode yü. Küyimki apinü anihbuh thrünpuh yam ching arükhea, api tsührübo khürünü ju kheak nukshangnü api kiumülün.

2 KIUTHSÜYUKHEAN 32:21 Iomraidhean Croise

2 SAMUEL 24:16

Tüshe küyimki yunirünü athsümünimpü Jirusalem lim akhah chungkhea, Atungpuhnü amütsü dünkheak lümlo, tüsho mihtsürü bolung athsümünimpü hanbah arürü yunirü ki ju tha, “Ha suhdo, kheakü nü khah tukloang.” Judüki Atungpuh yunirü ju Jebusrü Arauna hinitpung ching lakheah.

2 KIULONG THSÜRÜ 19:20

Judüki Amoz tsührü Isaianü Hezekia kilim yüshihde tha, “A TUN GPU H , Israel Thrünpuhnü ha thachoh: Asiria kiulongthsüpuh dünkheak nünü I ki tamkhüntamnükhi inü sodo.

2 KIUTHSÜYUKHEAN 32:20

Judüki kiulongthsüpuh Hezekia tüsho Amoz tsührü wukihbuh Isaianü ha dünkheaknü tamkhüntamnü tüsho yinmi lim zhi.

2 KIUTHSÜYUKHEAN 32:22

Jumonü Atungpuhnü Hezekia tüsho Jirusalem ching larübo Asiria kiulongthsüpuh Sennakerib tüsho api riri alala khah chingnü khümkhit; apinü thrip abande arü ki mungtsü jih.

JOB HU H T ANYU 9:4

Api lümlung süklah, tüsho sühmüh tolah. Shepünü Api azhihkhukde, tüsho akuk ngüde?

MUNGSHIKHÜN 132:18

Inü api riribo achihnü alüpdojihbah tüshe api kiulongthsü akuk ngüde lalim tsübah.”

MUNGSHIKHÜN 18:50

Api kiulongthsürü kilim apinü abekhitkhi ato jihchoh, tüsho api yo mujude-mokhitkhi David, tüsho anihbuh tsühsoniusobo ki lünnü amüthsüm huhchoh.

MUNGSHIKHÜN 44:15

Nimung amuyung makhamaleak I miki lah, tüsho achihkhinü I miro lüpdolah,

MUNGSHIKHÜN 76:12

Apinü yakzanshuhrübo me thsümünimchoh; alomi kiulongthsürübonü api trechoh.

MUNGSHIKHÜN 76:5

Athrungrü mihtsürü yankhia lukhi ching yaplah, arübo yaprama lah; thirithsürü shenü she arü khah mushuhkihkhuk.

MUNGSHIKHÜN 76:6

O Jakob Thrünpuh, nünü athürühkhinü khorabo tüsho khoraberü chido shea yaplah.

MUNGSHIKHÜN 76:7

Nü lang atrepü lah. Nü bukakhiukchoki shenü nü miki zhipkhukpü la?

MÜCHITMUDU 11:2

Küyimki kükheangküyangrü arübanü, mungchih arüchoh; tüshe azhihayih lung lümlung lah.

MÜCHITMUDU 16:18

Lülüshishi ju athsümünim müngüh, tüsho kükheangküyang akeamkhi müngüh yüchoh.

ISAIA 10:8

Tümüde apinü tha: “ I yo limthorübo alala kiulongthsürü yung de?

ISAIA 14:25

Inü Asiriarü I lomi chingnü dükheakshihbah, tüsho I yo awung kheak müphü khüp api jungbah; api sangkaplak, tüsho api hahmülang arü dubuh kheaknü lahkhia bahbah.

ISAIA 36:9

Dale küde thsah nünü I putungrü yamlarü bolung aninibe wühkenobuh yanlokhukpü, tüsho khora-lolungbe le khoraberü thsungkheak Ijip kheak düthsün angüba?

ISAIA 37:21

Judüki Amoz tsührü Isaianü Hezekia kilim yüshih: “Atungpuh , Israel Thrünpuhnü ha thachoh: Tümütüsho Asiria kiulongthsüpuh Sennakerib dünkheak nünü I ki tamkhüntamnü,

ISAIA 42:8

I Atungpuh ah, ju I mung; I müretahkhi püpürü kilim, yungsho I mungshi sangthsübo kilim müjih.

JEREMIA 21:2

“Muzhobah isa thsung thsüde Atungpuh ki keojang, tümüde Babilon kiulongthsüpuh Nebukednezarnü isa azhihde thirithsüchoh; khükia apinü rhimode alakhi nangde Atungpuhnü amüyinsahbe isa thsungkheak rhimobah, tüsho isa kheaknü api tsoloshihbah.”

DANIEL 3:28

Judüki Nebukednezarnü tha, “Shadrak, Meshak tüsho Abednego Thrünpuh shiang, shepünü Api yunirü thiyi tüsho api yamlarübo khümkhit! Arünü api kheak kin tüsho kiulongthsüpuh yukhüm mani tüsho arü Thrünpuh kheak hobah püpü thrünpuhbo tankihde mükingaünpü rhangdung shuhmülanga jih.

DANIEL 6:22

I Thrünpuhnü api yunirü arüshihbah kekhüzübo mün khimdoshih, junangde arünü I muyuri, tümütüsho I api miki amülim mülade ngü; tüsho nü miki she, O kiulongthsüpuh, inü amülim tümü mürhimo.”

YUNIRÜBO RHIMO 12:23

Zukleangnü Atungpuh yunirünü api shik, tümütüsho apinü Thrünpuh müremütah; api ju musonü ru tüsho sheabah.